2017年4月24日 星期一

復活節聚餐

April 14, 2017, Easter Friday

今日聚餐, 六點半開始happy hour, 大家先來snack time

八號部屋的日本小吃, 烏魚子, 德國腸及沙樂美腸

林家的台灣香腸配蒜片

主人家的越南豬肉凍

咁當然仲有五號屋的燻蹄及燒雞潤啦.

另外一家新鄰居買咗魚生.....哈哈, 淨係食小食都飽啦.

開咗四枝紅酒, 型爸同林老闆就飲威士忌.

八點就食正餐...越南餐

知唔知呢的係咩?  係越南米糕嚟架.

食時要加魚露及椰醬, 好好味呀!

仲有春卷, 好正宗架, 所有配菜都齊

主打就係呢碗牛河, 個湯底正到不得了, 主人家用牛骨淆了七小時...好好味呀!

主菜唔使多, 精就得啦.  個個食到捧著個肚.

最反仲有林家整的什果沙律, 我帶來了菠蘿, 新鄰居買了士多啤梨.

大家吃吃喝喝, 又過了一個快樂的晚上.


2017年4月23日 星期日

玫瑰露燒雞潤

April 14, 2017, Easter Friday

今天除咗整燻蹄做小食, 再整多一款...我覺得真係好魔鬼, 非常好味但膽固醇高, 最好就係開party做小食, 每一嚿半嚿就"無傷肝"

 
呢! 就係呢的雞潤啦.   我好鍾意食燒雞潤, 但又唔敢食咁多, 自己整, 過吓口癮.

初時買咗十副雞潤, 型爸話每人一嚿都無, 咁又再買多十副, 總共二十.

要整就好簡單, 好似醃义燒一樣, 都係落义燒醬海鮮醬.   而最重要係落玫瑰露, 真係香好多架.

唔知點解, 未李錦記的义燒醬稀咗好多

220度焗20分鐘, 10分鐘時我張雞肝翻過一次.

焗好攞出嚟掃上蜜糖再焗三分鐘.   攪掂!

可能的醬稀,咗 焗好同我上次焗的有的唔同, 幸好味道都幾好.   佢地都話好味呀!   不過我都嗰句, 一嚿起兩嚿止, 解舛饞就算啦.

2017年4月22日 星期六

燻蹄

April 14, 2017, Easter Friday

復活節我地屋苑幾家鄰居又有聚餐,主人家要求我地只需預備送酒小食, 又要諗吓整咩野.

上次超市減價買咗兩隻鹹豬手, 今日就用佢嚟整燻蹄.

先跑活水

我在藥材鋪買了一包滷水料, 覺得味道太濃, 留番嚟下次滷其他肉

今次只落了花椒, 八角, 香葉, 甘草, 薑片, 先煲滷水

豬手洗淨去埋的毛

放落萬能煲

跟開將的滷水加入煲內

再加一湯匙鹽

兩湯匙魚露及一小粒冰糖

按筋腩製

大半小時後, 豬手已經炆腍

取出後就由爆開的地方切開

取出大骨

跟著再切成兩半, 將豬手尖頭倒腳的合在一起.  咁的肉就會分佈均勻

趁熱時用保鮮紙扎成圓柱型. 縱橫都扎, 咁就會好實淨, 豬手仲係熱, 呢個時候可以整靚的個形狀.

跟著就用冰急凍

跟著用紅蘿蔔蓉, 蒜蓉, 辣椒, 檸檬汁, 醋, 糖, 及水整個汁

睇吓我嚿肉扎得幾靚

切片

用個靚靚碟盛著連汁....掂呀!

型爸即時試味, 佢話very good呀!

2017年4月21日 星期五

So Grill

April 13, 2017, Thursday night

今日放工寧舍開心, 連續四天復活假期開始.....yeah!

星期四Cindy放假, 又係我地外出食晚飯的日子.   上次去So Grill食個雞煲真係唔得, 今次我地再嚟比次機會佢, 食燒肉.  個店名叫So Grill, 咁食Grill 應該無問題啦.

 
嚟到好多選擇, 型爸好想食放題, 但我, 二公子及佢女朋友都話唔想食放題, 我地話叫個普通燒肉餐就可以.   型爸好失望, 佢話不如試吓個魚鍋....唉, 型爸, 係又攪的咁野, 咁即係點呀!

哼哼, 又要遷就型爸, 又要親遷就二公子, 唯有分開檯坐.

佢兩個坐隔離檯, 要了兩份韓日燒烤定食, 份量都幾多

每人仲有餐湯, 見佢地燒得咁滋味, 我都想食呀!

但為了型爸, 我陪佢食魚鍋.  本來係咩野草魚, 型爸話多骨, 叫佢改用鯇魚, 點知嚟咗條鯇魚尾, 仲只得半條......型爸你死心未, 都叫唔好再响呢道食火鍋架啦.

咁唔好浪費食物都要食架, 最後加多一個烏冬, 我地食完就算, 個湯底唔得, 唔想叫其他野打邊爐呀!

二公子張檯埋單HK$131, 超抵食.  我地張檯HK$108, 好平但唔好食.

我同型爸食唔飽都唔緊要啦, 因為要去食甜品.  養和堂龜苓膏當甜品.  五月一日加價, 我地又買咗HK$540套票, 咁就有排食啦.