清清淡淡

January 2, 2015, Friday

快快快, 時間就是過得那麼快, 轉眼間2014就成為過去, 回顧一下, 完全記不起有什麼不開心事....哈哈哈, 真是一件好事, 沒有不開心, 即事事開心啦.

昨天一月一日, 本來無咩節目, 點知上午見到陶陶媽, 六號部屋, 大家傾開好耐無攪規模大一點的聚會.   哈, 點知話擇日不如撞日, 即晚就攪BBQ啦.   我們住新界地方, 最方便就係BBQ. 不過就要麻煩佢立即出去買野.   哈哈, 本來新年第一天無節目, 結果又係大魚大肉.

新的一年, 第一天就已經食咗咁多肉,今天假期完畢, 卒之開始正常的幾餸一湯 (Cindy己有很多天不用煮晚飯) , 佢都想快點回復正常. 我亦叫她煮簡單清淡一點.

炒西生菜

 

蒜椒蒸黃立鯧

 
 煎豬扒

  
 仲有蓮藕花生雞腳豬骨湯(呢個湯唔算清淡...)

三餸一湯, 我自己想清淡的咪食魚同菜囉.   但Cindy好鍾意食肉架.

其本上我地都唔需擔心食剩的野會浪費,  自從家裡嚟咗好有食力嘅Cindy, 基本上都會幫我掃清所有剩餘食物(當晚食唔哂, 佢第二天下午都會食哂).

對我地嚟講係一件好事, 無浪費麻.