皇朝漁苑 - 三門仔

 January 20, 2019, Sunday

星期日又係我地行山的日子, 呢排天氣好, 唔去行山真係好嘥呀!

好耐都無行尤德亭, 今日就由南涌出發, 先去觀音廟拜神, 再行去尤德亭. 打個轉就返落山打, 大約行兩個幾鐘.

今日哈叔又話請我地去三門仔食午飯, 哈哈, 真係多謝哂!

美食一大堆, 行完山消耗咗嘅卡路里全部返哂嚟

唔止有例湯送, 仲有甜品送, 全都係哈叔的面子.

下次屋苑團年, 等我地請番佢.

大家一齊行山食飯, 好開心呢!

海景軒 - Intercontinental Grand Stanford

January 17, 2019, Thursday

今日約咗Akiramay食飯, Akiramay提議去海景軒, 因為佢話最近申請咗張咭, 有優惠呀!

 咁去酒店中餐廳, 地方同服務都當然好的, 大家亦坐得舒服的.

我地要了三個點心加一個主食.

要了煎蓮藕餅...好味...係喎唔記我影張靚相添

 哈哈, 我Akiramay都鍾意食臘腸卷

 要了銀芽煎腸粉

主食要了鴛鴦糯米飯, 係呢道嘅Signature Dish.

 不過估唔到係咁樣的, 一客兩份, HK$188

 的醬汁用黑糯米做的, 食落有少少甜, 墊底那塊係煎了的珍珠雞(哈哈, 下次自己都試吓煎)

至於下面嗰嚿似芋角的東西, 應該係芋蓉包了黑糯米.    講真, 我真係覺得麻麻, 味道有的唔鹹唔甜.   好彩我地兩位女士食咋, 的男士點夠飽呀!

我地好夠飽係因為食了臘腸卷及煎腸粉

送了甜品, 生磨杏仁茶...好味

 因為有優惠25% discount, 加上免茶送甜品, 埋單HK$298.

呢, 就係呢張咭啦.

The Cook House - 粉嶺

January 13, 2019, Sunday

今日好高興, 早上行完飲完茶, 大家就話今晚食咩....跟著其中一個就話, 我個仔鍾意食西餐, 跟著其他都話, 係呀, 我屋企嗰個都係呀!    咁大家一齊話不如今晚食西餐啦....

跟著叫埋林老闆一家, 一行十五人Cook House 食晚飯.

 去到先要了蒜蓉包充飢

 要了四打生蠔, 不過都生蠔瘦咗的, 唔夠肥美....尖沙咀Open Oyster 的蠔正的

 開咗兩枝紅酒

 

要了芝士薯條, 單骨雞翼 (小林公子鍾意食)

 主菜要了兩客Beef Wellington, 整得非常欴好, 共中一客中間太生, 即時整番到Medium well.  Very Good.    呢個菜唔係唔係間間整得好食, 上次去尖沙咀The One 嘅Wooloomooloo....真係把鬼呀!

 還要了兩客鵝肝黑松露意粉, 兩客西冷牛扒.

甜品就要了三客蘋果金寶, 兩客綠茶Tiramisu, 兩客心太軟....食到大家捧著個肚

最後埋單每位五百.....吓又食四打生蠔又開兩枝酒都咁平?     全因為林老闆同呢道個老闆太熟, 請我地飲兩枝紅酒, 甜品坐部免費.

你話唔多的嚟幫襯點得.

稻香漁港青衣城

January 7, 2019, Monday

媽媽生日, 哥哥在青衣城訂稻香了兩圍, 幫媽媽慶祝.

媽媽九十幾高齡近年身體尚算可以, 但思維及記憶力就大倒退.  有時見她望著我的眼神有點猶疑, 個心就有點痛.  我問她我係邊個, 跟著佢就笑笑口話你咪我個女囉.   咁係邊個女呀...佢就話囡囡囉...哈哈, 平時佢都不會叫佢三個女兒做囡囡, 但佢講得出我係佢個女, 我都已經好開心.

稻香呢個餐單都算唔錯, 星期一至四, 都只係HK$2,288, 全包宴, 免加一仲有啤酒汽水, 經濟實惠

第一道菜乳豬全體, 相都未記得影就已經食哂, 因為通常第一道菜個個都好肚餓, 連媽媽都多吃一片...的皮夠脆呀!

上湯龍蝦伊麵, 有三隻Boston龍蝦, 都算唔錯

螺頭燉雞湯有兩盅, 足夠十二位用

脆皮穗香雞

醬皇炒元貝蘭花蚌


竹笙魚肚泡菜苗

杏香炸蟹蚶

珍珠龍躉班

甜品哥哥改了做壽包, 但呢道的壽包麻麻.

姪女買咗個好靚的生日蛋糕, 祝媽媽生日快樂, 身體健康.

錦田紅磚屋

January 6, 2019, Sunday

星期日, 今年第一個行山日組長話好意頭的, 行紅路, 即係大埔滘林徑.   大家一呼百應一行九人.   大家一起先行紅路, 行完紅路, 喜歡繼續行的就行藍路, 想休息就行落山等.

行完, 其中一位組員提議去錦田紅磚屋, 我地好幾位都未去過, 大家都贊成.

錦田紅磚屋原來開咗成十年, 但我地好少經過呢一區, 所以未嚟過

呢個市集整到好企理乾淨, 樓底好高.   呢個天時相當好, 不過夏天無冷氣可能就熱的

呢道只有兩間食肆,  其中一間食咖哩的, 真係唔錯... 跟著仲有腸粉, 炒麵, 生菜, 鯪魚球, 炸豆腐...大家食得好開心呀!

跟著再試吓咖哩店的咖啡及甜品, 都好好味呀!


其中一位話唔夠, 要多一碟咖哩牛脷砲法包.

真係計都無咁準, 加加埋埋食咗HK$900, 即每人一百元....我地咁食法, 抵呀!

呢道附近有間私房菜....跟著大家就起哄, 咁我地屋苑團年飯, 就試吓呢間私房菜啦.