五號屋的部落: 12月 2010

2010年12月29日星期三

聖誕日聖誕大餐

2010年12月29日下午1:34公開累積瀏覽 81 0

December 25th, 2010, Saturday Night, 室外天氣寒冷, 還下著微微雨, 但室內溫暖溫馨又愉快

當Mr & Mrs Kua 邀請我們一家聖誕日到他們家吃聖誕大餐時, 我真的開心得不得了... 反觀這麼多年開聖誕party, 通常都係大食會, BBQ或到會形式, 從來未試過有朋友請我們回家, 親手弄一頓聖誕大餐..... Mrs. Kua, 妳好勁呀!

晚上六時, 已經到Mr. & Mrs Kua 家裡. 檯已經set 好, 今晚共有14人一起吃晚飯., 好高興呀!

Mrs. Kua 擺設了小小Christmas setting, 還有一張很別緻的檯放了Christmas Bread, nuts, 但我唔記得影相.

飯前小吃有芝士餅干

煙三文魚

火腿, 水牛芝士& 水欖
差不多七時半, 我地開始食晚餐...

呢個係可以當side dish嘅蕃薯香蕉蓉, 非常好味, 我都係第一次食. 上面應該係用nuts & 麵粉做嘅toppings(唔係好肯定), 焗完之後, very crispy, 好好味呀! 的蕃薯蓉加香蕉蓉撈埋一齊, 竟然有咁嘅效果, 真係意想不到, 再要讚多一次.....

呢嚿Ham係Mrs Kua 親手醃同焗, 睇落真係好掂呀!

切開一片片, 雖然略鹹咗小小, 但我地幫襯咗好多

呢隻duck肉質幼滑, 的汁仲非常好味

隻火雞太大隻啦, 我地食咗四份一咋. 的火雞本身無咩味, 但的雞胸一的都唔嚡, 配埋的汁仲幾好味添

呢的係火雞嘅stuffing

白汋咗一大盤西蘭花... 我地都食咗好多

我地唔覺唔覺食咗好多, 已經開始飽, 跟著最後再出一道西冷牛扒, 諗著食唔哂, 點知Mrs Kua整得非常之好, 雖然切開粉紅色, 但係一的都唔生, 亦無血水, 啱啱好, 我地初初諗普食唔哂, 結果又食哂.

全晚都係西式, 但Mrs. Kua 驚唔夠食, 整定個中式糯米飯. 最終, 我地又幫佢清埋裝咗出嚟嗰一大碗, 入面煲嗰的就真係幫唔到手嘞.

真係辛苦哂Mrs Kua, 每道菜慢慢一道一道上, 佢都係出嚟坐吓食少少, 跟著又入去廚房準備.

咁忙, Mrs Kua 仲整咗Apple Crumble 做甜品

仲有香蕉藍莓蛋糕.

最後仲切埋個意大利Christmas Bread比我地試吓. 林老闆沖泡了一壺好香濃的高山茶. 飯後一杯茶, 真係好舒服. 今日真係食得好夠, 好夠, 好夠...

外面很冷還下著毛毛雨, 真係又濕又凍. 但室內溫暖又溫馨真係食得好開心. 大家傾吓講吓飲吓酒, 都食咗幾個鐘.

回家時仍然覺得很溫暖很開心. 從未試過這麼Home Feeling, Sweet & Warm Christmas Dinner....Merry Christmas!

2010年12月27日星期一

假期的最後一天....大Project

2010年12月30日下午2:58公開累積瀏覽 27 0

December 27, 2010, Monday, 假期的最後一天... 天氣寒冷, 早晚與下午的溫差相當大

今日並無安排節目, 一來要休息一吓, 二來預留咗個大project今日做...就係執拾吓的衣服...
搬咗嚟呢道兩年幾, 初搬嚟時幾個衣櫃仲有大把空間, 眨吓眼, 迫到爆哂, 再加埋林老闆最近開倉益我地, 真係的衫多到唔夠地方放. 都係時候要清理一下.

花咗一個早上, 都仲係做緊物件大轉移, 重新安排擺放位置, 仲未能開始掉衫大動, 已經攰到死死吓....下午叫Ruby隨便煮個麵食完又開工....但係進展都非常長愋慢.... 跟著就要暫停.

因為我同型爸要出去, 先去買餸...補番的物資..無薑, 無豆豉, 無蝦米, 無冰糖, 無無無無無...真係激死.

再去Ikea行吓買衣架, Ikea咁大, 睇吓呢樣, 睇吓嗰樣, 攪到成九點幾先返屋企食飯.

食完飯上房見到仲係七國咁亂, 都係要繼續執架...但今晚一定執唔哂.... 但一定要清理架, 唔係Ruby明天點執拾房間. 唯有將的未執好嘅手袋什物先放回櫃, 再搵一日比較得閒先再繼續啦.

估唔到今日用咗咁多個鐘, 只係做到part I, 真係唔efficient.

當我清理完畢, 型爸已經睡著了, 我都要快的沖涼瞓覺, 明天要返工呀!

真係好攰, 仲辛苦個先兩日開party... 我都知, 通常玩都係開心的嘅..

諗吓諗吓, 成日買咁多野, 係咪有病呀? 究竟係咪購物狂&儲物狂? 真係要檢討吓.....

海鮮站午膳慶冬至

2010年12月27日上午12:39公開累積瀏覽 18 1

December 22nd, 2010, Wednesday, 冬至

平時我地通常會四個人一齊食飯, 有時其中一個出差就三個. 今日冬至, 其中一個同事話同佢班女仔一齊食, 咁今日我地就三個人去咗海鮮站食啦.

叫咗蒸斑頭腩, 唔錯, 都幾好, hk$48

一個同事嘅致愛, 黃金海中蝦. hk$48

清蒸烏頭, hk$42

我話今日做節, 加多碟菜啦, 上湯浸豆苗, hk$42

睇吓我地呢份午餐幾豐富, 三個人, 三餸一湯海鮮餐慶冬至... 人均hk$60

2010年12月24日星期五

2010 Thai Trip - Day 4

2010年12月24日上午12:45公開累積瀏覽 793 0

2010 Thai Trip, Day 4, November 29, 2010, 行程最後一天.

今日無特別行程, 可以慢慢亨受吓個早餐....

型爸今天主食叫咗個普通煙肉腸雙蛋.

而我就叫咗個煮蛋.

加埋呢碟,

配埋杯茶就係我份早餐....滿足.
食完早餐, 就上去換衫, 因為一陣間book咗上半小時免費瑜珈班. 型爸無興趣, 留响房間睇電視等我地. 我同朋友兩夫婦一齊上瑜珈堂.

睇吓間酒店個Gym同好女更衣室都唔錯架(當時無其他人, 我先可以影相).

呢間就係我地上瑜珈嘅房啦. 上咗半個鐘頭, 先做熱身, 再做咗幾次拜日式就完嘞.
跟著我地check out, 將的行理寄存酒店, 然後出去行街. 其實我地由酒店, 只要行15-20 分鐘, 可以行到Sala Daeng 車站, 都唔係好遠.

朋友昨晚出去飲野, 買咗一pack Johnnie Walker Soda Mix, 送一支比型爸飲, 諗著可以一路行一路飲, 點知型爸兩啖已經飲完. 不過呢的飲品唔啱我.

行出去上咗天橋已經見到好多小販攤檔

其中一檔賣呢的花生, 睇吓幾得意, 真係粒粒都有四粒花生喺入面. 不過食落去似豆多過似花生.

經過一間叫Naj Exquisite Thai Cuisine嘅餐廳, 裝修好靚好古雅. 型爸好好記性, 話之前嚟過呢道食飯. 我就無咩印象.

再睇吓的介紹, 原本呢間Naj都有辦cooking class, 如果下次再想學泰菜, 可以嚟呢間試吓. 睇吓張相, 左手面種咗响地下花槽嗰的係香茅, 而右手面個花園種咗好多唔同香料. 即係話呢間餐廳嘅新鮮植物香料, 都係自己種嘅.

行到出去Sala Daeng, 有幾個靚女派紫菜, 試味, 都幾好食.
之後坐咗的士去Carrefour shopping, 行吓超市. 唔覺意買咗兩對涼鞋, 又買咗幾包泰式調味料& lime juice.

行吓行吓都無咩野買, 跟著走咗去food court食lunch.

又係泰式粉麵.

呢道food court 需要預先買消費咭, 買食物扣錢, 用剩再去退款.
最後行過對面Tesco, 無咩野買, 不過見到呢道有一間賣健康護膚品嘅鋪頭, 一公升純椰子油平好多baht590, 翟道翟反而貴的bht750(不過唔同牌子). 跟著唔覺意買咗兩條中腳褲....(唉! 返到香港睇吓個標籤, 原來係made in China, 真係stupid....).
跟著坐的士返酒店, 返到去差唔多三點

去到大堂, 的花已經換哂, 真係煥然一新, 好舒服.

將的手提行理放哂入更衣室locker之後, 就走咗去泳池hea吓, 休息吓. 大約四點鐘, 我地坐的士離開酒店去機場.

因為大家都買咗好多野, 我地分開兩部的士, 朋友夫婦就好彩的, 上咗架有良的士, 睇錶收費. 坐咗三佰幾BAHT, 我地就上咗架無良的士, 個司機一上車無落錶, 轉彎一離開酒店範圍, 即刻同我地講要五佰baht包highway費, 我地話酒店講四佰baht, 佢話四佰baht唔包highway... 型爸話一佰幾十, 由佢啦. 結果我地共比咗四佰七十五BAHT, 雖然唔係好多錢, 但心裡不舒服, 覺得唔應該坐長呢的濫收車資嘅風氣.