2014年8月15日 星期五

IPC - Food Lab - Lunch

August 9, 2014, Saturday

真係未試過, 前日先寫過IPC - Food Lab, 隔一日又去幫襯, 不過今次去食lunch, 唔係dinner.  今日帶埋二公子一齊嚟食.

下午嚟, 就影到成間餐廳外圍係點.左面是正門, 右面是側門,  原來側門外放了一些露天位, 應該是方便食煙的客人
 
呢道係工廠區, 附近幾條街都有些混亂, 但呢條街已然算係幾企理.
 
 今次先留意到, 呢道樓底好高, 還裝了風扇, 空條流通好一點.  

  
我上次就係坐中間呢的二人檯, 感覺好迫.  今天唯一的十人檯沒有人坐.   雖然是星期六, 但今天午餐時段, 亦沒有客滿.


我們今天被安排了四人檯, 餐檯檯面是整塊原木,  在檯中央, 有個天然木眼洞


坐位有點窄, 我把櫈拉開, 已經貼近後面的鋼琴.  這個琴用來裝飾吧! 

餐牌寫著, 呢道的食材大部份由本地農場有機種植, 不合白糖, 味精, 無添加, 無防腐劑及紅肉.  自家培植姬松茸及苗菜.  豆腐由有機黃豆及鹽滷自家製作.

餐牌上印了有機農埸種植的食材

呢款就係我地好想試的姬松茸湯, 可惜呢幾天都無姬松茸供應.  而無花果也沒有, 用其他蔬果代替.

今天的 Lunch menu


主菜有四款選擇 HK$108, 如果需要其他 Juice, Soup, salad, dessert, coffee or tea, 每款都要加HK$20.   如果樣樣要齊, 午餐就變成HK$208.    平時一杯果汁要三十幾文, 一杯咖啡要差不多四十文.   現在只需加HK$20, 好化算呀. 

 
 我的午餐加果汁, 火龍果蘋果汁, 好甜呀!

我們都要了餐湯, 哈哈, 有跟麵包喎.   晚市型爸要了凍湯, 都無跟麵包.

忌廉蘑菇湯, 好味.

蘑菇香蒜橄欖油通粉, 我覺得鹹咗少少, 但佢兩仔爺話ok,  唔鹹.

海鮮燴飯, 好味!

紅酒燴雞配野米飯

唔好睇佢碟碟都細細碟, 食完好飽肚, 佢兩仔爺都話唔要甜品.

我雖然飽, 但都好想試吓, 要了一份甜品, 大家share食少少啦.  今天甜品係cheese cake 配什果, 送到嚟, 只係超迷你版.

真係每人試一啖咋.  Cheese cake 都幾好味.

埋單HK$466. 百幾文一個人啦.

午餐時, 見到兩位禿頭稍胖的外國人, 兩個容貌好相似, 身型差不多, 好似twins咁, 在廚房中進進出出, 但無著廚師衣服, 多口問吓侍應, 原來兩位係負責設計餐單的法藉人士.

食完我同型爸都滿意架, 二公子就覺得的野貴咗的.   呢道的價錢算係中上啦.

我地得閒都會再嚟, 覺得的食材新鮮, 食得安心呀!

沒有留言:

張貼留言