蔬菜天婦羅

April 4, 2017, Tuesday

今日係兒童節又係清明假期, 但家裡無兒童(那兩隻寶貝狗天天都係兒童節), 早兩三個星期又提早去拜山, 今天除了要帶狗狗去沖涼之外, 就無其他野做, 咁又搵的野嚟攪攪先.

同Cindy講, 今日我要整蔬菜天婦羅,  攞咗四款蔬菜出嚟 (木薯, 蕃薯, 茄子&青椒), 叫佢幫我切一片片.  剛啱Pet shop打電話嚟, 通知可以去接Loki返嚟, 咁我梗係出去接狗狗返嚟先啦.

一返到嚟, 就見到呢個場面....呆咗, 做咩將的木薯同蕃薯切哂條嘅?   我唔係整蘿蔔糕呀!!!!!

再睇吓的茄子, 一半已經切條, 我即刻叫停, 的青椒仲未開始切...

跟著我就開始笑到眼淚水都出埋, Cindy就驚到想哭...

唉, 唔切都切咗啦, 咪諗吓點整囉, not the end of the world, 又唔會嘥嘅.

先整個炸粉先啦, 我本來話用薯粉加麵粉, Cindy話提議用麵粉+米粉+粟粉....又得啫.  個比例係麵粉50% + 粘米粉30%  + 鷹粟炒20%, 拌勻, 再勺量加水成粉漿

首先將的蕃薯條瀝乾, 加入粉漿

沾咗粉漿, 幾條夾在一起炸, 咁咪得囉

炸起好香口....突然有個感覺, 整多份炸魚就正啦....

的木薯同蕃薯一條條,  的茄子同青椒就一片片.   哈哈, 如果全部都係一片片, 咁就唔使花咁多多時間.

Cindy仲整咗個羅望子汁, 酸酸辣辣幾好味 (型爸同二公子就覺得麻麻, 因為佢兩個都唔鍾意食酸野.

煮野食無一定模式, 轉吓方式一樣成功....  睇著佢兩仔野食吓一件又一件, 好快又清哂!

其實仲可以用鮮淮山, 牛蒡, 蓮藕, 薯仔, 洋蔥....全部都可以整蔬菜天婦羅呀!