五號屋的部落: 五號屋-周圍食-午餐

顯示具有 五號屋-周圍食-午餐 標籤的文章。顯示所有文章

2020年9月22日星期二

大都烤鴨午膳

August 26, 2020, Friday

因為疫情關係, 好耐都無約朋友食飯, 今日約咗做會計朋友, 有的文件要處理, 順便食餐飯啦.

去到大都烤鴨, 只有疏疏落落兩三檯人, 無辦法, 二人限聚令, 仲要每檯相隔1.5米

午市套餐有幾款選擇

另外一個餐單就無用啦, 四個, 六個, 八個....超張定人數, 犯法呀! 呢段時間大家都要忍耐吓.

當前菜上的時候, 朋友好興奮, 佢話嚟咗成十次, 今次係第二之有醬蘿蔔, 呢款醬蘿蔔係呢道自家製, 食落又幾好味喎! 要試吓睇吓係咪可以自己整

我們分別要了四季豆及年糕雞件.

每人一款白飯, 仲有一杯熱飲.

我好耐無食過白米飯啦(在家每天都係全糙米)....今日食番, 香滑軟熟, 好味. 糖份高就高啦.

2020年7月20日星期一

Father's Day at Crazy February

Jun 21, 2020, Sunday 父親節

母親節二公子同女朋友請我同型爸去Craze February 食午餐, 無分比此, 父親節都係嚟呢道食. 無他, 呢道的野幾好食, 錦田呢邊又方便我地, 又可以泊車.

價錢又唔貴, 七八十文一份午餐, 我地覺得唔錯.

麵包係普通方包切片, 但用香草牛油塗上麵包再烘, 食落都唔錯

蕃茄蔬菜湯都好飲

型爸要了吉列豬扒漢堡. 豬扒非常鬆軟

我仍是鍾情原條鰻魚漢堡. 咁我同型爸每人一半咁就兩款漢堡都食到.

二公子要了韓式辣腸意粉

二公子的女朋友要了雞扒意大利包

型爸要了凍朱古力

我要了熱咖啡

佢兩個要凍檸茶

呢餐埋單HK$336. 價錢適中, 唔錯.

食完回家繼續我為型爸預備的大餐.

2020年6月27日星期六

June 4, 2020, Thursday

自從疫症開始, 每天都為自己預備午餐飯盒. 今天是四個多來, 第一次約了朋友在外吃午飯.

本來大家想去半島中心德興酒家飲茶. 點知我提早去到, 原來酒家停業了一段日子, 不過門上貼上六月十日從新開業.... 還好不是結業, 希望可以捱過這寒冬.

突然間唔知去邊道食, 見到樓下Icafe 仲有位, 馬上坐入去, 即刻通知朋友改地方.

好彩我早的到咋, 如果等到我朋友嚟到就已經無哂位啦.

朋友本來要什麼意大利包餐, 點知沽清, 佢改了海南雞飯

大家都要什菜湯

而我要了黃袍原條鰻魚...又ok 喎.

我們都要了今天特飲紅棗蜜

可以約朋友出來食飯, 好開心呀, 不過每碗飯飯量多了, 食唔哂...我跟朋友都浪費了小半碗飯.

2020年6月25日星期四

冬蔭牛牛

May 31, 2020, Sunday

離開大棠郊野公園, 大家都有點攰. 組長想去大榮華飲茶, 我地無所謂. 點知去到大榮華, 幾十人在等位....唔好攪, 即走.

我地商議後, 不如去錦田, 但上星期去了紅磚屋, 咁型爸話不如去Sky City, 嗰道選擇多的.

嘩, 去到超多人, 泊位塞哂車, 咁見到有位負責安排泊位的大姐, 問邊道有位泊. 那位大姐問我地食邊一間, 我地話無所謂, 有位就得.

佢話冬蔭牛牛, 仲有一個專屬位...哈哈, 總之唔使等又有得泊位, 食咩都無所謂. 咁又真係有位泊呀!