2018 曼谷遊 Day 1

Nov 30, 2018, Friday

每年呢個時候都會去泰國, 雖然家裡都笠笠亂, 都唔會取消呢個trip.

哈哈, 咁多年都未試過, 去泰國無食泰菜, 仲要每日都係hea...

型爸出發前兩天搬野弄傷了腰骨, 痛到行又唔得坐又唔得瞓又唔得.  即刻去搵正骨師拗番正(型爸話真係啪啪聲, 拗完又真係無咁痛, 但始終都仲係行唔得耐, 坐唔坐得耐.  但機票酒店訂哂, 都要照原定計劃出發啦.

今次上直接在網上頂機票及酒店, 時間都以輕鬆為主, 即係十二點幾機去, 三點幾機返. 無需晨早出機場, 返到屋企都唔會夜.

久違了機場Premium Lounge 嘅魚蛋粉及ＸＯ醬, 都仲係好好味.

坐香港航空, 12:10 出發, 中午機, 啱我地嘅schedule

到達曼谷機場, 買咗Data card 就坐地鐵去酒店.    以前坐Airport express 轉BTS, 現在覺得轉MRT就仲方便快捷.  由機場坐到去Makkasan, 行去MRT 站.

坐MRT通常都有電梯, 上或落都有扶手電梯, 攞著行理都唔成問題, 但BTS 好多個站上的時候有扶手電梯, 落的話就要自提行理. 

MRT 個站叫Phetchaburi, 只需坐一個站就到Sukhurmvit.   呢個站可轉乘BTS Asoke 站. 

我book咗Grande Center Point Terminal 21, 即係出咗MRT, 行過去就得, 非常方便.

前幾年都係住呢間酒店, 仲係keep得好好, 不過房間今次細咗的.

但細少少無問題, 其他設施一樣齊全.

在房間休息一陣, 出發坐BTS Chilom 拜四面神

初時去到覺得有的唔同咗, 但講唔出係咩, 到買咗鮮花蠟燭就知啦....現在不准點香燭, 香照插, 蠟燭就放在那裡.   四周空氣清新咗.   以前有分還神及拜神的花皮(大細不一樣), 但現在全部統一都係BHT300.    亦有的小販花檔在出面, 相信價錢會平的.

拜完神就行吓出面的小檔

每年呢道附近的聖誕燈飾都好靚, 呢棵聖誕樹有三四層樓咁高

行咗一陣在Big C 那邊搵咗間Cafe, 坐低食的野.    型爸睇嗰位正骨師叫佢要戒口(中醫就係咁), 好多野都叫唔好食. 酸, 辣, 牛, 雞鵝鴨, 蛋....型爸話使唔使食齋... 盡量唔食酸辣, 所以唔食泰菜.

咁我地三文活....型爸發版..

忌廉麵包湯

公司三文治

再嚟一個芝士Bagal

加多杯特飲.

眼寬肚窄食唔哂, 每款要留起一半做早餐.

跟著去行Big C....勁勁勁勁多人買野, 排隊比錢都等咗好耐.....攪到最後節目差的遲到.

一星期前已經打電話訂咗, 連續三晚, 晚上九點, 去Health Land 按摩.

按完十一點行返酒店, 按完摩寧舍好瞓呀!