2018年1月19日 星期五

Cook House - 粉嶺

January 13, 2018, Saturday night

今日林老闆約我同型爸去食西餐, 型爸梗係一口應承, 哈哈, 佢最鐘意同朋友出去飲飲食食.
林老闆佢地話新漢記隔離嗰間, 咁我地以為係 Pezzi Bistro, 點知原來唔係, 係另一間.

Cook House 呀!   其實我地都嚟過, 呢間响新漢記左邊, 而Pezzi Bistro喺新漢記右邊.

林老闆已經嚟呢道食到好熟, 仲請埋兩位年輕老闆飲Whisky.   咁叫咩就由佢發辦啦.

凍凍地每人叫個湯...蘑菇湯, 一睇堅邪惡...用cream嚟拉花...一的好味

麵包醮的橄欖油嚟食, 都ok架.

薯蓉焗田螺, 呢個一般啦.

青口, 一般

炸雞翼, 林小弟至愛, 我就唔like啦, 單骨雞翼炸到咁, 即係食炸粉

 
Grill 魷魚, ok喎.

餐廳今日推慢煮燒雞, 都整得幾好. 的肉唔嚡.

呢份今日最重磅, 斧頭扒, 呢客好似要HK$688

餐廳送了甜品, 樹頭蛋糕

另一客心太軟及雪糕給林小弟的

呢餐食咗幾多錢唔知呀, 因為林老闆爭著埋單, 又唔係我地比番自己嗰份.

食到差不多, 又收到組長電話, 叫我地去佢屋企打邊爐....型爸又一口應承, 佢話唔食都一齊去飲吓酒.

結果食完西餐又去打邊爐.... 雖然只係食少少, 個胃都好唔得閒呀!

2018年1月17日 星期三

上水蛇王兄

January 12, 2018, Friday

今日Cindy生日放假去玩, 晚餐我同型爸出去食.

當大家話今晚食咩好呢!  嘻嘻, 二口同聲話食蛇羹.  天寒地凍, 食蛇羹暖暖胃就最好啦.

開車去到上水蛇王兄....嘩, 的蛇羹套餐加哂價呀!
唔食蛇羹食蛇汁雞飯都可以嘅, 但我地唔會啦.

型爸要了一個B餐, 入面有大蛇羹, 細糯米飯. 加HK$6, 蛇湯改龜苓湯

本來我諗著叫一碗細蛇羹, 咁叫型爸分的糯米飯比我, 但型爸好似好好胃口, 我就叫一個A餐, 的糯米飯食唔哂就包起啦.

今日的蛇羹都ok, 但個糯米飯就唔係幾掂, 無味及潤腸.臘腸都唔係幾得.

牆上貼咗可以預訂蛇宴, HK$4,388一圍, 咁又唔貴.  但唔知的野整得好唔好食呢!

返到屋企, Cindy仲未返, 梗係玩得好開心.   差不多九點先返到, 見佢買咗外賣....原來兩盒外賣係佢想買返嚟比我地食, 巴基斯坦羊肉飯...哈哈, 真有我地心, 我地食飽啦, 留番明天先食啦.

其實我都好有Cindy心, 除咗今天一早佢出門前比咗封利是佢, 放工仲即刻去買個蛋糕.

Cindy見到個蛋糕, 開心到不得了, 馬上影相比佢的仔好睇呀!

其實僱傭關係都係你氹吓我, 我氹吓係咁啦, 住埋同一屋簷下, 最緊要大家開開心心.



2018年1月15日 星期一

尖東彩晶軒

January 8, 2017, Monday

一月是公司最忙的日子, 好多外國客來開會.  呢個月份如果唔忙就真係頭痕呀!

其中一個客人邀請我地幾位同事今晚去參加一個Party, 21:00 to 00:00...嘩, 見到的事間真係又攰又眼瞓.   咁做到晚上七點幾, 我地三個先去食飯, 食完先去參加個party.

佢地鐘意食晚飯小菜, 我都係提議去彩間軒, 因為食過幾次都覺得唔錯.

 上次同的老友嚟, 叫過例湯覺得幾正(西洋菜生魚湯), 今日係粟米甘筍煲唐排, 一樣好得.

 咪睇的湯好清, 真係好甜, 原來落咗茅根, 馬蹄, 粟米, 甘筍, 真係好甜, 的唐排煲完湯都一樣好味.

 要了脆皮燒腩仔, 三層腩.  的皮真係脆, 正呀!

豉汁涼瓜炆班腩, 唔, 呢款鹹咗的.   呀! 上次片皮鴨兩隻, 要了涼瓜炆鴨殼都係好鹹, 都係要叫的部長通知吓廚房先至得啦.

 另外要了椰汁南瓜炆芋頭, 呢個好好味呀!

 三餸一湯, 好夠呀!

 仲有甜品送, 個紅豆湯都唔錯呀!

埋單HK$540, 哈哈, 我有呢的現金卷, 滿HK$200 可減一張, 即係可以減HK$100.   即係實付HK$440...哼哼, 入老闆數啦.

跟著就去個Party...逗留一小時就走啦, 咁夜第二天仲要返工呀!

呢排時時都幫襯彩晶軒呀!  第二天又同另外一個客人, 一team人去飲茶

 第一時間訂咗片皮鴨兩食

仲有一大堆點點心同粉麵飯, 12個人先食咗HK$1560, 一的都唔貴呀!   我上次已經教咗個外國客咩野叫做"有大食大", 佢知道要埋單呢!

2018年1月14日 星期日

銀芽韮王豉油皇炒麵 + 龍疐頭腩鯇魚腩粥

January 1, 2018, Monday

新的一年新的開始, 的感冒仲未好得哂, 無理由新年第一天又食白粥架.    哈哈, 唔食白粥咪加的料煲粥, 炒碟豉油皇炒麵咪得囉.

買咗銀芽 & 韮王

浸咗一包全蛋麵....唔, 呢隻麵浸起太腍身, 用嚟炒腍咗的, 不過都無辦法

用咗一湯匙老抽, 三湯匙生抽, 加咗少少糖

蒜蓉起鑊

先炒的銀芽韮王

跟著落麵加豉油, 的都好軟, 要用筷子挑了好耐先可挑鬆

雖然麵身都係有的諗, 但炒起都算唔錯啦.

至於碗粥就簡單粒.  先用萬能煲個稠的白粥,   跟著將的粥放入小煲, 加的熱滾水再滾的粥, 咁就可以控制個稀稠度, 又可以滾起煮熟的魚.

本來只係鯇魚腩, 點知去超市買野, 魚檔係咁叫我買龍疐頭腩, 仲話任我揀, 哈哈咁優待, 買咗一百元.   落咗兩款魚, 的粥鮮甜好味呀!

呢份係我地嘅元旦晚餐....哈哈, 都算豐衣足食啦
 

2018年1月13日 星期六

Soft & Crispy Taco

Dec 31, 2017, Sunday

有朋友從加拿大回來, 買咗兩盒Taco 比我.

呢盒係Soft


即係入面有12塊呢的細細塊嘅 Tortillas


仲有一包Salsa Sauce 同埋一包Taco Seasoning Mix

盒底就教點樣整.

的soft Taco就用錫紙包著放入焗爐, 180度焗15分鐘.
  
呢包就係Taco seasoning mix

屋企無碎牛肉, 但有碎豬肉, 咁就用碎豬肉.   用咗一個洋蔥, 一個蓄茄切碎, 炒香後加入碎豬肉, 再加入Taco Seasoning Mix, 再加Salsa Sauce.

煮好啦...食嗰時先記得, 無加芝士呀!

將的肉碎放落塊Tortilla
一捲起就食得..  的肉碎都幾好味, 好濃麥西哥香料味, 微辣,   不過塊Tortilla就麻麻, 比較薄, 一捲起就有的爛.

第二日, 即刻整埋另外嗰盒

呢盒都係Taco

面都係有一包Salsa 醬, 一包 Taco Seasoning mix
  

今次唔係 Tortilla, 係呢款用粟米片脆身的. 要放入焗爐焗5分鐘就可以

 
今次買咗碎牛肉

覺得可以多的蔬菜, 落咗兩個切碎洋蔥, 兩個切碎蓄茄
 
加入Taco Seasoning Mix 及Salsa Sauce
 

今日記得加碎芝士啦.
 
煮好一大碗牛肉....好味!
 

將的牛肉加落個Crispy 栗米餅...攪掂

今天飲品, 麥精維他奶 (唔知買咩野送的)...  型爸二公子食得很開心呢!

不過我係咁意食一件啦, 呢兩日感冒, 都係食白粥為主, 好番的都唔敢放肆,