聖誕禮物

December 24, 2016, Saturday

型爸真係好好架, 佢一早就話要買聖誕禮物比我, 仲話要我去揀顏色及款式...嘻嘻嘻, 真係好開心呀!

今天晚上有Party, 要八點先開始, 我地就順便出去食個tea...

開車去上水中心, 啱啱過下午五點...又有泊車優惠.

之前去過嗰間餐廳, 竟然無下午茶, 咁早點食晚餐呀! ....哼, 退而求其次, 去快餐店食, 又慳的.

型爸要了個餐蛋麵配西多士&紅豆冰

我要了厚多士雞翼+甜品.

黑麻麻呢碗係紅豆沙, 好耐無食過, 又幾好味呀!

幾十文兩個, 食到飽飽呀!

跟著就去買聖誕禮物....

呢...要揀款揀色呀!


我地聖誕禮物....Apple Watch.... 配合我的Iphone, 正呀!

型爸咁好, 我有咩野回報比佢....哈哈, 深深一抱呀.   佢話咩都唔使, 我開心佢就開心.

八方雲集 - 香港仔中心

December 23, 2016, Friday

今日好開心呀!  老闆比我地今天放下午, 即係話聖誕假期由下午開始.

今日一早安排咗同型爸去處理吓的三千煩惱.    哈哈, 又係去到老年咁遠嘅香港仔(對我地呢的新界人嚟講).  不過放工由尖沙咀開車去又快好多喎.

去到先泊車.. 咦, 呢個泊車優惠好重要喎.   整完頭髮一定要去香港仔中心消費吓先得.

唉, 今日整頭髮整咗三個幾鐘, 行商場又無咩野買, 型爸話响呢道食埋飯先返屋企.

最後見到呢間八方雲集, 不如就去食餃子啦.

六點幾入到去, 餐廳都無咩人, 咁我地睇餐牌,每人點咗個餐

哈哈, 叫侍應點完餐, 先知道原來要自己劃單, 咁嗰位侍應又幾好喎!  

麵線先上...吓外賣碗?

連醬油碟都係紙的.

飲品就梗加係外帶杯

好彩碟菜嚟係真碟唔係紙碟

大部份都係外賣餐具真係有的唔環保, 但可能用呢的外賣餐具唔需要請多個人負責洗碗, 成本可能平的呢!

我點咗個有營餐, 有麵線, 5隻餃子, 一碟菜, 仲有一杯豆漿, HK$44

型爸要了線線加10隻餃子餐, HK$41

再追加了紅油抄手HK$13 及珍珠奶茶HK$8,  佢個餐total HK$62


哈哈, 呢餐晚餐真係經濟,  超過HK$100, 可以攞埋泊車優惠.

用咗泊車優惠都要HK$65, 無優惠一定過一百文啦.

港晶中心彩晶軒

December 22, 2016, Thursday

 今日又同Akiramay & 佢女兒一起去彩晶軒飲茶.  佢女兒要考試, 公司可以放考試假, 真係正呀!

上次三個人叫了五款食物啱啱好, 但今日為食, 結果要了六款七碟....雖未過2.5的原則....都好似多咗的喎.

哈, 好開心, 的點心全部都係三樣, 每人一粒, 唔使爭亦唔使讓.  最正係臘腸卷, 都三件細細粒.

一小鍋鳳爪排骨飯

蘿蔔絲腸粉....初先都唔知係咩, 原來入面係脆的.

原來好好味架, 入面蘿蔔絲餡外皮炸到脆, 外面先包腸粉, 好似炸兩咁....應該話好味過炸兩呀!

用普洱茶浸咗的飯焦...今日的飯焦唔燶, ok 呀!

六款七碟, 其中相同嘅就係呢款燉蛋....女士都係鍾意食甜品.

嘻嘻, Akiramay的女兒有學生咭, 免茶...正.

緬甸涼拌沙律魚

December 21, 2016, Wednesday

今日冬至, 晚上返奶奶家做節, 一早就諗定整兩款冷盤返去.   四點放工, 有足夠時間, 先返屋企, 再去奶奶家.

其中一款冷盤, 緬甸涼拌沙律魚

Cindy現在好聰明, 咩野都用個萬能煲.   將的秋刀魚連骨放入萬能煲炆煮10分鐘, 的魚骨都已經腍哂可以食, 無需拆骨.  煮魚時加入魚露及白醋.  煮好瀝乾水份,拆肉.

紅蔥頭, 椰菜切碎

青瓜一條切幼條.   的青瓜一定要切先有口感, 如果用刨刨出嚟, 好似無咁好食.

Cindy已經炸定的紅蔥頭, 用的油浸著.

將所有配料加入大盤, 加入檸檬汁

我買咗個檸檬夾比Cindy, 佢唔識用, 哈哈, 切到的檸檬一粒粒.  要教佢切長片嚟夾呀!

拌勻後試味, 可以加入識量魚露調味.  咁就可以上碟啦.

另外我一早調好個最雞汁, 教咗Cindy點拆骨, 已經浸好, 又可以上碟

哈哈, 我的拼盤碟又大派用場

兩位嬸母又煮咗好多....哈哈, 真係有排食.

哈哈, 咁當然五號屋的冷盤就最搶鏡啦.

除了生果, 姪女煲了三色蕃薯糖水....

大家開開心心高高興興過冬至呀!

冬至海鮮站午膳

December 21, 2016, Wednesday

今天冬至, 我同慢魔魔及麻煩鬼提議去海鮮站食午飯, 想叫的海鮮食吓, 算係食個冬至午飯啦.  平時都係自顧自叫一份餐, 今日叫幾樣share一齊食.

要咗上湯豆苗

黃金海中蝦

蒜椒蒸馬友

海中蝦同蒸馬友都跟一碗白飯,  慢魔魔係飯桶, 佢食一碗, 我同麻煩鬼share一碗, 咁就啱啱好啦.

幾樣都好美味, 唔錯.

埋單HK$176, 每人都唔使六十文....滿足!

陳皮冰糖燉檸檬

December 19, 2016, Monday

今早一返到公司.....檯頭收到份禮物

就係呢樣...

即刻忌唔著拆開嚟睇吓, 原來係一樽陳皮冰糖燉檸檬

入面仲有一木匙, 印著四季養生茶館

 

 比個close up 睇吓, 用20年的陳皮新奇士檸檬燉20小時而成, , 功效清熱下火, 化痰止咳, 潤喉養聲...淨係見到呢的都已經心甜

秘書小姐見我條氣管咁耐都仲係有的問題, 送呢樽比我,真的很細心.

多謝哂, 又要請佢食飯先得啦.

 

.