December 3, 2016, Saturday
昨晚去了拜四面神, 今天上午仲有行程, 要去Wat Pak Nam 拜心德佛.
八點幾起床, 九點落五樓餐廳食早餐
Breakfast 款式多
但我比較老套, 有得選擇都係揀嗰一兩樣
白粥加的魚乾, 皮蛋, 酸菜
魚蛋粉
型爸就鍾意食西式, 我都食一兩件啦
哈, 竟然有一口芒果糯米飯
係旅行先會咁食.
型爸攞咗杯即蘑咖啡,幾香, 味道唔錯
出去睇吓有咩生果....白蘿蔔都算係生果?
泰國人鍾意用青檸, 仲有糖鹽辣椒來食水果
自製生果拼盤
食完上房換泳衣, 我地要去曬日光浴, 吸收維他命D呀!
唔係太多人, 有位, 正呀!
攤抖到十一點, 上戶梳洗, 跟著出發去Wat Pak Nam
好耐之前嚟Wak Pak Nam, 都係坐船, 所以呢道叫河口廟. 以前成日水浸. 近呢幾年, 熟悉咗, 原來坐的士嚟就仲簡單
呢道改建維修, 越來越宏偉
呢個就係心德佛, 又維修緊
拜完神出嚟,又目到嗰檔泰式天婦羅 (炸蕃薯, 炸芋頭)
正想去買嚟食, 點知比型爸叫著, 有的士快的上南. 哈哈. 咁唔食啦, 去到Chatuchak先食.
我地坐的士去到BTS Pho Nimit
再坐BTS 去ＭｏＣｈｉt，即係Chatuchak
去到翟道翟, 見到呢檔食粉麵, 幫襯吓先
呢碗大大粒魚蛋米, 50Baht, 又幾好味.
仲有芒果糯米飯, 又係50 Baht
呢的先係我想飲嘅椰青, 放入杯加咗冰嘅, 點會好飲.
食完又周圍行, 又係呢檔大鑊西班牙炒飯. 今日係位小姐放的餸上去, 而那個意大利肥佬就係另一邊. 費事影佢, 等佢咁得戚.
又見到呢檔大大粒炸魚蛋, 買咗30Ｂaht 一袋, 又幾好味
見到椰子雪糕, 又食. 加咗三款toppings. 50Baht.
嘩, 呢道都有燒肉賣? 又買少少試吓. 的肉質幾爽, 但的皮唔脆, 即係唔得啦.
跟著買吓食吓 (又買咗的碟), 四點幾就走啦.
返到酒店梳洗, 休息一下, 七點出去食晚飯
叫酒店Book咗 Madam Sarnair
去到都仲有好多位
我地要咁蔬菜春卷
陪型爸啤一啤
呢道嘅冬蔭公湯幾好飲, 唔會太甜或太酸, 少少辣, 啱啱好.
鹹魚炒芥蘭
呢酵炸牛肉乾, 咬到牙都軟, 食唔到呀
生蝦遲遲先到, 的肉又唔夠爽
蝦沙律配炸通菜, 的沙律好酸型爸唔like, 的炸通菜又太熱氣, 食幾條就可以. 又要浪費
呢兩杯食餐後送的, 飲咗都唔知係咩.
呢餐食咗大約三百港幣
食完飯坐一陣, 行過斜對面就係 Health Land
今天睡前的所節目.....
沒有留言:
張貼留言