大棠 - 千島湖

May 31, 2020, Sunday

自從限聚令放寬至八, 星期日天氣可以的話, 都會去行山.

一行五人去行大棠千島湖呀!

比起上次嚟睇紅葉, 今次少咗好多, 好幸運地竟然搵到一個位泊.

開始行入郊野公累啦, 路口下了鐵閘, 但閘車不閘人. 

時間尚早, 人不多

呢道係漁農自然護理署, 大棠苗圃

呢道有幾條路可行, 左手面可上大棠先然教育徑,  而我地繼續直行向大灠涌水塘方向

上次嚟, 兩邊都是紅葉

其實都不需要睇路標, 因為都只係沿品行, 看嘔標可以知方向.

行了大半個小時, 就開始上斜上石級

一轉落去就被呢隻馬吸引著

呢道有間開關帝廟呀!

裝咗香就繼續行

停不了的石級

真係要多謝漁農自然護理署, 石級邊用木頂著, 阿山泥瀉下

不斷的上呀上呀, 都唔知行咗幾多石級....卒之見到呢個牌....yeah...上面就係.

而牌的加手邊有另外一個指示牌, 可以行去黃泥燉水塘, 只需半小時

行上去都仲有好多級樓梯

到了, 到了, 看到這個境色, 值得嗎?   值得的.  就是千島湖景呀!

不過看見天上有大片黑雲, 回程要1.5小時, 我們停留一陣, 拍了些照片, 就原路離開, 不行水塘了.

有的體力透支的感覺, 快去吃午飯.

松記食海鮮

May 17, 2020, Sunday

自從限聚令放寬, 我同型爸又再出動同組員一齊去行.  今天是六人行.

每次行南涌鳳坑(我地叫行海邊), 都要去幫襯吓松記食海鮮.

行咗個幾鐘, 十一點幾就開始食.

呢道的蒸蜆係無得輸

呢道嘅煎蠔蛋無落薯粉, 真係煎蛋, 唔可以叫蚵仔煎

煙肉豆卜炒椰菜

呢道嘅蔥油鴨很好味, 比走地雞好吃

加辣了的豉油皇炒麵

還有蒸了一條超大條的黑鱲...超正呀!

六個人食了六碟, 真係撐到呢....

食到飽哂, 回程時又攰又眼瞓, 因為的血去哂個胃呀!

非常滿足.

元朗大棠看紅葉

這兩個星期都在家居工作, 偶然看到相片....這紅葉篇還未出呢!  都差不多兩個月前的事了.

Dec 15, 2019, Sunday

今個星期組長有提議, 佢話去大棠睇紅葉, 我地梗係話好啦.

講真, 咁多年都未去過大棠, 真係要去吓.

哈哈, 點知去到超多車, 上面個停車場滿哂,  好幾架大旅遊車...嘩, 咁咪好多人.

原來今日呢道有function,  唔怪得咁多人

我地先落車,  

組長去泊車, 我地先落車係道等佢.

行無耐就開始見到的紅葉

影個天做咩呀....唔係影個天, 係中間面粒黑點, 點解隻小蜘蛛可以在半空結網呢.

真係好多紅葉, 值得一行....不過真係好多人...嘉年華咁.

呢的樹開嘅白色花都好靚

呢道有幾條行山點, 每程都唔太遠, 我地考慮下次再嚟行

我地行到水塘邊, 影咗幾張相就走

其實當地無咁靚, 但呢張相就影得好靚

呢張的紅葉真係好靚

跟著行去伯公坳

呢道有間佛祖廟...咁入廟梗係要拜神

路程好短, 好快就行返出去.

走時經過大棠個公園...好多外藉傭工在這開Party...幾千人都有...

我地走時, 仲有好多人行緊入去....唔掂, 要快的閃.