2014年9月30日 星期二

榨菜肉絲掛麵

September 20, 2014, Saturday

呢排日日煮, 到星期六, 仲要煮埋午餐.

今日教Cindy煮榨菜肉絲掛麵, 即食榨菜, 快靚正.


瘦肉切絲, 用調味先醃 (豉油豆粉鹽糖麻油胡椒粉)

加多幾條菜心

掛麵,煮5分鐘, 焗8分鐘

好快就食得...不過煮完食埋都唔記得影相...放張之前煮雞絲掛麵頂吓檔先.

Cindy又話好好味....哈哈, 咁好味就快的學識煮啦.

呢排日煮夜煮, 不過今晚卒唔使煮啦, 型爸話出去食.  

一陣去機場接二公子, 接完就一齊去沙田食晚飯....好野!

2014年9月29日 星期一

難吃的苦瓜

September 18, 2014, Thursday

差不多兩星期了, Cindy對於煮食, 仍是no no no....即係我問佢識唔識, 佢都仲係no no no..

今日就迫吓佢啦, 問佢以前有無食過苦瓜, 佢話有, 咁我即刻打蛇隨棍上, 嗱, 呢兩個苦瓜, 一嚿魚片, 妳用妳的方法炒啦, 緬甸style都無問題....佢即時面有難色, 跟著又話no.

咁我同佢講, 無得no, 一定要煮呀.

哈哈, 結果呢碟緬傭第一炒.....難吃的苦瓜.   

佢好緊張, 我一返到屋企, 佢已煮好捧去我面前. 哈哈, 都唔知點鮮, 睇落都只係用蒜蓉炒, 但食落都真係幾難食, 苦又唔係苦, 有的鹹有的酸, 苦瓜點會酸呢, 唔通叻到落醋. 

 但我唔想傷佢自尊心, 都話ok la, 我同型爸都覺得唔好食, 但勉強"啃"咁的, 剩番好大碟.

洋蔥炒牛肉, 我叫佢將的牛肉切片, 但佢幫我粗切, 孌了牛柳條.  都係咁炒啦.

昨天食麻醬青瓜手撕雞時, 順便整埋拍黃瓜, 但落錯咗老抽, 攪到深色咗添.

猴頭蘑鯊魚骨湯

 
二公子在旅行中, 我同型爸兩個人, 點食得哂, 有一半都係比咗Cindy.

真係要好好研究一下, 點樣令佢煮食可以快的上手呢?

2014年9月28日 星期日

蓮藕小館

September 17, 2014, Wednesday

今日又要上國內工作, 遲的仲要上得密的.

中午去了一間小餐廳吃午飯, 餐廳叫蓮藕小館.

 
店子不大, 裝修還可以

 
Menu用電子手掌, 只可以睇, 但做唔到電子下單.  

這間蓮藕小館, 大部份的菜式, 都用蓮藕.

前菜有涼拌海帶

 
蒜香蓮藕夾

這個碎碎鉢是用碎蓮藕炒的.

只有這農家小炒肉沒有蓮藕....大量辣椒, 很辣呀!

湯是蓮藕豬骨湯

還有蒜蓉炒菜心

蓮子蒸飯

全個套餐, 埋單RMB116.  幾個人真係好抵食.  食唔哂仲要pack 走.

雖然在國內做野, 黃昏一樣要趕回家, 記掛著家中的晚餐呢! 

呢排盡量都唔會出去食, 要晚晚在家煮, 咁Cindy先可以快的pick up.


出門前交帶落Cindy煲雪耳螺頭湯


醃好蒸熟雞扒, 切好青瓜絲, 我返嚟用麻醬麻油調味就可以啦.

再蒸條黃花魚, 教佢整蒸魚豉油

 
又係差唔多半個鐘又攪掂.  二公子去咗旅行, 只得我同型爸, 兩餸一湯啱啱好啦.

哈哈, 我覺得呢排我教工人姐姐處理得好好呀!

2014年9月27日 星期六

暫時都係煲湯炒菜

September 15, 2014, Monday

星期六日我响屋企, Cindy就淡定的, 到我星期一返工要出門口, 佢就好緊張, 問今晚晚餐要點整.其實我昨晚已經諗好,今日出門口响雪櫃攞出嚟叫佢預備就得啦.

 
為了容易上手, 繼續煲的已經煲過嘅湯, 不過唔知係水太少定煲得太耐, 煲起叭係得咁少湯, 差的每人一碗都無.


Cindy話佢識炒通菜, 只係用蒜蓉炒, 都ok架. 如果上碟快的, 再翠綠的就更好.

昨晚打完邊爐, 剩低嘅配料有黑豚片, 牛肉, 水魷, 牛百頁, 用XO醬炒埋又一碟, 好好味.

跟著再整豉油皇大蝦

我放工返嚟半個鐘, 三餸一湯又食得.

暫時Cindy只係識煲湯炒菜, 希望過多一兩個星期, 佢可以學多的基本餸, 咁我放工唔使咁趕啦.

2014年9月26日 星期五

五號屋麻辣雞煲火鍋

September 14, 2014, Sunday

上次去小廚滋味外賣麻辣雞煲請二公子的朋友仔食, 今日我自己整呀!


麻煩鬼同事叫仍家姐幫我去大孖買咗麻辣醬用勁辣椒油, 我今日要好好利用一下.

 
買隻雞返嚟斬件, 用豉油鹽糖麻油醃一醃, 跟著先將的雞走油(用滾油泡一泡), 將的肉汁鎖著.


雞煲嘅配料, 有薑, 蔥, 蒜, 紅蔥頭, 豆豉,幾隻指天椒


仲有花椒 同乾辣椒
 
用咗兩大湯匙麻辣醬

起鑊爆香的配料, 加的麻辣醬, 再加雞爆炒

  
 好快就煮好個麻辣雞煲, 無加勁辣椒油, 因為試味已經好夠辣.  因無落辣油, 所以唔似外面食咁紅色.


呢個勁辣椒油就咁嚟食...都真係好辣.

當我同型爸食個麻辣雞煲時, 二公子無興趣, 仍只係挑咗兩嚿雞胸肉來食.

 
豬骨清湯鍋
 
 有黑豚片, 牛肩脊肉, 水魷, 牛栢頁

 
手打魚蛋, 打打牛丸&肉丸, 仲有兩款菜.

平時可以食辣, 但菜就唔可以食辣, 用清湯鍋先食菜.

到我地將隻雞食到七七八八, 跟著就將個麻辣鍋倒落清湯鍋...跟著就開始好辣啦.

今餐型爸好滿意呀, 有麻辣雞煲仲食埋火鍋, 佢至like呀.   二公子一樣無投訴, 佢鐘意食嘅都有.

至於Cindy, 好鐘意個麻辣雞煲, 加埋其他火鍋料(我先焯好比佢食), 佢又食得好開心呀!

我都開心, 煮完食完唔洗洗碗.  哈哈哈!

2014年9月25日 星期四

電飯煲拑錯制點算?

September 13, 2014, Saturday

今日出去買餸,  諗著叫Cindy試吓自已煮, 我晏的先出, 食飯時間先返.  哈哈, 不過佢真係唔得, 連煎豬扒, 蒸水蛋咁簡單都話唔得, 我返到嚟, 佢仲傻吓傻吓咁望著我.

最攪笑係佢話電飯煲壞咗煮唔到飯.  我去睇吓, 綠燈著咗, 原來佢按錯咗個保溫制, 用保溫點煮飯, 又唔識停咗重新再按.  用電飯煲, 最少都要40分鐘, 而家先煮, 真係有排先有得食.

我立即攞個Berdes出嚟, 用明火煮, 煮10分鐘, 焗10分鐘就得.

煮落飯先整餸, 時間就配合得好.

易潔鍋煎豬扒

用個鑊烚韮菜花

再用個蒸爐蒸水蛋, 耐無整落少咗水份, 唔記得要1:1.5, 用咗1:1, 的蛋實咗的.

鹹菜胡椒排骨湯, 佢煲咗兩個鐘.

餸煮好, 的飯都得啦.

三餸一湯一飯, 好簡單又攪掂一餐.

睇嚟, 有排我都要自己餐餐落廚呀!  咁又無問題, 我唔怕煮, 淨係怕食完要洗. 而家有Cindy洗碗, 咁我煮都無問題啦.