2017年4月11日 星期二

純 - 海鮮和牛燒肉

April 5, 2017, Wednesday

型爸今日出開來做野約我食午飯, 之前同佢去過幾次原之味, 今次同佢去純食啦.

 上次想同佢嚟, 點知walk in 無位.   但今日型爸十二點已經到咗, 佢係第一位客人呀!

 我邊有咁早出去食午飯, 佢就發張照片過嚟...唔好意思, 食先啦....佢叫咗生魷魚及枝豆送啤酒, 真懂享受呀!

 
佢早到, 咁我都提早15分鐘去匯合佢啦.  去到問佢叫咩, 佢話就要呢款純特吃午餐....好豐富呀!

 先上沙律前菜

 主菜有三款海鮮, 和牛及豬腩片

 白飯及湯都上啦.  呢道的白飯好味架, 不過今天略嫌腍咗的, 似壽司飯

 初時諗著慢慢燒, 先燒一樣

但個爐的火有的慢, 都係一次過放多幾樣.  不過的海鮮一般


 燒完海鮮先燒和牛, 最後係豬腩片.   豬腩片唔可以咁早燒, 唔係一出油, 個網面會黑哂. 和牛及豬腩片都好好味. 

 最後仲有一杯飲品, 要了蒸餾架啡.

食完埋單幾多錢我唔知呀!  因為一陣要見客我要走先....多謝我家主人請食飯...hehehehe..


沒有留言:

張貼留言