薩莉亞意式餐廳 + 狂野時速8

April 19, 2017, Wednesday

今日放工, 好準時就走, 要飛車返屋企, 嘻嘻....阿仔約我地食飯睇戲呀!   真係好難得架, 佢拍拖都叫埋我地, 訂埋戲票睇19:45.

我地去到粉嶺逸峰都只係19:00, 仲有時間食晚飯

去到薩莉亞, 有位, 即坐.  (真係好旺場, 不斷有客入)

每人叩一客湯, 只係HK$10一客

辣味雞翼

烤德國腸

烤芝士包HK$12 一客要了兩客

水牛芝士 pizza

卡邦尼意粉

呢道的價錢真係大眾化, 唔怪我之咁多人幫襯

食完時間剛剛好可以入場, 今日睇狂野時速 8.   有得選擇都會睇2D, 我睇3D好頭暈架.

的坐位都唔錯, 我地算早入場, 今晚又滿座呀!

麥皮魚腩粥

April 17, 2017, Monday

放幾日假期都好地地, 昨晚燒烤都無食咩, 唔知點解一起身就胃痛, 痛到行又唔係坐又唔係.  Cindy今日放假 (緬甸新年) , 我地本來預備簡單的玉米片早餐, 但我胃痛唔想飲凍奶, 都係飲杯熱咖啡加片多士, 暖吓個胃.
 
下午型爸話出去買粥比我食, 但我怕出面的粥太好味. 叫型爸同二公子出去食, 返嚟買個魚腩, 我煲麥皮魚腩粥.

用即食麥片, 夠快呀!

用了一比四的比例, 煲好的麥皮, 再焗一陣


 
 型爸買咗魚腩返嚟, 切咗上半個魚腩放落的麥皮煮熟就食得啦.


淨番一半魚腩, 夠我今晚再食多一餐.

個胃頂著, 足足兩三天, 日日食胃藥胃散....呢個咩咩菌千祈唔好番嚟搵我呀!

復活節燒烤

April 16, 2017, Sunday

行完梧桐寨瀑布, 真係攰到腳軟.  回到家收要組長Whatsapp, 蛇出沒, 收拾了.   真好彩, 晚上會在組長家BBQ, 如果走條蛇出嚟就嚇死啦.

真係好配服組長, 行咗三個幾鐘, 個個攰, 但係佢就一樣咁精力充沛, 仲為我地嘅復活節燒烤張羅, 真係辛苦哂 (我地攰到攤响張床唔願郁, 真係慚愧).

組長最拿手係醃雞翼, 全翼中翼, 樣樣齊全

今日仲有牛柳粒同黑毛豬

西班牙黑毛豬腸, 鱔, 魚蛋, 肉眼, 西冷扒, 羊扒雪魚樣樣有 (show出嚟唔算多, 响發流膠盒未鮮凍嘅仲有好多)

勁大飲品雪櫃

各自仲有了的小食嚟, 最受歡迎係新組員整嘅柚子沙律

派的男士去燒烤

我就坐响道不勞而獲, 最美味係的印尼蕃茄薯, 好甜好味, 但三十幾文一磅呀!

五號屋就煲咗又漲又滑嘅腐竹薏米銀杏糖水 (樹記的腐竹真係掂呀!)

梧桐寨瀑布

April 16, 2017, Sunday

上星期組長已經預告, 我地今個星期行梧桐寨瀑布.  有兩位組員請假, 但又有兩位新鄰居加入, 都有九個人成行.

行梧桐寨, 心中有的壓力, 因為呢條路有的難行亦都幾索氣.   但係唔知點解次次嚟行都咁多人行.  小朋友老人家外藉人士, 真係咩人都有.

萬德苑係必經之路

由泊車的地方行到呢處起點, 都要二十分鐘

一開始就要上山

如果唔想行由瀑布上, 亦可以由大帽山上, 瀑布落

先到井底瀑

再10鐘就到中瀑

今日的水量少, 瀑布唔係好靚.   最開心見到呢隻Husky, 佢叫阿Jack, 已經11歲啦.

由中瀑行去主瀑呢段路最難行, 又斜又高又窄, 只係二三十分鐘路程, 真係好索條.

到主瀑啦...今日有的失望, 水量少, 瀑布好似水柱咁.   如果要去行第四個瀑布, 就要行過的石到對面, 上散髮瀑.

我地唔行散髮瀑啦.  上次行覺得曾經山泥傾瀉那段有危險, 散髮瀑又唔靚, 唔行啦.

回程時真誇張, 唔知咩野人攪的旅行團 (佢地話有七十幾人), 的山路好窄, 根本唔夠兩人上落行, 一的人上一的人落, 大家都要工相閃避.

落到山啦....腳仔都軟埋.

由呢道返回泊車處, 起碼都要25分鐘.  今日共行了三個半小時, 大家都好攰呀!

今晚組長攪燒烤party, 我地下午去樂斯食碗麵算啦.

Sky 726 Kitchen & Bar

April 15, 2017, Saturday

食完早餐收到姪女whatsapp, 從韓國回來, 買到手錶啦.

農曆年後我地一齊去 韓國, 型爸買咗隻Samsung smart watch, 林老闆見到又想買一隻, 咁我地就叫姪女幫忙啦...

姪女幫了忙, 梗係要請佢high tea 啦.

相就姪女, 佢提議去Sky726, 近佢鋪頭呀!   我地去邊都無所謂, 約人high tea已經係一個節目.

彌敦道726號25樓, 最高層, 坐近窗望哂附近樓景

Afternoon tea 有幾款選擇

我地要了一份 tea set for two, 再加一份Sandwiches for 2.  留意右下角, facebook share & like 有20% discount.

tea set嚟到好靚呀!

最下層係鹹點三文治, 中層有鬆餅及馬卡龍, 而最上層係甜品

另外叫的sandwiches for two 即等於tea set第三層的鹹點.   哈哈, 我真係唔覺得呢份sandwiches for two 夠兩人食囉.

細姪女做緊生意行唔開, 我地三個人食就啱啱好.

tea set 包兩杯飲品, 咁佢地飲啦.

我就要試吓呢個水晶球似的甜品, 入面係真花嚟架.

配糖醬一齊食.

discount 後HK$439, HK$110一位, ok 啦.

唔該哂姪女, 亦多謝佢介紹我地呢個high tea地方.