南北杏黃耳桃膠糖水

October 17, 2018, Wednesday

近來喜歡上一款糖水, 最迎煲過好幾次.   兩星期前鄰居聚餐第一次煲, 非常受歡迎, 食完仲要拎.

呢款糖水凍熱佳宜, 因為太受歡迎, 熱食已經沽清, 無機會凍食.    當我第二次煲時, 份量控制得更好, 煲好時食熱,  第二天凍食...凍食時的桃膠冰涼滑嘟嘟, 真係好好味.

今日又再煲呀!

買咗一包, 食到七七八八, 又買多兩包做存貨.   天氣開始乾燥, 呢的糖水夠潤呀!

桃膠的份量, 取決於想要食多的定食少的,   我第一次煲時, 多人食, 就浸多的, 預每人5粒.  浸起都幾多架.   不過通常浸時都覺得少, 總會浸多.   煲多兩次就可預到份量.  浸過夜, 用篩沖走的黑色污物, 唔難處理.

黃耳我都浸過放, 發好之後煲時再剪細粒

買咗夏威夷, 但無得揀, 呢個好生, 咁買咗都煲啦.

南北杏

將全部料放入萬能煲, 加埋冰糖, 一按制就得.   如果明火煲, 最少煲40分鐘呀!

睇吓的桃膠, Yummy 呀!

Cook House - Fusion

Oct 14, 2018, Sunday

今天下午行完山, 返到屋企梳洗完休息一陣, 又要出發去街市買餸.    一開車轉出村口, 就見到林老闆兩夫婦放狗....大家傾兩句, 型爸又問今晚去邊就食...  林老闆兩間喜愛的餐廳, 食中式就新漢記, 食西式就Cook House.    哈哈, 二公子喜歡食西式, 就Cook House 啦.

呢間Cook House 我地嚟過好幾次啦.

我地早到, 叫佢地整兩個小食頂吓肚先.  佢地到咗, 整多一份佢地食.  吉列蝦同炸雞翼都幾好味.

仲有燒花枝片

薯皮.

食小食都已經飽飽地.

到我地叫主菜時, 點知老闆Kelvin話揸主意叫錯個魚生拼盤 (佢地有間日本餐廳响附近)

金雕魚生片, 非常鮮味

仲有什錦魚生拼盤

仲有一大碗海膽....我地要了一碗壽司飯, 同紫菜包飯, 加的海膽在上面....好好味呀!

我地已經好飽, 但林大公子話要食意粉, 再叫多一客卡邦呢意粉.

甜品係綠茶Tiramisu

仲整多個心太軟加雪糕.

呢餐西日fusion好滿足呀!   林老闆爭著請客, 真係多謝哂呀!

大埔滘

October 14, 2018, Sunday

近幾星期去行山都非常無趣, 好多地方都因為塌樹封路, 連我地最喜歡行的鹿頸鳳坑谷埔, 都因為鹿頸入去那條路封了, 所以入唔到去.

至於大埔滘紅, 藍, 黃, 啡 四條行山徑全部封哂, 都一樣全部封哂.

咁我地好醒目的組長話, 唔行山路, 咁我地咪行石屎路囉.

 我地由大埔公路入口, 一路沿石屎路行, 行到去大休息停, 再向上行去城門水塘的方向.   呢條路大暗斜, 行吓行吓, 某段都幾索氣.

我的行山團友.   我們經過紅, 藍, 啡路的入口, 見到好多大樹塌下橫跨的行山徑, 唉, 怪不得要封路啦.    唉, 市區的樹都未清理好, 幾時先輪到的行山徑吖.

我地今天無諗著行去城門水塘, 第時間, 行到十一點就回程.   因為回程需要同樣時間, 即係回到起點都要大約十二點半.    對於我地嚟講, 行三小時夠啦, 無需咁攰.

今日哈哥話請我地去三門仔皇朝漁港食午飯呀!

 
一坐低侍應就送上例湯

哈哥請客就由佢發辦啦.

多謝哈哥!

大家嘻嘻哈哈, 又過了一個快樂的上午.

LAB.10 - 朗豪坊韓燒

October 12, 2018, Friday

Friday night, 今日約咗型爸二公出去食晚飯.    去到朗豪坊, 真係好多人, 好多間餐廳食肆都排長籠, 見呢間餐廳食韓燒, 又唔使排隊等好耐, 就呢間啦.

LAB. 10, 朗豪坊10F

新派裝修, 同平時的韓式餐廳不一樣

門口仲有個地方, 買飲品, 叫 Juice LAB

有幾款套餐,  唔啱心水, 叫 A la Carte 啦.因為第二碟可享半價呀!

兩個牛魔王, 要了特級和牛拼盤

HK$488, 每樣又幾片咁啦.   呢個拼盤只跟半份菜.

燒吓燒吓又幾過癮

另外要了牛大腸, 呢碟牛大腸燒好食落好似有午餐肉味, 哈, 唔知佢用咩野醃呢!

牛舌及五花肉....不過的五花肉真係麻麻呀!

佢兩個要咗青檸梳及蘋果梳打, 每杯都係$28

呢間新派韓燒, 無咩野四小碟六小碟, 要食要自己叫 (即係要付費)

為咗快的填飽佢兩個肚唔好食咁多肉, 吃咗一個可鍋飯

型爸見隔離檯要咗生牛肉他他, 佢又立即要一份, 韓牛加雞多, 加牛油果, 加梨, 好肉好豐富的味覺得, 但食落只吃到梨的味道.   牛肉就一的味都無

因為有兩碟第二碟可半價, 慳咗百幾文, 埋單HK$1,029.    

咁一家人出嚟食飯都係開心嘅.

西貢遠足快艇環島遊

October 7, 2018,  Sunday

自從山竹襲港, 好多郊野公園都塌樹處處, 好多路徑封咗行唔到.

今日組長話上網check 過, 西貢無封路, 全程大部份係石屎路, 應該都安全的.   今天好齊人, 十個人出發.

我地開車去到西貢, 再坐的士入去行西灣

一路都無咩問題

行過幾次西灣, 都無留意呢道有個古井, 1856建的

行到出去沙灘, 就見到山竹的破壞力, 的橋斷哂

直昇機坪都爛埋

走了條捷勁, 上到山望出去, 風景依然美麗.

當我地行到鹽田, 有幾位都覺得好攰, 組長話不如今日試吓坐船回程.   鹽田那間餐廳可以買票, HK$150一位, 回到西貢碼頭.   大家一致同意, 咁就坐船啦.

原來呢程船要坐30 分鐘, 船長西貢發哥仲載我地睇埋的小島, 唔坐船真係無機會睇到.

 
西貢發哥逐一介紹, 哈哈, 但講完我地好快就唔記得啦.


呢道就係福音戒毒中心

滘西洲打golf 就去過幾次, 但由海上睇就真係第一次.

 

幾處見到打爛了的船

呢, 呢隻盲係西貢發哥載我地的船, 唔錯架.

到西貢碼頭了

哈哈, 原來碼頭有票賣的, HK$250 一位.   咁我諗呢程船會坐耐的亦睇多的島.

去了永和飲茶....好肚鵝呀!

先來隻燒鵝.....

叫好多野食....大家好開心呀!