2020年3月26日 星期四

遊輪假期 - 岸上觀光

這幾天忙得要死...全球經濟陷入危機....慘慘慘...但有危就有機...希望上天幫幫手.....

唔講咁多住, 繼續執番個遊輪假期先.

今次遊輪假期有三天可以上岸觀光.

行程第三天 12月24日 - 日本沖繩
行程第五天 12月26日 - 菲律賓 Ilocos
行程第六天 12月27日- 菲律賓 Subic Bay


12月24日的日本沖繩

10:30半落船, 黃昏18:00前要回到船上, 真係無咩時間.   之前曾經去過沖繩, 唔覺得有咩好玩, 所以去邊都無所謂, 所以由姨甥幫我地訂車, 去邊道玩都好.  再者郵輪提供的tour都好貴, 覺得唔抵囉.

姨甥訂了兩部車.    姨甥一家一部車, 佢地去水族館及小朋友的玩具商埸.  而我地六兄弟姊妹couple, 十二人租了一部較大的Van, 以觀光為主.

第一個節目去行國際通, 並實都無咩好行, 都係隨便逛逛.

因為12人太多,  一起行街左等右等, 我地便分了三組, 每組四人, 各自行街食飯.

 
我同三家姊姊夫四人, 先去食午飯.   呢間水準都只係一般

午飯都食咗差不多一千港元, 不過係四人價錢.

食完飯用得太多時間, 跟著就要回去集合, 去第二個去方

行outlet mall 呀! 

去到先去information, register 佢地個app, 就可以攞到優惠卷.

大家又買咗的野...

跟著要去第三景點... Senaga Islan.



呢個景點就主要睇風景, 呢道有的西班牙小白屋feel 呀, 咁大家影吓相, 食的野, 飲吓咖啡

一坐落開Wifi, 收到Whatsapp.... 吓, 唔係趁我放假咁大鑊麻....公司爆消防喉水浸.....即刻叫公司那位小姐定的....call 管理公司, 聯絡保險公司....好彩放緊聖誕假, 大把時間比佢地整.   同佢講離開餐廳就無Wifi,  又失聯幾天啦.


下午四點幾我地回程, 見到另一首郵輪, 就泊响碼頭邊, 呢首係Costa Leiscia

而我地坐的Spectrum of the Sea 就泊响最出面, 因排水量大好多.
 
上船啦, 今晚我同三家姊姊夫及姨甥一家訂咗自費食鐵板燒呀!

跟著再講吓另外兩天的岸上觀光

Dec 26, 2020 - Philippine - Ilocos

今次係皇家加勒比郵輪第一次停這個地方


因為ILocos 呢道未開發, 碼頭太細水太水淺泊唔到咁大嘅郵輪, 我地要坐呢的救生艇去碼頭.

的救生艇好大可以坐好多人(exactly 幾多就唔記得好似三四百人)


岸邊設立了一個臨時關卡, 還邀請了一班學生在那裡跳舞歡迎

同一時間太多人落船, 呢道的設施又不足,  如果想join local tour, 排隊都排到暈.  小朋友企响道已經出哂汗話要走(哈哈, 太寵愛吧女), 咁姨甥話佢地決定上番船, 在船上游水好過.

咁我地就响碼頭附近行吓影吓相算了.



回程就响immigration 入面睇吓Ilocos的簡介.

返上船啦....真係好熱, 上船食飯游水好的...


Dec 27, 2019 - Philippine - Subic Bay

蘇碧灣基本上算係well developed, 船可以直接泊碼頭.

一上岸, 一隊女仔中樂團在演奏, 那位演唱的女士, 同普通話唱多首鄧麗君的歌, 唱得很好聽呀!

今次我地又分開遊玩.   我同三家姊姊夫租了一架的士, 周圍行下.  一架車三小時收5,000q披索 (大約50美元).  姨甥就租了另一架的士去動物園.   另外八位就自已周圍行.


 有司機帶路就唔使行, 可以去多個景點影相

當司機載我地去到一個小型機, 有的奇怪...睇飛機??


原來唔係, 係叫我地望去對面的樹....原來係蝙蝠林, 樹上面掛著灰色嗰的, 全部都係蝙蝠嚟架.  真係唔知原來有的蝙蝠唔係住响洞穴入面.   呢的蝙蝠應該係食樹果吧.

本來司機有帶我地去行熱帶雨林行山徑.   但去到超多旅遊車, 遊客又多, 我更加怕蚊咬(無帶蚊怕水呀)

寧願在周圍附近睇吓風景算啦.   响山上都主到我地隻船呀!   跟著又載我地去咗一個湖, 有的人在那裡釣魚.


跟著叫佢載我地去商場, 一小時後我地就走啦.



上船啦.


哈哈, 一點幾上船去食自助餐, 由14層影落嚟, 蘇碧灣都幾靚.

岸上觀光的三天, 就係咁過啦.