2014年8月31日 星期日

新至尊海鮮酒家

August 28, 2014, Thursday

星期二先上完大陸, 今日又再上.  今日仲再同埋老闆一齊上, 我地去睇地方呀.  唉, 有時的野真係好難講, 老闆要我地睇嘅地方好靚, 但地方細又遠, 牌照都要重新申請, 最好唔好啦.

點知比我地响現時公司那區, 睇啱一棟新起嘅地方, 今日捉埋佢上嚟一齊睇呀!  最主要只有兩棟, 唔會太多人, 咁就唔會好雜啦.

睇完老闆都好滿意, 到我地想落實, 點知佢地話有半層剛啱比人租了訂金....吓, 唔係麻, 昨天都唔講....食飯先, 再想想如何處理.


老闆去間好少少嘅酒家, 兩三年前在這家攪過一次同本地同事周年晚會.  但道地方太少, 我地要在會同香港同事一齊, 要去酒店大function room 先攪得掂.


哈哈, 中秋時節, 酒會先上的月餅請我地食, 老闆就唔食, 但好的老外表弟, 竟然鐘意食五仁月餅.

 
呢碟涼拌木耳好好味呀, 整多碟啦.

真係估唔到, 原來番石榴, 用話梅浸咗都可以做涼菜, 仲幾好味添

豉油皇大蝦

义燒拼燒肉

 
鬼佬大部份都鐘意食的咖嚕肉

半隻燒鵝, 好大隻呀!
 
 
醬椒肉, 夠辣, 幾好味.  老闆話要食辣野呀!

  
另一碟辣的魚香肉絲
 
 
清炒芥當蘭

 
唔啱三個鬼佬食的蒸班頭腩, 哈哈, 無虐待佢地...


的石班肉用嚟煲咗魚湯, 無骨, 加的蔥及香菜, 的湯好好味.

 
老外喜歡的炒飯, 咁多野食, 我無食飯呀!

七個人叫到一檯都係.  不過無浪費, 食剩pack 起, 叫國內的同事晚上食啦.

 
食完要繼續去睇多幾個地方, 再睇吓仲有無其他地方啱.   哈哈, 現在國內嘅電單車shuttle, 又進化咗啦, 有哂遮蓋, 可防曬防雨, 不過我真係唔敢坐.  無頭盔, 真危險呀!

唉, 睇咗好多間都唔啱, 唔可以同我睇啱嘅相比呀!

2014年8月30日 星期六

大自然素食 - 始創中心

August 24, 2014, Sunday Night

今晚姪女請食飯, 補祝我生日快樂!  哈哈, 真乖女, 我無女兒, 有姪女都係一樣.

姪女兩姐妹都食素, 咁當然去素食店啦.  遷就佢地工作地點, 她們訂了位去大自然素食.  星期日要食六點, 如果唔係下一輪就差唔多要八點.   早的食好的, 好接媽媽出嚟, 食完送佢返去.

要了木瓜沙律, 有時想叫多兩個都話無呀! 另外再叫了柚子沙律

麻辣海燕窩, 哈哈, 等我返屋企都整先.

胡椒酸菜大芥菜雲吞煲, 幾好味呀!

霸王西施, 咁巴敝, 咪豆醬豆腐

鮮蘆筍蟹黃燴翅....真誇張

糖醋麵, 唔得呀, 本來應該係外脆內軟, 但呢碟得個硬字.

炒椰菜苗

咕嚕肉

鴛鴦飯

蒸素餃

哈哈, 真攪笑,沙薑雞, 真係整到成隻雞形咁.  點整都係麵筋

苦瓜煎蛋.

琵琶豆腐

姪女在85C訂咗個榴槤Mouse Cake比我呀!  真係多謝哂!

結果唔係姪女埋單, 哥哥爭著埋單呀!

哈哈, 我同型爸就管食管接管送啦.   大家太飽了, 蛋糕食唔哂, 帶咗返屋企.

晚上林老闆過嚟搵型爸飲酒, 攞的蛋糕請佢地食, 因為佢地都好鐘意食榴槤呀!

2014年8月29日 星期五

譚仔三哥米線

August 24, 2014, Sunday

今天型爸好好興致, 一早話想去IPC-food lab食午餐, 咁我話要打電話去訂位喎, 型爸話唔使啦, 我地早的十二點鬆的到咪得囉.   哼, 唔訂位嘅結果係indoor無位, 咁outdoor坐唔坐吖....本來二公子話嚟到就食啦, 但三十幾度嘅天氣, 坐咗一分鐘已經出汗, 都係唔食啦.

由粉嶺開車去上水, 嘩嘩,有無咁緊要, 幾個停車埸都滿, 轉咗幾個圈去到上水中心, 有位就即刻泊入去.  無要求只係想搵間食肆盡快醫肚.  但周圍都人山人海.

哈哈, 見有一間門口侍應話只需等一張檯, 咁就等啦.....譚仔三哥米線, 不過跟著我地身後, 又有人等位.  周圍附近, 全都是講普通話的同胞...

有位就得, 攪咗個幾鐘,要即刻食的野醫肚.

 
我要了清湯牛肉米線, 第一件事唔係食米線, 飲的熱湯醫吓個胃

 
 二公子要了酸辣牛肉墨丸米線

 
 型爸要了糊辣牛肉貢丸腐皮米線


口水雞翼, 各位千祈唔好叫呀. 一隻用兩三隻雞翼剪到碎哂就叫口水雞翼, 真搵笨.


蒜泥白肉, 都ok

二公子話要試吓呢道的土匪雞翼, 味道一般啦.

三個人食米線都食咗百幾文呀!

不過都唔夠錢免費泊車呀!  呢道要最少一張單消費二百文先有得泊車呀!

2014年8月28日 星期四

蒜蓉香草焗雞晚餐

August 23, 2014, Saturday

前兩天請陶陶媽幫忙, 去開梁九記幫我買兩隻法國春雞, 昨天貨到, 今天就立即整.

Yellow Spring chicken,

攞埋今晚的配菜先.

雞解凍後洗淨胸腔, 盡量瀝軌水份.

蒜蓉同紅蔥頭, 全部切碎加的橄欖油海鹽, 仲有迷迭香或香草, 放入雞肚內.   (哈哈, 如果有炒飯, 放入雞肚都幾好架).  再用海鹽香草橄擦勻全隻雞.   因為無時間醃得太多, 的鹽要重手少許, 如果時間可醃過夜, 就唔好放咁多鹽啦.

醃好雞就先將薯仔紅蘿蔔用水煮大概十五分鐘.  呢的配菜連雞焗, , 焗極都唔腍, 到時就浪費啦.

的薯仔同紅蘿蔔烚腍後(腍十五分鐘應該只有九成腍度), 切粒加入生泣蔥, 跟薯加海鹽橄欖撈吓

我再放入平底鑊略炒

再放回焗盤內

將雞放在上面.

預熱焗爐220度

雞背大約焗15-18分鐘(每個爐熱力都不一樣).

隻雞入爐後先焯熟的西蘭花.   的西菜花唔好煮咁耐, 黃哂唔好睇又唔好食.   焯好瀝軌, 一陣等隻雞焗好, 將西蘭花撈埋其他配菜一齊就得啦.

到咁上下時間, 睇吓背部金黃色, 咁就可以將隻雞翻轉.

睇吓, 個肚仲好生, 呢邊厚肉, 入爐再焗25分鐘.

出爐啦, 睇吓隻雞幾靚.

攞起隻雞, 每人分一隻, 再將西蘭花撈入配菜.

我們每人一份香草烤雞晚餐. 

切開個肚, 的蒜香湧出嚟, 好香呀.

今日預演我地跟著嗰兩個月無工人姐姐嘅日子.....焗雞二人晚餐....kakakaka, 係咪好溫馨呢!

法國春雞好似好矜貴的, 但係雞胸都係有的嚡.  其實用中國冰鮮雞焗都好架, 大隻的, 每人半隻. 價錢仲平的添.

不過我一隻春雞都食唔哂, 一早切咗兩邊雞胸留起, 要嚟整三文治都好好味架.