五號屋的部落: 3月 2016

2016年3月31日星期四

生蠔剌身海鮮餐

March 26, 2016, Saturday Night, 復活節假期

食完午餐, 型爸話想出去Ocean Three行吓 , 睇吓有咩好買.

哈哈, 無事出街小破財, 一出街就梗係破財. 買吓呢的買吓嗰的, 咁就兩千幾文......咁今次買又唔算好貴, 因為買了兩執A5鹿兒島和牛. 仲有連埋今晚嘅晚餐. 和牛就唔係今晚食. 今晚係免煮生蠔刺身海鮮餐呀.

唔好以為免煮就好輕鬆呀! 食生野都要好多工夫同小心處理.

响Ocean Three, 試食價食咗四隻蠔, 每隻HK$10, 好抵食, 嗰款海水味重, 好鹹呀! 如果拎走就HK$14一隻, 我地唔買啦. 買咗另外三款, , 平均約三十幾文一隻, 拎返屋企開, 如果叫佢地開要收HK$5一隻, 唔使啦.

呢的開蠔嘅工作, 就由型爸來處型, 買到返嚟放入雪櫃, 臨食前先開, 咁樣比較新鮮又衛生. 而清洗嘅工作就由我嚟做. 用過濾水沖洗乾淨, 食時加的檸檬汁....新鮮又好味.

至於刺身, 我地買咗一大條油甘魚, 一返到屋企, 趁魚仲未解凍, 先切一半放入冰櫃留起, 今晚食一半就夠啦.

的魚仲係好冰硬, 全靠呢把韓國玫瑰刀, 真係好勁, 切落去不費吹灰之力

趁的魚仲硬, 先切好一片片, 跟著包好保鮮紙, 放入雪櫃慢慢解凍. Ocean Three教我要逆紋來切, 咁樣的肉就唔會散. 今日唔係宴客, 自家食我隨便切, 哈哈, 切起唔係好靚呀!

睇吓的油甘魚幾肥美, 食時加上少許青芥末豉油....好味呀!

呢隻麵包蟹係咁多樣之中我覺得最差嘅, Ocean Three做promote, 可能推哂的廠底貨. 買完回家馬上連包裝浸水解凍. 隻蟹已熟, 打開後好細隻, 的羔亦唔飽滿. 唔滿意, 對的麵包蟹打哂折扣, 第日都唔買嚟食啦.

呢款馬糞海膽就好靚啦. 買時仲有加拿大海膽可以選擇, 但加拿大海膽得個大字, 味道無咁好呢!

呢盒三文魚子就唔係今日買, 之前响一田買的. 呢盒係最後一盒, 最近去已經見唔到有得賣. 一盒500g, 呢餐食三份一都夠啦. 又要處理得好好, 開盒先取三份一, 剩下的馬上放回冰櫃, 取出的用保鮮紙包好放入雪櫃慢慢解凍, 盡量不要室溫解凍, 好影有菌架.

全部準備好, 開餐啦....

本來型爸諗著買的壽司返嚟做主食, 我話唔使啦, 自己即時包咪得囉.

用韓國買回來嘅紙菜, 自製一口三文魚子紫菜飯. 即食即包, 鍾意多的飯少的飯自己揸主意

另一款一口馬糞海膽紫菜飯

跟著拎的韓國泡菜

再嚟多一款一口泡菜紫菜飯.

每樣食咗兩件, 想唔飽都唔得啦... 今餐好好味呀!

2016年3月30日星期三

牛肩肉Tortillas

March 26, 2016, Saturday, 復活節假期.

假期第二天, 心情非常愉快. 今個假期已訂了目標, 要清理家中的文件. 回想每年嘅復活節假期, 如果唔出外旅行, 都係會做大掃除清理文件的工作, 積壓咗一年嘅單據, 要在3月底前整理好呢!

晨早起床整理咗幾個小時, 整理好兩個抽屜, 可以抖一抖, 下午再繼續. 又係時候諗吓食咩.

二哥從加拿大回來送我的Tortillas, 差點又比我忘記了. 趁假期在家, 快的食咗佢.

今日我用牛扒嚟做餡料. 呢塊係牛肩肉, 切絲用豉油糖黑胡椒調味炒熟.

Cindy負責切青瓜, 蕃茄

仲有洋蔥

用平底鑊翻熱的Torllias

預備好....開餐

Cindy話佢未食過呢的Tortillas, 咁我就包一件比佢睇呀. 諗吓諗吓, 如果佢無食過, 咁咪即係我一年有多都未食過?

跟著我就繼續包啦....跟著睇吓隔離型爸....

佢件Tortillas放了兩塊芝士, 鋪滿青瓜蕃茄洋蔥, 跟著鋪滿牛肉, 跟著兩邊捲起...佢一啖咬落去, 的餡料多到跌哂出嚟....哈哈哈哈, 使唔使落咁多料呀....可惜當時我對手唔得閒, 影唔到咁珍貴嘅一刻添.

今日飲品, 蘆薈小麥草

其實食一件都好夠啦, 但我家型爸二公子, 仲要多食一件.

跟著我見到Cindy食完一件, 再食多一碗昨天剩低嘅魚湯麵線, 勁大食呀!

見大家咁食得, 我唯有食多的青瓜蕃茄洋蔥啦, Tortillas就唔要啦.

2016年3月29日星期二

March 25, 2016, Wednesday night

今日二公子放假, 佢約咗的舊同學返嚟玩紙牌棋.

佢地呢個約會本來响新年, 點知新年有特發事件取消了, 等到復活節假佢地先再嚟.

平時佢地嚟都唔會煩我, 都係叫外賣pizza, 壽司, 炸雞. 今日我同二公子講, 唔好叫外賣啦, 我煮番餐家常小菜比佢地食啦.

有咩係最家常嘅呢? 就係蒸水蛋嘞....上次買咗的櫻花蝦返嚟, 都差的唔記得, 今日就用嚟蒸水蛋.

用咗七隻雞蛋, 打勻

加1.5倍份量嘅上湯

三湯匙櫻花蝦

拌勻

加的蔥花

放入蒸爐, 蒸咗15分鐘....的蛋滑一滑, 好好味呀! (用上湯梗係好味啦)

唔係淨係蒸水蛋咁家常....當然仲有其他餸啦.

焗豬肩胛 (焗咗五大件豬肩胛, 全部幫我食哂)

魚香茄子

咖哩雞

椰菜炒雞腎

蒜椒蒸黃立鯧

六餸一湯, 仲有茶樹菇雪耳螺片煲雞湯唔記得影呀!

佢地話好好味呀, 全部食哂, 淨係剩咗小小咖哩. 無辦法, Cindy煮少咗米, 三杯半點夠的年輕人食. 佢地每人一碗,只有兩個可多裝一碗.

哈哈, 攪到我兩隻寶貝狗無飯食...佢兩隻野餓到呱呱嘈, 咁唯有呢餐食奇糧啦. 係呀, 我開始轉米飯比的我的狗狗食. 佢地每人食三餐, 早餐食狗糧加雞肉, 午餐食蕃薯, 晚餐食雞肉白飯...係咪好豐富呢!

2016年3月28日星期一

緬甸魚湯麵線

March 25, 2016, Friday

一連四日復活假期開始, 真係happy 呀!

本來午餐諗著食雲吞蝦子麵, 但Cindy話今日要整緬甸魚湯河, 簡易版.

因為家裡無香茅及芫茜, 但佢話都ok架. 的魚湯就梗係要用魚, 加上米粉, 鷹咀豆粉, 魚露做調味.

整好啦, 睇落都幾好喎, 入面有魚, 紅蔥頭及雞蛋

緬甸人真係好鍾意食雞多, 除咗切咗的碎蛋, 仲烚咗幾隻蛋切開一半

另外仲有檸檬及辣椒粉

淨係賣相都OK啦.

而今次佢用咗日本手延麵線

將的魚湯加落的麵線, 再加的檸檬汁, 再加的辣椒粉....好好味呀!

今次最特別係魚腩係脆肉鯇腩, 咬落有趙口, 好好味呀! 比個Like佢.

不過比起上次勁多魚及香料嘅魚湯河, 今次就無咁香, 口味清淡的. 但都一樣咁好味. 讚!

2016年3月27日星期日

尖東百樂門宴會應

March 23, 2016, Wednesday

今日我同慢魔魔請秘書小組食生日飯呀!

秘書小姐唔係今日生日, 佢本來係月初生日, 但丁父憂, 等佢攪掂哂的家事, 先同佢出嚟食飯.

地點比佢地揀, 秘書小姐無意見, 慢魔魔就提議去百樂門, 佢話百樂門近來做優惠, 佢同我地提過幾次, 但我地次次都無去飲茶, 咁就今日去啦.