阿波手打烏冬 + 岡山限定桃汁乳酸

July 30, 2014, Wednesday

去完旅行, 今日繼續响屋企休息.  其真我真係有的懶唔想煮, 但問型爸午餐食咩, 佢即刻話要食烏冬, 買咗返嚟, 梗係要即刻食啦.

 
呢盒阿波半生烏冬, 响德島買架.  呢的係半生烏冬, 同平時香港買嗰的即食烏冬有的唔同.

一短入面有三包烏冬, 一包兩個人食, 所以盒面寫著六人前.   袋後面有教煮法.


每袋入面有一包豉油, 要嚟加落的烏冬作調味.


呢的麵要煮10-12分鐘, 煮完要過冷河. 如果食冷麵就用冰水沖, 但我唔想食冷麵, 用凍滾水沖吓的烏冬

哈哈, 我連放烏冬嘅tray都買咗幾個返嚟呀!

嘻嘻, 煮起的放的烏冬係咪好靚呢!

咁都唔可以淨食烏冬, 煎了黑胡椒札肉同泰式魚餅

 

烏冬上面, 再加的紫菜.

 

而飲品方面, 就係岡山買回來, 岡山限定的桃汁乳酸, 真係好鬼可愛, 細細盒, 一盒只得120ml

一盒可沖4杯, 4-5倍稀釋, 加的冰就仰正.

我們美味的阿波手打烏冬 + 岡山限定桃汁乳酸. 原來的烏冬已經鹹鹹地, 都無需要的豉油

食完仲有甜品及生果呀!  桃味果凍及芒果果凍, 好好味呀!

跟著就係食桃時間.  白色係我同型爸自己摘回來的白桃. 紅色個桃係導遊代訂的山梨縣水蜜桃.  我地本來唔想買, 但個導遊話供應商要三盒一起打帶寄過嚟, 訂時要三的倍數, 佢地欠一盒先夠.  咁哥哥話不如我地兩份幫佢要一盒.   一盒16個, 我同哥哥每人8個.

真係估唔到, 的水蜜桃又大又靚, 食落去淨係多水, 都唔夠白桃咁甜.

買回來的東西即刻食, 呢餐我地食得好開心呀!