南涌鳳坑谷埔榕樹坳 - 松記食海鮮

March 18, 2018, Sunday

昨晚組長出post, 今日行南涌毯坑谷埔 , 跟著去松記食海鮮.   咁大家就研究幾點出發好, 因平時行到去松記, 只係大約十一點.   咁又早咗的, 最後決定, 九點半出發, 比平時遲45分鐘.

咁諗著咁早有得食海鮮, 今日咩野補給都唔使帶啦....

嗱嗱嗱, 呢個組長又嚟啦... 一開始行無幾耐, 佢就話食完海鮮再行烏蛟騰... 哈哈, 咁無異議, 因為食完體力充配, 無問題啦.

哼哼, 點知行行吓佢又轉咗提議, 行去榕樹坳, 反轉頭先去松記食海鮮

呢道講緊係一個半小時, 行去最少45分鐘, 跟著回程又45分鐘.

組長興致勃勃, 咁大家一齊行啦.  呢條路比較窄, 感覺上荒廢好耐.   不過行無幾內就見到呢個佛, 下面係李氏山墳.

呢道雖然近海, 但大部份比的樹木遮蓋, 只係有部修路段比人移去樹木, 先比較開拐, 看到海.

經過的路標, 都係指示去荔枝窩.

對面係沙頭角呀!

行到目到呢條向下的樓梯, 下面就係榕樹坳.  去年夏天行過一次, 不過行到呢就就唔想再行, 上次毛毛雨, 天氣又熱, 唔想落完樓梯又馬上返嚟.

今次就全體組員都一齊行

 

一落到去, 見到的只是一條荒廢了的村落, 沒有人著的.  雖然話無人住, 但某的地方又有被人燒過的痕跡

行到出海邊, 先知道呢條係榕樹坳村

呢道景色唔錯呀! 左手邊有個碼頭, 相信係以前的村出外的主要交通

呢一邊有個好似水塘, 有的生誘了的架, 唔知係咩, 但地方就好靚

的水仲好清添.

回程見到有張Banner, 寫著政治智慧白痴, 規劃IQ零蛋.   真係唔知的村民反對的咩, 如果係反對政府開發呢處地方, 咁就唔知邊個係白痴.   呢道荒廢成咁, 如果無政府或財團, 邊個有咁多錢開發吖. 

型爸話上次嚟過一次都唔想再行 (上次天氣唔好), 好似去咗"蘭若寺"咁呀!   今日天氣好的, 算係"春高氣爽", 無咁陰森呀!

今日無預備補給, 大家都好肚餓呀!

 差不多下午一點, 先行番到松記, 好攰呀....卒次可以坐低休息吓啦. 

呢道嘅海解三寶(珍珠蚌, 蜆 & 蠔), 我地要了其中兩款, 呢款係珍珠蚌, 阿姐即時幫我地開, 佢話上次有人開到有形珠呀!

呢款珍珠蚌又真係幾好味, 不過每人等兩隻咋

呢道嘅蔥油鴨, 都幾好味架.

煎蠔蛋, 一樣好味.

薑汁芥蘭

豆卜煙肉炒椰菜

蒸黑鱲, 呢條海魚, 的肉好滑, 仲有白子, 超正呀!

客家豆豉炆豬肉, 呢碟唔係幾得, 的肉未夠腍, 味都唔夠.

豉油皇炒麵, 佢地唔記得加辣呀!

仲有一條蒸游水黃立鯧.

呢餐每人HK$181, 真係好抵食.

食完再去宋伯士多整多碗豆腐花....

好美滿呀!

食飽飽都仲要再行多大約45分鐘, 先可以出到去攞番架車呀!  今日夠哂皮啦!

Wooloomooloo - The One

March 12, 2018, Monday

今日型爸約咗兩位客人, 叫我同佢地一齊食晚飯.  型爸訂了Wooloomooloo.

型爸去接兩位客人, 我就開車泊去The One 今停車場.   呢道星期一至五, 消費滿HK$800, 就係三小時免費泊車.   星期六日及公眾假期, 就要消費滿HK$1,500, 先有三小時免費泊車.   不過嚟親呢道食飯, 都一家超過呢個價錢.

兩位國內嚟的客人, 平時少食西餐, 型爸叫我發辦.

我要了三客Appetizer, 有Prawn Cocktail, Tuna & Crab Tartar, Wooloomooloo salad.

的食物嚟到, 我唔好意思影相呀! 直至主菜嚟, 佢地拎部手機出嚟影相, 我先至一齊影咋...
哈哈, 成日都相機食先, 唔係幾好意思吖麻.

主菜呢就要了:

Beef Wellington  HK$480, 呢個自己整太花時間, 出嚟食好的.   但估唔到portion 咁細.  外面的酥皮唔夠脆, 但內裡的牛柳就唔錯, 又軟又腍都幾好味.

呢件係Bone In Tenderloin HK$650, 有骨牛扒, 要了五成熟, 整得剛剛好, 好味呀!

Grill Lobster, HK$680, 咁龍蝦就當然好味啦.

Wild Mushroom Ravioli, HK$280, 呢碟意大利雲吞就只係一般啫.

埋單HK$3,212, 都話呢道食晚飯, 一定可以免費泊三小時.

平時同的客人去鯉魚門, 西貢, 流浮山食海鮮, 買海鮮加埋油料費可能都要咁上下價錢.

南涌尤德亭新娘潭 - 至友美點 - 南苑晚飯

March 11, 2018, Sunday

好耐都無試過咁齊人, 今日總共有十一人一齊行山.  

今日的路徑, 南涌, 衛奕信徑, 尤德亭, 再去新娘潭

呢氣路都係行過N咁多次, 但係有四位組只就第一次行.   大家一口氣行到直昇機坪.....好索氣呀!!! 行呢條大斜路係我的死穴.

呢排無落雨, 經過橋山橋, 平時下面小小急流都無埋呀!

上到尤德亭, 影番張靚相.  好耐都無試過咁藍天白雲啦

 

呢段行去新娘潭嘅路都有的難行, 由其是最後落山那一後.  但相比起烏蛟騰, 呢道好行的呢!

今日比預定時間行得快咗, 起碼怏咗十五分鐘呀!

行山十一個人, 食晏就只有八個人...我地又去至友美點, 覺得呢道的點心新鮮又美味, 價錢又平呀!

哈哈哈哈, 呢個大頭蝦副組長, 竟然留低咗個電話, 食完拍拍屁股就走咗去, 好彩另一個隊員拾起交給組長.    

差不多返到屋我地先示意有人唔見咗電話, 副組長先警覺係佢, 差的要反轉頭搵.  咁我地就趁機要求請食飯...哈哈, 呢個副組長又立即應承....仲叫我地去訂位.

咁呢個手機失蹤時件, 另到我地晚上八人又一起食晚飯

在南苑訂了一隻炭燒乳豬, 一鍋豬肺湯

跟著點咗以上幾款小菜, 仲有薑汁芥蘭, 腐竹浸時菜...等等.

埋單都算經濟, 只係一千二百幾.   咁我地梗係除番比錢啦, 唔通真係要副組長請咩.

只係警剔吓佢, 再搵個藉口一齊食飯啫, 哈哈, 都幾開心架.