香辣焗雞翼

January 19, 2015, Monday

Cindy嚟咗幾個月, 普普通通煮幾味ok, 但稍為煮得好味的嘅就只有兩樣, 一樣係咖哩雞, 另一樣就係香辣焗雞翼.

呢, 就係呢碟啦.  其實我只係教佢同普通的豉油豆粉糖胡椒粉, 最後加的辣椒粉一齊醃.  跟著放入焗爐, 200度每邊焗15分鐘.  醃得入味, 食起來有少少辣十分惹味. 

所以我已經無再教佢整孜然雞翼.   以前Rudy成日整孜然雞翼, 味道太濃, 食到我怕哂呀!

今日有炒蓎萵

土魷蒸肉餅, 的肉餅比較實咗的

蕃茄豆腐三文魚骨腩湯

三餸一湯, 都算係咁啦.

日式溏心蛋

January 18, 2015, Sunday

晚上食完甜品返上房...突然鄰居打電話比我, 叫我落去樓下攞野

估吓呢袋係咩?

拆開第一層保鮮袋就睇得清楚的, 係雞蛋嚟架.

整咗四隻比我.

事源今早一齊行山, 到我地差唔多行完, 好兒子的女朋友打電話問佢家裡有無紹興酒...仲話有無雞蛋...哈哈, 我一聽就知佢想整糖沁蛋.   咁我話如果整溏心蛋, 橫掂整醬汁, 不如一次過整多幾隻啦.

做法我好清楚, 因為呢排網上教整溏心蛋...

做法: 先將蛋從雪櫃先放室溫, 先將欲蛋兩端刺孔, 煲滾水將蛋放入煮6分鐘(加點醋), 取起放入冰水浸5-10分鐘.  跟著整個醬汁: 50cc醬油, 一湯匙紹油, 一湯匙蠔油, 一湯匙蜜糖, 加薑片, 蒜片, 200cc水煮滾, 跟著用保鮮袋將醬汁袋好, 加入已剝殼雞蛋, 最少浸三小時.

 當晚太夜我無食, 第二晚响雪櫃攞出嚟, 一切開, 入面真係溏心呀!

哈哈, 唔使做就已經有得食, 係咪好開心呢!  快的去讚吓佢先.

攰中有樂

January 18, 2015,  Sunday

早上行完山, 今次比預計中行多咗個幾鐘(共行了三個多鐘), 下午返到屋企真係好攰, 要馬上瞓上張床平躺, 等條腰可以休息吓....

瞓吓瞓吓, 真係瞓著咗...哈哈, 平時下午真係唔會瞓覺, 除非病啦, 可想言之, 真係攰得好緊要.

不過攰還攰, 都仲係覺得好開心, 攰中有樂.  下個星期日一定會再去行山.

 咁攰都唔想出街食, 叫Cindy隨便煮幾樣餸啦.

紫泣蔥西芹雞髀菇炒牛肉

 

 炒絲蒜椒蒸黃花

 
 炒西生菜

南北杏雪耳蘋果瘦肉湯

簡簡單單的三餸一湯.

食完又要我出馬, 昨晚响八號部屋即興聚餐, 太夠了無整甜品, 應承了今天整甜品.

哈哈, 都係快速版杏仁奶露加湯丸.  不過的鄰居一嚟, 我就好忙啦, 煮甜品, 沖茶, 全部都要我自己嚟.   Cindy暫時都係無咩反應, 有客人嚟唔識沖茶, 遲的新年, 要快的教好佢先得啦.

谷埔鳳坑行山樂

January 18, 2015, Sunday

上個星期因為型爸感冒, 我地無跟鄰居去行山, 今個星期身體無恙又有時間, 咁梗去啦.

平時少運動, 趁星期日, 一早去行幾個鐘, 運動吓都好呀!

今日行谷埔鳳坑...同上次行鹿頸, 係另一邊.  我同型爸係初行者, 有人帶路, 我地跟著行就得啦.

一開始行見到好多靚車, 呢兩架好有型呀! LT340, MT340, 應該係同一車主

經過發記士多, 有好多電單車停响道, 車主食緊早餐

呢道係起點啦, 同我地上次出發嘅鹿頸, 相距半小時

 
呢道嘅風景都好靚...影張Panorama先....

呢道唔算難行, 要上130級樓梯, 再落150級...., 即是回程時一樣都要行咁多, 到時係上150級, 落130級.

的行山徑開始嘅地方都有公廁, 方便行山人士

今次我地沿著海邊行, 邊行邊影相, 好輕鬆

行到咁上下, 有間茶座

對著茶座又有個公廁, 都真係好方便

沿路經過好多紅樹林

我地雖然唔係去荔枝窩, 但都係去嗰個方向

好耐都未見過咁多牛....哈哈, 呢道係炭排放區, 小心地雷呀!   呢道風景咁靚, 的牛都响道欣賞吓啦.

行吓行吓, 又有小食站, 有豆腐花及一些家鄉小食...哈哈, 的價錢梗係比市區貴啦.

又有紅樹林

呢道有一建築物叫海谷山房...上面有個牌寫著"全國鄉鎮幹部培訓(香港)基地....呢處都好偏僻喎.

响海谷山房對著又係一大露天酒家, 點解叫佢酒家, 因為放咗二十幾三十張檯.  問吓個老人, 佢話午市要做兩輪, 已經book滿哂....都好誇張喎.  真係估唔到, 的人行山嚟呢道食午飯.

松記呢道可以叫係分义路, 向烏蛟騰1.5小時, 荔枝窩3.25小時, 返鹿頸1 小時.

我地向穿過松記, 見到有間屋叫蘭桂騰芳....哈哈, 唔係蘭桂芳呀.

再行過的, 有一排古舊嘅屋...又係叫蘭桂騰芳....唔知以前蘭桂騰芳係咪好出名呢?

嘩....見到間屋好似拍恐怖片咁...晚上咪好得人驚

呢邊呢的好的, 但睇落無咩人著

經過一處叫盈生農莊, 我地唔行去啦....對著有條水喉爆咗, 鄰居話上星期嚟都已經爆咗, 一個星期都無人修理, 咁咪浪費好多食水.

一路行都有指不牌

經過有間啟才學校, 已經荒廢了

不過仲有人住

外面仲賣的小食.

回程又行海邊...望著對面係深圳, 泊响道係中國向俄羅斯買嘅艦艇.

見到呢個燈柱就差唔多行完


呢塊就係我地開始行時個牌

但帶我地行資深嘅"蝦哥", 佢嫌行得唔夠, 佢話不如行多段...大約半個鐘啦...咁我地話半個鐘無問題, 繼續行啦.

我地再行船灣郊野公園鳳坑家樂徑

嘩...呢段絕對唔係半個鐘嘅行程....上山上山上山....好索氣呀!

卒之上到去鳳坑家樂徑觀景台

咁的風景又幾靚嘅

落山經過百草園


行完啦.

哈哈, 做咩咁大隊車隊歡迎我地呀!

真係好型呀!

不過咁樣行一行, 我地仲要多行十幾二十分鐘出去食野.  吒道有個漁場, 比人釣蝦釣魚喎.

呢道就係雞谷樹下, 鹿頸村

呢道有兩間爭崩頭嘅茶座, 上次佢地幫襯咗陳鳳記, 咁今次幫襯BB開心士多...(唉哋, 都唔知係咪同大埔嗰間...的野唔好食喎)

吳

原來真係呀!

叫咗一隻雞分兩碟(HK$180一隻)

要咗碟鹹菜豬肉....吓, 的豬肉炆到橙色嘅...的雞都可以, 但的豬肉就真係好麻麻啦.

我要了四川辣面,  HK$35, 但只有兩條菜加麵...的麵底都ok.

型爸要了菜肉雲吞湯麵, 都ok啦.


最後每人要了一碗豆腐花HK$10, 呢碗豆腐花幾好味呀!

呀, 原來粉嶺火車站有架56K綠色小巴嚟呢道架.

食完我地由新娘潭路行返出去攞車

順便出去拜吓觀音呀!...今次有好多小白鷺呀!

今次嚟先見到呢嚿野, 唔知係咩呢, 要上網查吓先得.

今次行咗三個幾四個鐘好攰呀!  返屋企要好好抖吓先得啦.  下星期會繼續行呀!