洋蔥湯

May 10, 2020, Sunday

整洋蔥湯係要好多洋蔥的, 多到有的唔習慣.   今日預算三個人份, 我落了四個洋蔥 (四個都好大個)

我叫Cindy幫忙切, 跟著用中慢火炒.  大約要炒40分鐘至一個鐘

Cindy炒緊時, 我整緊蔬菜薯餅.  佢猛咁問我得未, 我睇咗幾次都話未得.   唔知係咪我話未得佢又炒到好攰, 靜雞雞加大的火, 差的炒到的洋蔥燶哂.  猛火係唔得的, 因洋蔥會釋出糖份.

 

呢盒就係上次煲的牛高湯底....睇吓的骨膠原幾勁

加的牛高湯, 加的麵粉 (小心份量, 不要加太多, 否則的湯好糊唔好飲)

加咗的牛高湯, 滾起面的雜質可除去

加鹽加胡椒粉, 亦可以加的香草

盛起放碗內, 我無整法包呀, 將自家整的牛奶都包, 切半片放在湯面, 再加半片芝士

入焗爐焗至芝士溶就可以上檯.

我自家版法式洋蔥湯攪掂啦.

周打蜆湯

Apr 25, 2020, Saturday

又到星期六日, 又要搵的野嚟整吓.    唔...今日諗著食西餐, 咁煲個西湯先.

以前出去食西餐 (好耐無出街食啦), 好喜歡叫周打蜆湯, 咁想飲就自己煲啦.


買新鮮蜆嚟煲呢個湯 ,味道會鮮甜的.  但呢排時常宅在家, 粗粗地急凍蜆肉算啦.  其實唔使一定係蜆, 什錦海鮮都得, 咪即係周打海鮮湯, 周打魚湯....

材料: 蜆肉, 薯仔兩個切粒, 紅蘿蔔半個切粒, 洋蔥半個切粒, 雞湯1000 ml, 牛奶300 ml, 麵粉50g, 蒜蓉, 牛油 (用嚟起鍋炒的洋蔥)

紅蘿蔔半個切粒, 洋蔥半個切粒.   哈哈, 但係的薯仔切粒後浸著就唔記得影

用個Staub 落牛油中慢火炒的洋蔥, 加蒜蓉, 跟著加的麵粉落去

  其實我好怕的湯糊所以加時我都係就著就著.

跟著就加上湯, 再加奶, 薯仔, 紅蘿蔔, 加鹽, 胡椒炒調味, 再加少少香草....大約煮15分鐘 (的著仔腍就得啦). 最後加蜆肉再煲一陣,  可以上檯啦.

煮時分心整緊其他野, 無時間影相, 都係上檯時先記得影.   今日用Danish Bread 嚟配麵包.   不過個Danish Bread 係用麵包機嚟整, 哈哈, 落料入麵包機, 撳個制就得. 唔使出post啦).

個湯一定好味, 因為落咗整盒一公升雞湯.   點解話要小心麵粉的份量, 因為落得麵粉多, 的湯煲耐咗會糊, 口感唔好架.

呢個湯係超飽肚, 入面有薯仔.   平時型爸唔鍾意食薯仔, 但佢好鍾意飲周打蜆湯, 出去食飯, 常叫的.

龍蝦湯 + 重量級牛扒

August 14, 2015, Friday

星期五晚, 五號屋又整西式快餐....

今日整一件重量級牛扒, 有1.2公斤, 大約45oz.   响大埔Cycon買架.  昨晚已經由冰櫃放去冷藏, 等佢响雪櫃慢慢解凍.

嗰日卒之走咗去荔枝角Ocean Three, 買咗我地覺得好好味嘅龍蝦湯 (嘻嘻, 買咗4樽, HK$130一樽, 加咗HK$2)


樽上面教1:1, 即係一樽湯加一樽Cream....嘩, 肥死咩, 我加咗一杯咋.... 最後再加的XO

 
 跟著焗埋個黑松露pizza

 

跟著整牛扒啦.   呢嚿係帶骨牛扒(帶骨部份只有那個彎位)厚過上次嗰件好多.

 

放落個煎pan, 嚿牛扒仲厚過個煎pan

 

每邊煎分半鐘 

220度預熱焗爐.   焗20分鐘

呢個時候先食頭盤餐湯

美味的龍蝦湯配黑松露pizza

但今日嚿牛扒大厚, 焗20分鐘太生啦.

 

 End cut 都仲可以, 粉紅色

 

但睇吓呢嚿中間太生啦.

屋企食嘅好處就係太生咪切開落鑊煎一煎囉.

呢嚿牛扒好有牛味, 比上次响觀塘買嗰嚿梗好味.

今次45oz, 兩位牛魔王都話好夠啦. 有多唔緊要, 仲有隻流緊口水嘅Loki, 等著我地比的佢食呀!

脆皮豬手+ 雜菜湯

May 6, 2014, Tuesday, 佛誕假期

上次超市特價, 買咗幾隻鹹豬手都未整, 今日的起心肝整咗佢.

腦中諗咗好幾個方法去煮, 最終都係用個簡易法

豬手解凍先汆水, 本來諗著用高速煲炆20分鐘, 係係炆完的水唔會要.  隻豬手會唔會無哂味呢.  最終都係唔好嘥, 用嚟煲湯.

 

用西芹, 蕃茄, 紅蘿蔔, 洋蔥, 三色椒加椰菜(好肉煲羅宋湯咁)

但我無落茄膏呀, 我只係想煲雜菜湯咋.

無咗大約45分鐘, 我將隻豬手撈起 (唔想煲太耐, 我驚隻豬手無哂味呀!)

用呢款黑啤

 

將隻豬手放落去浸

反轉又浸吓

跟著放入Philips Airfryer 200度, 焗30分鐘.   當中, 久唔久攞出嚟, 加的黑啤落去. 

焗起就係咁啦 (哈哈, 加咗幾塊印尼蝦片伴碟, 睇落靚的麻)

切開幾件就得啦.

人面的肉味仲有少少鹹, 都算啱啱好.  但型爸話整個汁就會好的, 無野點嚟食, 差咁的喎.

其實我心中諗咗啦, 我下次用焗爐焗到脆皮, 跟著整個黑椒洋蔥汁 (好似上次去大中華食咁, 用鐵板上仲正)

第一次嘗試, 係咁上下啦!

法式洋蔥湯

2013年7月16日下午2:02公開累積瀏覽 293 0

July 13, 2013, Saturday

今早買了沙律菜, 中午食了, 晚餐又可以食....嘅然食沙律, 咁今晚嗰餐都係食西式啦.

突然間想飲西湯, 羅宋湯又唔夠時間煲, 又唔想飲礶頭湯,  見鬼嫁煲嘅法式洋蔥湯好似好好味咁, 等我又跟吓先.

我驚二公子唔鍾意大濃的洋蔥味, 沒有完全跟足鬼嫁的份量, 她煮的是二人份, 我要煮三至四人份呢.

材料: 洋蔥  2個, 牛湯粒  4粒, 水`1000ml, 牛油15g, 法包 3片, Mozzarella 碎芝士 適量.


先預備牛油,  將法包放入焗爐先焗脆


洋花切條狀


用牛油用慢火幾洋蔥炒至軟身 (大約十幾分鍾至半透明)


牛湯粒先用水開溶, 再加落洋蔥煲滾, 轉中小火.   我無跟鬼嫁煲45分鍾咁耐呀, 我諗我大概煲了30分鍾, 試味, 覺得啱口味, 加入黑胡椒同海鹽

用湯碗盛好, 先加入一湯匙碎芝士在湯裡, 放上已焗脆的法包, 再加一湯匙碎芝士在包面

 

預熱焗爐200c, 放入去焗3-4分鐘至芝士溶

咁就得啦....我隻碗太大, 的麵包浸耐咗有的腍, 但仲有的脆, 都好味架.

我只落了兩個洋蔥, 亦無煲得太濃, 我加多咗黑胡椒, 的湯有的辣辣地, 兩仔爺都話ok喎...... 不過我知道, 佢地最鍾意都係飲忌廉蘑菇湯呢!

羅宋湯

2012年10月4日下午3:14公開累積瀏覽 279 2

October 2, 2012, 國慶假期

我好喜歡飲羅宋湯, 平時去餐廳, 問我要白湯定紅湯, 通常我都係揀紅湯, 即係羅宋湯.  但我家三位男士, 都愛白湯, 所以在家中, 通常都會整白湯, 白汁... 再加上煲羅宋湯, 通常一煲就會煲一大煲, 可能要飲兩三日先飲得哂, 所以都比較少煲.  但係我今日食西餐, 好想煲呢個湯, 咁咪煲囉.

材料：牛肋條,蕃茄, 椰菜, 紅蘿蔔, 洋蔥, 西芹, 黑椒粒, 香葉 (如果喜歡的話可以加埋3色椒)
調味： 鹽, 茄膏1小罐

 

將所有蔬菜類切粒或切件

牛肋條汆水切件, 在鍋中爆香, 加水煮至腍

跟著再加入所有蔬菜類加入, 煲一至兩小時至腍

到最後才加茄膏.....的顏色即刻變得好靚

最後再加鹽調味....呢個湯好正呀!  型爸話煲得夠濃好味呀!