Istanbul Express Turkish Restaurant

July 31, 2014, Thursday afternoon

放咗六日假, 五日去旅行, 雖然出去玩飲飲食食買買都好開心, 但日日早起晚睡都幾攰架.  好彩攞多一日假期, 昨天好好在家休息一下.

今日正式返工, 工作就梗係忙的啦.  

 
下午出去食晏, 本來想去DeliFrance (文華中心), 但的午餐唔啱食. 咦, 隔離有間土耳其餐廳, 平時都無留意添.  但見到入面都幾多人食, 咁我地梗係要試新餐廳啦.

 
呢張係餐紙, 上面印著嘅食物應該係晚市先供應.　原來佢地仲有分店，一間响赫德道，一間响灣仔。

呢個係lunch menu, 背面menu全部係lunch roll, 我好有興趣呀.

每款餐可以跟呢三款飲品, 汽水改七喜都得.

睇完一輪, 麻煩鬼同事提議同我share嚟食, 咁可以試多一樣.  我無問題, 點樣都得.

我要了雞捲 Chicken Doner Roll HK$52, 餐跟薯條.  都幾大條, 一開二, 兩個人share 食啱啱好. 

食落味道好好呀!  I like it.  咬落好多生菜，入面有醬汁，好味。

另外叫了一款羊肉薄餅 Lahcuman HK$52. 真係好薄喎! 呢款薄餅好濃味，吁道都ok. 但相比起我喜歡雞捲多的。

慢麼麼同事要了Fish & Chips HK$72。　塊魚柳都幾大塊，不過炸我香咗的。　慢麼麼同事話都ok, 但都係以前Sticky Fingers 好味的。

佢兩個要了凍檸茶同汽水，我就梗係要試吓土耳其茶啦，不過飲落唔濃，佢地沖定一大壺落保溫壺，我地要時，即刻撳出嚟。細細杯如淡味紅茶，ok啦。

呢道的食物唔貴呀。

我地第日又多一個選擇啦。　呢道近我地公司，唔使行好遠呀！