烚吓烚吓芋頭油鴨煲

December 11, 2016, Sunday

今晚Potluck, 組長話佢整芋頭油鴨煲, 仲話一路滾著食, 我真係未試過, 要見識吓.  平時食的芋頭油鴨煲都係用炆好, 少少汁咁食....烚吓焗吓都得?

呢我就係配料啦.  煎炸過的芋頭, 有酒黑髀, 臘肉

組長帶埋電磁爐不銹鋼鍋, 水滾, 放的配料落去

再加入芹菜, 佢話滾起一陣就食得.

另外仲預備了魚腩及魚頭, 因為組長夫人鍾意食呀!

嘩! 滾起個個第一時間竟食的芋頭....好粉好好味, 咁食仲無咁肥膩.

顧著食芋頭煲, 唔記得今日嘅主打添...

林老闆拿手的羊腩煲

 
仲有一條海鱲魚...蒸好凍食都好好味!

八號屋女主人拿了鏞記潤腸, 林太加了榮華的臘腸, 就成了這碟鴛鴦腸

五號屋就預備了這三色冷盤.

咁當然仲有多款藐菜烚吓烚吓來食

 

我帶備了自家浸的梅酒.  林老闆同組長飲茅台(我唔比型爸飲呢), 型爸同林大公子飲Whisky好了....

大家又過了一個開心的晚上.