Dec 25, 2018, Tuesday,
昨天同鄰居烚吓烚吓, 講開食越南餐, 佢話响深水埗有一間小店, 的越南野有水準 (連越南華僑都話有水準), 點可以唔試吓呀!
即刻約埋今天一齊去試吓.
呢間在深水埗荔枝角道315號(近桂林街), 叫Q1 第一郡. 去到要排隊因為我地四個人. 如果係兩人就容易的有位. 間鋪細到, 可坐四人的只有兩張, 其實張檯真係好細, 坐得有的勉強. 幸好流轉算快, 都唔係等咗好耐.
等的時間周圍行, 見前的都有一間越南餐廳, 但入面大把空位.
要了四條米紙蝦卷
拆開外面塊葉, 兩隻蝦透過米紙, 好靚喎, 包得好乾身, 加埋的醬汁, 好味呀!
我地兩對couple, 每對叫一碗粉再叫一個越式法包. 他們要了豬肉撈檬
我同型爸要了蕃茄蟹羔湯檬...上面那塊正方型的就係蟹羔了. 幾好味呀!
要了兩份越式法包, 個法包食落好鬆脆...好味呀!
每人要了一杯越南咖啡
越南法包配越南咖啡....正呀!
其實已經好夠, 但忍唔著都要一個班蘭綠豆餅試吓.....HK$13一個....好好味呀!
我坐後面就係隔著廚房的counter....上面放咗好多米紙蝦卷同班蘭綠豆餅呀!
法包响呢道, 買哂可能就無啦.
多謝佢地帶我地嚟食, 呢餐平平地就等我地做東啦....
的野食好味, 唔怪得之有口碑....外面仲大把人排隊呀!
沒有留言:
張貼留言