2012年6月30日 星期六

為咗呢隻杯....走去食麥記


2012年6月30日下午12:46公開累積瀏覽 190 0

平時唔會去架, 但係今朝睇報紙, 比個頭版吸引著...  都換咗好耐啦, 又忍咗好耐....

結果都去買咗個加大餐, 攞咝隻粉紅色


而家唔食漢堡牛肉, 揸咗黑椒雞腿包.

我真係好耐無食過麥記套餐, 都唔知一個餐要HK$30.90....加大就要HK$34.30. 而家食麥記, 通常都只係買個包, 唔要汽水薯條, 又慳又無咁熱氣.

買到返公司都唔係即刻食, 結果的薯條凍哂...咁都好嘅, 唔使咁熱氣麻....

呢個加大餐食到好飽呀!  咁三十幾蚊都算係咁上下啦.

其實攞咗隻杯, 都只係想擁有, 都無諗著用.   去年都換過, 又係放喺道....唉... 究竟呢的係咩野心態呢
張貼者： 於 沒有留言:
標籤：

2012年6月26日 星期二

DIABLO III 暗黑破壞神


2012年6月26日下午12:46公開累積瀏覽 175 1

我的姪仔呀, 姨甥呀响香港或加拿大都打緊呢個game.....點解可以令佢地咁瘋狂嘅?
張貼者： 於 沒有留言:
標籤：

2012年6月24日 星期日

台灣阿舍食堂乾麵


2012年6月27日下午12:47公開累積瀏覽 312 1

第一印象見到的麵, 覺得又咪好似我地的即食麵.  但再睇真的, 原來係要煮嘅撈麵.  有三包, 麵質同調味都唔一樣. 

我一試之下, 真係要好好介紹, 好彩未煮之前都影定的相....麵嘅牌子係阿舍食堂.
呢款叫客家板條, 麵身比較粗, 包裝寫明要煮嚟食, 唔可以泡麵, 如果唔係, 的都係唔會熟, 大約要煮5分鍾

煮好之後, 就將調味包倒落去, 呢款調味包叫麻醬辣. 的醬汁比較稠, 辣味輕微, 但味道唔錯.

呢款叫外省乾麵, 麵身比之前嗰款幼身的, 呢款要煮4分鐘
呢款嘅醬汁係麻辣味, 倒出嚟好似豉油汁咁, 比較稀, 但食落去麻辣味好勁...I like it ....但型爸話好辣呀!


而最後呢款係最幼身嘅台南乾麵, 只需要煮3分鐘

呢款嘅醬汁係辣味, 又係好似豉油汁, 食落去有小小辣.  型爸話呢款佢最鐘意食.

三款麵我都覺得好好味呀!  下次去台灣, 一定要買的番嚟呀!


我地唔係食淨麵, 就係食呢的一口牛做餸囉.  講真, 的麵好食過的牛肉好多呀!  的牛肉我每款食咗兩粒咋.


另外配飲品一杯, 果粒西柚汁.

食完兩仔爺又去打機, 我又去寫吓blog, 過咗一陣唔見Loki嘅....周圍搵吓...


原來佢走咗入型爸個洗手間捲埋身瞓覺.   唉吔, 佢又怕凍呀!  我地即時調高的冷氣溫度.  由佢瞓多一陣, 遲少少要同佢沖涼呀.  佢上星期比Pet Shop沖涼, 比佢地扯傷背部發炎甩咗好多毛, 我地要用藥水同佢沖涼,  醫生話最少要同佢連續沖10日呀! 又要辛苦型爸啦. 
張貼者： 於 沒有留言:
標籤：

Mezzo Grill Lunch - Regal Kowloon Hotel


2012年6月24日下午12:42公開累積瀏覽 212 0

Set lunch 有5個selection.  我地都唔使點揀.
落咗單之後, 就去salad bar攞野食.  呢碟係我的沙律.  食完可以refill, 但我就夠啦.

的麵包都ok喎.

餐湯係周打海鮮湯, 味道幾好喎.

我地食哂的麵包, 佢地即時再添, 只有大公子再食多一個, 我地食唔落啦.

主菜嚟啦, 西冷牛扒

我地一家都係牛魔王, 所以四份都係西冷, 只係我份係七成熟, 佢地係五成熟

兩位公子飲品要檸蜜, 甜品係一份甜都漏嘅蛋糕... 本來話唔係好飽嘅食埋嚿蛋糕都一定飽

型爸要咖啡, 我就要Cappucinno

本來要HK$200 per head, 而家每人HK$100就得啦.

講真, salad bar, 湯, 麵包都ok, 但西冷同甜品就麻麻.   但喺酒店食, 咁嘅價錢, 好抵啦.
張貼者： 於 沒有留言:
標籤：

2012年6月23日 星期六

帶Loki去覆診


2012年6月23日下午2:52公開累積瀏覽 296 4
                                                                 
June 21, 2012, Thursday
早上已經同老闆講, 今日要早走1小時, 帶Loki去覆診呀.   個心都有的忐忑, 唔知Loki會點.

型爸接Loki再接埋我一齊去醫務所, Loki响車上面好緊張, 型爸話佢不停怪叫, 直到我上車, 攬實佢, 佢先至唔叫, 安靜咁瞓落我大髀.   我諗佢知我地帶佢去睇醫生呀!

去到醫務所, 醫生幫佢檢查探熱, 跟著抽血化驗.  Loki非常不安, 要型爸攬著佢响張診症檯.

化驗報告出咗, 還好血指數比起星期六並無下跌, 亦無發燒.  醫生比咗幾個建議, 最後我地決定繼續現時食嘅藥(要食一個月), 再觀察佢嘅情況.  Loki開始脫毛, 順便攞的毛髮種菌. 

醫生同我地講, 呢個月佢已經醫咗6隻狗患上牛蜱熱, 叫我地唔好太擔心.  佢話春夏時間, 好多牛蜱, 成日去草地跑一定耍帶牛蜱帶, 兩三個星期就要滴Frontline Plus.  Loki 中咗牛蜱熱, 只要小心留意, 準時食藥,  應該會無問題, 但如果發現佢食欲不振, 有貧血現象, 要即刻帶佢返嚟覆診.   醫生幫佢打咗支維他命, 話會令佢胃口好的喎.  醫生話成日去草地嘅狗, 一定要帶牛蜱帶, 唔可以唔帶. 姑娘即時幫佢帶著.


今日呢張單都係唔小野,HK$1,780

睇完醫生帶著Loki都唔可以去邊道食飯... 唯有去買飯盒啦!


型爸嘅煎蛋牛肉飯


我嘅鱆魚肉餅飯

Loki Loki, 帶你睇完醫生, 爸爸媽媽要捱飯盒呀!

到我地餵佢食野, 淨係的狗糧佢唔肯食, 望著嚿雞, 一定加我地加的雞肉落去, 混埋一齊佢先肯食.   今日餵藥就麻煩的, 兩粒半抗生素, 兩粒半杜蟲藥.  初時唔肯食藥, 型爸夾硬捉著佢, 佢扮食咗, 跟著吐番出嚟, 唔要粒藥淨係食哂的雞肉.   最後都要將的藥cut細, 逐少逐少混入的雞肉, 咁佢又肯食喎.  食完藥又要滴頸同滴耳仔.  真係好唔得閒呀!

不過佢的抵抗力真係差咗好多呀!  晚上見佢瞓瞓吓, 要轉換地, 好似怕凍咁, 我即時將冷氣溫度調高兩度.  點知第二朝早起身, 唔見咗Loki, 原來去走咗入去我洗手間瞓喺張地氈, 嗰道無冷氣呀!   唉吔, 我見到心都痛埋, 邊有Husky怕冷氣, 佢平時最鍾意嘆冷氣.   佢應該係血壓同血小板都低, 所以怕凍.  唉, 佢又唔識講野, 真係要我地小心留意佢呀!
張貼者： 於 沒有留言:
標籤：

2012年6月18日 星期一

與各鄰居共慶父親節


2012年6月18日下午2:56公開累積瀏覽 263 1


三號部屋蓮藕片炒三色椒


十三號部屋炒米粉


唉吔, 呢張影成咁嘅, 十三號部屋黑木耳炒麵筋什菇


十八號部屋煎雞翼

十八號部屋煎薯餅

十號部屋冬菰炆鴨掌

十五號部屋炒菜心

十五號部屋焗雞翼
今次共有六個部屋, 共六個父親一同慶祝父親節.
 
今次大家都係煮的家常便餸, 但係個個都食得好開心, 可以試吓每家人唔同嘅手勢.  隔離飯香吖麻.

今日無咩人飲酒, Mrs Kua由以色列帶回來嘅紅酒, 一支都差的飲唔哂.

我地食完坐一陣就走啦, 歸心似箭, 我地掛著Loki, 仲要返去餵佢食抗生素呀!   我地走咗無耐, 佢地都提早散band呀!

返到去, 佢一樣唔肯食狗糧, 淨係食烚雞胸, 唯有把藥丸混落的雞胸一齊比佢食, 點知佢聞到的藥丸味吐番出嚟.  結果要塞落嚿大的嘅雞肉, 佢唔覺唔覺就吞咗兩粒半藥.   Check吓的藥, 要連續餵佢十二日, 仲要滴耳仔兩個星期呀!

呢兩張就係佢呢兩日無里神氣嘅樣, 佢見我影佢, 仲寧開個頭呀!
張貼者： 於 沒有留言:
標籤：
訂閱： 文章 (Atom)