2013年12月31日 星期二

Christmas Day & Boxing Day

December 25, 2013, Christmas Day

昨晚燒炸好開心, 今日大家都無預定節目, 下午出外散步時, 與幾家人相遇, 八號屋男主人邀請我們到他家來個Happy hour, 哈哈, 大家又聚在一起

 每人都帶點小食, 跟著就變得好豐富


不過呢枝唔係攞出嚟飲,女主人覺得好靚好特別, 收藏了幾年, 唔係酒, 收藏咗幾年都唔敢比人飲.

女主人自家製薯片

 林老闆從潮州刪帶來的生哂蝦干...送酒好好味呀!
 
我帶了從寧波帶回來的酒贊子.

大家都無諗著可以一齊食晚飯, 陶媽突然話包餃子, 叫大家一起食.   今早幾位鄰居女主人去了對面的農村買了新鮮菜(其實佢地有打電話叫我一齊去, 但天氣咁冷, 五號屋唔想去呢!). 陶媽買了幾斤芹菜, 今日包芹菜豬肉餃.

哈哈, 有得吃, 大家當然高興啦....大家由八號屋去了十號屋. 

陶媽包了一百五十隻餃子, 足夠我們吃了.

有煎餃
亦有湯餃

的餃子十分美味, 菜同肉的比例大概是80%菜, 20%肉.  平時我的份量大概是50/50, 或60/40.  原來將菜的比例增多, 更加美味.  再加上凡芹菜今天新鮮由菜田割下來, 新鮮包好來食, 當然比包好再冰鮮更好味啦.

陶媽今日收到好多個like呀!

食完我地又轉移陣地, 繼續我地未完的happy hour.

但食物已經變成甜品, 美味的Godiva 朱古力及餅干.

又一個開心快樂的晚上.  

哈哈, 開心的時間, 在假期中繼續延伸....
____________________________________________________________________
December 26, 2013, Boxing Day

今年聖誕節無攪聖誕大餐, 因為Mrs. Kua的family家有喜事, 兄弟姊妹從各國回來, 已經令她忙到透不到氣來, 這幾天病到了, 要睡床幾天, 今天收到她的message, 她好了很多, 還多謝我地Christmas Day照顧Mr. Kua....哈哈, 邊係照顧, 我地只係一齊飲飲食食之麻.

這幾天吃了那麼多, 下午又同型爸出外吃蛇羹, 晚上同型爸都只係喝湯食蒸菜. 怎知晚上八點幾, 八號部屋又叫我們去飲番杯, 要我們幫手吃點小吃.

他們剛招呼完朋友, 他們的朋友帶來了很多黑毛豬火腿.  還有這個特製的烘熱火腿碟子.
這個碟子好像一個小山一樣, 用時先放入焗爐預熱, 跟著中間放上小蠟燭.   烘熱了一點的黑毛豬火腿, 有點油香, 好好味呀!

還有芝士
呢款麵包, 平平無奇, 但外脆內軟, 又吃了幾塊.


最後又到甜品時刻

這款朱古力有不同味道, 非常漂亮.   還有小册子說明.   我們又幫忙吃了一大半. 

今晚不可以太夜,明天要上班呢.

開開心心, 飲飲食食又過了三天假期.


2013年12月30日 星期一

平安夜, 燒烤夜

December 24, 2013, 平安夜

我的老闆真係好, 十二月二十四日放我們一整天假, 加埋二十五同二十六兩天, 足足三天連續假期.  有些同事攞埋二十三或/同二十七, 可連放九天.  但五號屋好多事要忙, 前一排又出差又放假, 所以都係乖乖放三天假就算啦.  好好啦, 返一天, 放三天, 再返一天又放兩天.   哈哈, 十二月真係好.

這個聖誕假期十分平安, 我們的節目主要都係飲飲食食, 都在屋苑內舉行, 唔需出外同人迫呀!

平安夜, 燒烤夜, 晚上燒烤派對在十五號屋舉行.  主人家兩年前聖誕日搬來, 今年是兩週年, 我地幫佢地慶祝兩週年快樂兼倒數.  哈哈, 我地呢的鄰居去邊道搵呀!

 
梁九記點解會咁好生意, 我地住我咁遠, 的鄰居都開車去買嚟燒烤

仲有一大埋腸類, 菇類, 不過燒韮菜都係第一次, 佢家二公子話見過人燒, 今晚佢要試吓.

肥美帶子, 仲有魚

哈哈, 五號屋繼續我的不勞而獲

唔知點解呢個屋苑的人咁鍾意食蕃薯, 非常好銷量, 我唔止食, 仲要拎, 因為Loki都好鍾意食架.

大量汽水飲品.

而家鄰居門都去了上水某間店舖, 一箱箱的買回來, 價錢比超市平好多, 睇嚟我都要入番的貨, 三十一號會到我家開除夕派對呀!

要介紹吓呢隻小狗, 主人家剛收養.  我們幾家人送了好多養狗用品, 鼓勵主人家收養,  Milk Milk現在好幸福, 主人家好錫佢呢.   但Milk Milk見到陶陶及林小B就驚, 怕咗兩個百厭星.

五號屋例牌贊助....腐竹雞蛋糖水

其實燒烤食野唔多,一兩件肉就已經好夠, 再加件蕃薯就夠哂數.

 
唔止我地happy, 睇吓我地的工人姊姊, 佢地一樣咁happy呀!

我地真係陪伴主人家過了十二點先散band呀!


2013年12月29日 星期日

Christmas Eve Lunch

December 24, 2013, Tuesday

昨天上了一天班, 忙到頭都暈, 但今天有補償, 老闆今天給我們特別一天假期, 可以連放三天, 特別開心.  好多同事23號或27號都請假, 但我之前又去旅行又出差, 太多事情要做, 乖乖返工啦.

今天是聖誕前夕, 午餐整西式好似比較應節...哈哈, 不過都是超簡單的意大利粉

先煮好青醬意粉

哥哥留給我的阿拉斯加蟹腳, 當天吃不下, 留待今天才吃.

我整意粉時, 型爸幫忙將蟹肉弄出來


跟著就是不用煮的風乾牛肉及巴馬火腿

  
非常簡單呢!

 
今天天氣很冷, 這杯加熱了的麥香大豆鈣思寶, 很有兒時飲麥精維他奶的感覺

簡簡單單又一份美味的午餐.

2013年12月28日 星期六

冬至大閘蟹晚餐

December 22, 2013, Sunday Night, 冬至

昨天型爸出差回來, 帶回了一箱大閘蟹, 足足有十八隻.   昨天仍是懶洋洋, 不想動手, 再者這麼多隻蟹, 跟本吃不了那麼多, 如果叫鄰居一起吃, 我有無時間煮其他的餸菜.   最後決定, 帶回奶奶家做節, 大家一起吃, 開心得多.

我一次過蒸了十八隻

的蟹好靚呀! 隻隻都好肥美,  型爸的客人從江蘇寄過來的.

睇吓的母蟹羔

公蟹的白羔一樣多, 十分鮮甜, 那些白羔, 人間極品呢!

家人大都喜歡吃大閘蟹, 只有部份怕麻煩或皮膚敏感不敢吃.   對於喜歡吃的, 大家都十分開心, 意外的驚喜.  因為奶奶每次的餸都差不多, 今次加了大閘蟹, 有新鮮感呢.

五號屋好忙呀, 又要蒸蟹又要食蟹, 還好在家已預先調好薑汁鎮江糖醋, 省了點時間.

食完又要整飲品.  上次整過用vodka 整的檸檬特飲, 他們都十分喜歡, 今次再整.

呢枝Vodka, 在韓國機場免稅店買的, 好香果味呀!

切了三個檸檬

加了青檸汁, 整了兩jar, 一jar有Vodka, 另一jar無酒精, 咁小朋友都可以飲.

 
 好香好味呢!

食了大閘蟹, 今次無二十四碟, 不過都有二十碟.

食完五號屋又要開工, 他們指定要吃豆腐花, 好快整好.  跟著要焗三十分鐘.  平時整兩煲要四枝豆漿, 但姑奶忘記了, 只買了兩枝豆漿, 那只可以整一煲呢.

今日仲有蛋糕食呀, 有小朋友生日, 佢自己選了美心的魔鬼蛋糕

每人食少少啦(其實好飽啦)

食完個碗要保留, 大家等著食豆腐花呀!   今次好珍貴, 只有一鍋, 每人只有一勺...

哈哈, 咁樣搶搶下, 大家食得更開心呢.   的豆腐花真係好滑.

食完我要去哥哥家, 他家又是今天做節, 有阿拉斯加蟹, 他說留番幾隻蟹腳比我呀! 



2013年12月27日 星期五

蒜香芝士火腿雞肉腸通心粉

December 22, 2013, Sunday afternoon

出差回來, 昨天整天待在家中, 什麼地方都不想去.  只想好好的休息一下.

回到家, 睡在自己的床, 特別舒適亦睡得很好, 星期五六, 連續兩晚, 睡個飽.

星期天, 要活動一下了.   同型爸Loki一齊出去行吓.   返嚟就整個簡單的午餐.

 
上星天去超市買了兩款新的金寶湯醬汁系列, 今天兩款一起用, 混合用來做湯底.

呢款在759阿信屋買的通心粉

配料用這款在佳寶買的雞肉火腿腸

只需煮7分鐘再焗5分鐘

煮了一整包, 二公子仍未起床, 留起三份一給二公子. 他昨晚通宵更, 不要吵醒他.

兩款湯混合加水煮滾試味,  味道真的不錯. 加上切絲的火腿雞肉腸.

今天我和型爸的簡單午餐, 加上黑胡椒粉, 好好味呢!