2017年10月11日 星期三

陶源午飯

October 2, 2017, Monday

假期唔使返工, 咁今日就去送月餅比在香港的哥哥姐姐, 順便去探媽媽同奶奶.

打比奶奶佢話今日無人陪佢, 叫我地出去同佢飲茶.   諗諗吓無理由吖, 兄弟姊妹傾過, 一定留一個人陪佢, 最少都有工人姐姐.   打電話去問姑奶, 佢今日真係要返工, 但工人姐姐在家....哈哈哈, 原來係奶奶撒嬌, 只原過要我地陪佢飲茶啫.

咁開車出去接佢跟著去陶源, 呢間應該容易搵位一的.   如我所料, 等兩張檯就到我地.

的點心都唔錯呀, 蘿蔔絲酥餅, 野菌趣脆腸

入面加了的薄脆, 都幾好味


三個人要了六款點心

加個主食就夠哂啦.....真係離譜....第一次要了菜花蝦腰煮上海年糕....10 分鐘後回來話今日無上海年糕.

跟著改為廚皇炒飯....10分鐘後個部長回來又話無廚皇炒飯.....炒飯啫...唔通無海鮮?

個經理猛咁叫我地食荷葉飯, 吓...你地今日午市套餐賣荷葉飯咁叫其他就無配料咩?

最後改了蛋白櫻花蝦炒飯....20 分鐘後嚟.....

加加埋埋真係等咗好耐

呢餐晏仔都唔平, HK$107 一位.   不過的野食都ok嘅.

沒有留言:

張貼留言