南涌鳳坑谷埔鹿頸

October 22, 2017, Sunday

秋高氣爽, 十分適合行山.   早上出發行山時, 大概只有二十度, 要著件風褸擋擋風.

今日有幾位組只未能出席, 組長話行海邊响谷埔寸兜個圈就回程啦.

今日多咗個稀客, 就係林老闆, 型爸游說佢一齊去行山呀!  咁有新人通常都行易的嘅路, 唔好一次就嚇怕佢.

由南涌觀音廟出發, 去鳳坑谷埔, 再回鹿頸

宋伯士多換咗個黃色帳篷

靚景一張

好快就行到松記.   松記的楊老闆去咗攞海鮮, 今日咁早唔响呢道食啦.

今日林老闆第一次行, 見到松記隔離呢間全國鄉鎮幹部培訓(香港)基地...哈哈, 我地覺得呢間唔係真野, 用嚟呃人嘅機會就大的.   我地經過咁多次, 從未見有人出入.

回程時見到一隻小牛, 唔知係咪我地上次救嗰隻呢.   如果係就好啦, 因為見到賻頭嘅傷好番啦.

今日整個行程行了三小時, 比平時慢了, 唔覺唔覺都幾攰.

行到出去鹿頸陳鳳記, 就响嗰道食午袤.  叫林老闆試吓呢道個All day breakfast.

大家回家好好休息, 約咗今晚去食泰菜.

秋風起食火鍋

October 21, 2017, Saturday

天氣開始變涼, 型爸就心思思想食火鍋.   我本來覺得佢好誇張, 點知去到大埔墟街市, 龍躉檔那位阿姐話, 今日好多人打邊爐, 整條龍躉賣哂, 剩留的骨腩咋.....你話香港人幾鐘意打邊爐吖.

我條氣管攪咗個幾月都未掂, 唔食得辣, 今日簡單的用皮多芫茜做湯底.   的芫茜焯嚟食, 根部洗淨就用嚟滾湯....根部嘅香味係濃好多架.

安格斯肥牛

行咗半個圈先買到龍躉肉, 另買了一份骨腩, 呢道HK$125

海中蝦一斤

貴妃蚌兩斤都只係有七隻

腐皮

手打魚蛋, 墨丸, 牛筋丸

菜心苗芥蘭苗生菜芫茜

仲有讚岐烏冬

 三個人食, 呢餐好豐富呀!

Pizza Express

October 10, 2017, Tuesday

呢排去尖沙咀中心睇中醫, 路經帝國中心, 見到以前Eastside個鋪, 變咗Pizza Express, 相信應該已經開咗一陣子, 因見人流都幾多.

今日同麻煩鬼去試吓

 

裝修改咗, 鋪位大咗.   有八成幾客, 好多都係外國人.  生意好似幾好.

午市套餐, HK$58 至 HK$78, 要改飲湯就另加錢.   睇個menu, 只有pizza 同pasta, 午市套餐係half portion, 如果要full pizza 或 full pasta, 就要加HK$38.

我同麻煩鬼頭盤都要了煙三文魚小吃

飲品先到, 原來凍的薑汁飲品係Ginger Ale

我要的熱檸檬薑係茶包.

嚟pizza express, 就叫pizza啦.

我要的American, 上面有辣肉腸

另外要了一客Siciliana

 

兩份加起來算係一個啩.

Siciliana 偏鹹, 但兩個薄批都算好味.   份量唔算多, 唔會覺得好飽, 算係啱啱好吧!

我地無另外加野, 埋單加一後HK$138.60. 

每人HK$70, 都ok吖.

南涌尤德亭鹿頸

October 8, 2017, Sunday

十月份已經算係深秋, 天氣無咁熱, 但氣溫依然有二十八九度.

早上八點四十五分出發, 天氣很好, 有點涼風.   今天行程由南涌觀音廟出發, 行衛奕信徑去尤德亭

今日好多人行山喎, 大家說聲早, 心情都特別好.

由南涌觀音廟行到衛奕信徑, 大約半小時

一口氣行上大斜路真係好索氣, 都係要抖一抖.   平時會响直昇機坪停一停.  今日無停, 直去尤德亭

都有一陣子無行過呢條橋山橋

無落雨的水都唔見埋

過咗橋山橋再上幾十級樓梯行的岩路就到尤德亭

呢道有好幾部古裝劇都嚟呢道取景

觀景臺

由呢道望出去風景都好靚呀!

我地無選擇去新娘潭, 我地行由另一條山路去鹿頸

呢條路比較少人行, 某段路差不多完全被雜草遮蓋.   那位男士就係我地名譽領隊哈叔

倒樹攔路,無人清理,  我地要小心穿過呀!

一落到山行出去己經係鹿頸村

行出去就係陳鳳記, 就响呢道食午餐

食完行番出觀音廟攞車...

開心的星期天!