秋刀魚沙律

July 4, 2020, Saturday

今天晚餐我忙著整無骨鹽水鴨及豬大腸.  Cindy用秋刀魚整了一款緬甸沙律.   也不是第一次整. 但味道很好, 夏天吃很清新.

先將秋刀魚煮腍, 起骨拆肉

椰菜半個切絲

另外青瓜一個切絲

蕃茄一個去核切條.   乾蔥豆也切絲

預備好了就可以拌勻

加魚露及檸檬汁

還有這乾蔥蔥油.

拌起很好味的.

西瓜皮鴨骨湯

July 4, 2020, Saturday



今天整鹽水鴨,  順道滷大腸


二公子買了個大西瓜回來, 想一想, 咦, 可以整將鹽水鴨起骨, 整鴨骨皮鴨骨湯.   馬上將西瓜皮起肉.  試了西瓜, 很甜, 皮也很薄, 因為太薄, 所姒切出來仍帶了一點瓜肉, 那麼甜,不知是不是8424


蝦米, 冬菰粒, 蜆肉粒, 加幾片薑

其實西瓜皮無需切粒 因為唔會食, 但Cindy切了 那也沒所謂

因為用了整隻鴨骨, 加上西瓜甜, 煲起的湯很濃, 但最終忘了拍照.

這是起了骨的鹽水鴨

哈哈, 這滷水大腸, 切好放氣炸鍋再炸一炸. 

因為當時太忙, 忙到都沒有拍照.

另外有一味秋刀魚沙律....留番下一篇寫.

燒雞蔬菜餅晚餐

Jul 2, 2020, Thursday

今日又係要上班, 但晚上要趕回去煮晚飯.

又係昨晚已經準準備, 醃好兩隻春雞.

哈哈, 唔知係咪種的問題, 外國春雞, 雞胸咁大嘅, 超多肉.  為免雞翼易燶, 克意將雞翼尖的部位扭到背後

今日配菜, 自家製的薯蓉蔬菜餅, 唔使解凍.

撕掉蔬菜餅的保鮮紙, 又嚟一鑊焗.

美味的晚餐又攪掂

飲品係青檸梳打

我和型爸每人一份燒雞蔬菜餅晚餐

雞胸肉都仲係好Juicy.   不過呢隻春雞真係唔"春", 好大隻, 我要留起一半明天做午餐.

辣炒年糕

Jul 1, 2020, Wednesday

今日又要介紹吓網購回來的辣炒年糕.

入面有兩包醬汁加一包乾蔬菜.   一包是兩人份, 咁四個人就要煮兩包

兩包嘅年糕份量其實唔多, 但第一次都跟足說明.  要煮大約5至7分鐘

我嫌的乾蔬菜太少, 另外切半個新鮮椰菜, 炒一炒先.

配料就用煙鴨胸

先將醬汁用100ml 開水煮開, 咁兩份就200ml

加乾蔬菜, 加鴨胸

再加埋的煮好了的年糕

最後加埋的椰菜

炒炒煮煮就得

味道都幾好喎....哈哈, 下次又可以再訂.

一鴨三味

Jun 21, 2020, 父親節

今天父親所所節, 我又嚟攪攪震, 整片皮鴨呀!  仲諗著一鴨三味, 之前未整過架, 咩都試吓麻.

想要學整好易啫, 上網睇吓人點整咪得囉.   最主要係睇吓用咩調味, 至於方法, 就係睇吓人點整, 再加自己嘅諗法, 就係咁.

先將鴨內外洗淨

今次想整隻鴨皮硬脆, 嚐試將皮肉分開, 但原來很難的, 咁盡量啦, 可以分開的就分開, 唔得就算.   Cindy 話想試試, 不過佢一試就整穿個孔.  咁就算啦.

滾水加入薑蔥八角, 先將鴨燙一燙水.   一燙之下 鴨皮馬上漲起.   唔係煮熟, 只係燙一燙

鴨腔入面醃料; 义燒醬三湯匙, 海鮮醬一湯匙, 糖, 鹽, 五香粉, 胡椒粉各一茶匙, 拌勻搽勻內腔.  皮不需要搽.  跟著用

皮料:  麥牙糖 3 湯匙,  白醋5-6湯匙,   鼓油一湯匙, 老抽半湯匙., 放熱水拌勻

跟著將料塗勻整隻鴨, 用風扇吹皮至乾

因為我沒有將隻鴨吊起, 只可以平放吹一面再反轉一面.  跟著再上料再吹, 大約三次.

最後一次我係放入焗爐用60度上下風吹了30分鐘.   再調至180度焗40分鐘, 反轉再40分鐘.

焗好啦.  的皮不黏用的真的比較脆, 但黏著肉的就唔脆

至於頸我部份, 因皮而分開, 很脆呀.   因為二公子五點要出門, 我要先整好片皮鴨大家一齊食.

片幾多就比佢食著先.  太匆忙就無影相.   大蔥, 青瓜, 甘筍絲就係 Cindy 切的.  皮就係成買, 不是自己整的.

一家人開開心心食完片皮鴨, 二公子去上班, 我就整埋另外兩味:

鴨鬆生菜包

鴨骨冬瓜粒湯

因為加咗冬菰蝦米仲有成隻鴨骨, 個湯又濃又好味.

再炒咗碟通菜

今日一鴨三味為型爸慶祝父親節呀!    做足一天,  型爸話好味, 收哂我的心意.

跟著再整多個甜品, 勁薑黑糖日本蕃薯糖.水.....真係好正架.!