喜壽司

2012年8月31日下午2:48公開累積瀏覽 269 1

August 30, 2012, Thursday Night

今晚同二公子型爸一齊出去食飯, 問二公子要食咩, 佢又話食日本野.

出到去, 想去食嗰間又要排隊, 咁唔想排隊, 就求其搵一間食啦.


見到呢間喜壽司, 未試過又唔使得位.


睇吓門口嘅餐牌, 唔係淨係賣壽司, 仲有好多唔同嘅野食,  咁就呢間啦.

睇吓, 原來呢道晚餐都有定食,仲好經濟.  我唔想食生冷野, 唔諗咁多, 叫澳洲雪花牛扒定食, 我想食熱野, 幾日無食過飯, 今日想食的飯呀!   兩仔爺見我唔想食生冷野, 佢地都唔要魚生啦, 跟我叫定食.

 

每人一份蟹籽沙律

我要嘅牛扒定食, 我一家食唔噹, 分咗三份一比二公子

二公子要嘅芝士焗煙肉烏冬, 加埋我分比佢嘅牛扒飯, 佢夠飽路啩.

兩仔爺口味相似, 型爸要嘅芝士海鮮焗飯. 

兩款焗飯, 烏冬, 做法好枕似, 二公子話的芝士焗得幾好味添.

 

食完每人仲有一粒雪米兹做甜品添.

 

埋單HK$173, 唔使加一.  好少可晚上食日本餐咁經濟.   二公子叫嘅芝士煙肉焗烏冬好抵食, HK$45. 佢個烏冬唔包湯, 真係啱哂佢, 因為佢唔鍾意飲麵豉湯架.

食完快的返屋企啦, 有的掛著Loki. 佢呢兩日唔知食錯的咩肚痾, 佢肚唔舒服就會去食草, 食完草又會路, 等我一日再係咁就要睇醫生啦.

Royal Garden Cocktail Party

2012年8月31日下午12:51公開累積瀏覽 220 0

August 29, 2012, Wednesday Night

今日應Royal Garden嘅邀請, 出席了他們的cocktail party.


地點响酒店嘅越南餐廳 Le Soleil

地方細細, 被邀請嘅人都唔多. 咁樣仲好, 有時佢地攪嘅party太多人, 嘈到連傾謁都聽唔到. 無位坐, 真係企到腳軟.

今次人少的, 有位坐, 感覺上好好多.   坐低先招呼我地的酒水, 無耐就serve 我地的小食


的小食非常精緻呀!

有煙三文魚, 蜜瓜火腿, 水牛芝士蕃茄


田螺酥, 蟹皇窩巴(好好味呀!)

仲有其他小食...牛柳粒, 醉雞, 水晶羊, 牛脷, 全部都唔記得影啦.   後來仲有串燒, 但我唔想食咁多肉, 唔食啦.

 

而甜品都有好多款...蛋撻, 菠蘿酥

芝士cake, 士多啤梨撻, 奇異果撻, 冰皮月餅, 蝴碟酥, 唔食都影吓相啦.

唔好睇一件一件細細件, 食吓食吓都好飽.

跟著就要做今次嚟酒店嘅目的, Hotel Tour.  酒店花了HK$240 million 裝修, 都要睇吓整成點.

不過參觀就唔方便影相, 以下嘅照片用了酒店小冊子入面嘅相.

 

酒店Club Floor Lounage, 地方都係一樣, 裝修完就煥然一新

其中一款房間, 酒店用嘅bedding 非常舒適(多年來都係用席夢思床褥, 枕頭好軟熟架. 澳洲品牌嘅床舖被袋).  電視全部換上LED TV, 呢道大部份房間嘅裝修設計顏色系列都係一樣,


我地無上頂樓參觀, 但係呢道嘅roof top swimming pool 都真係要介紹一吓, 我覺得呢一區酒店, 最靚係呢個天台泳池.

參觀完畢, 我地要走啦.


臨走時, 酒店送了點小禮品, 有小熊公仔, cap帽, USB手指.  真係多戲哂.

都係要一提, 佢地今晚serve嘅酒水小食都真係唔錯.

紫菜肉鬆包 & 芝士火腿包

Aug 30, 2012 8:57 PMPublicPageviews 297 0

August 27, 2012, Monday Night

今早出門時叫Ruby幫我整定的湯種,  我返到屋企, 雖然唔舒服, 但諗吓整麵包都好快啫, 咁就落粉落麵包機啦.  好彩有麵包機咋, 唔係搓包都無力兼無心機呀!   

上次見雀后整海苔肉鬆包, 好似好靚咁, 但我家二公子就唔係好鍾意肉鬆包, 但係今次試吓加的佢鍾意食嘅紫菜落去, 睇吓佢like唔like.

呢, 就係呢款大公子响澳門買番嚟嘅辣紫菜, 小小辣十分脆.

寫著係齋(吓, 紫菜一向都係齋嚟架啦!), NO OIL喎. 一大包入面有十包, 一包入面有兩塊

預備的肉鬆, 一塊紫菜就夠啦.

的紫菜剪碎撈落的肉鬆

湯種 : 25g高粉, 125 ml 鮮奶
材料 : 400g 高筋粉, 20g糖, 125-150ml 鮮奶, 油40g, yeast 7g, 鹽8g 

搓好嘅粉團有746g

分割了15分, 每個49-50g

做型包餡啦.

整咗6個紫菜肉鬆包, 9個芝士火腿包

入爐前掃上蛋汁

預熱焗爐180C

焗18分鍾


焗起好靚喎.

今日都整得好快, 整完就快的梳洗休息啦.

第二日翻熱個紫菜肉鬆包, 食落去的味道都ok嘅, 不過的紫菜已經唔脆, 食落無咩紫菜味, 唔知係咪落唔夠紫菜呢.  

問二公子覺得點, 佢都係例牌說話....ok 啦....都係芝士火腿或腸仔包好味的....

酵素 - 雙龍酵 & 薑酵 (龍眼+火龍果+檸檬 & 薑+檸檬)

2012年8月28日下午2:58公開累積瀏覽 1033 1

August 10th to August 25th, 2012

卒之等到今日可以出呢篇啦....兩個星期前開始, 今日有收成啦!

嘻嘻, 見人浸酵素, 我又想試吓呀!  走咗去Mommy Dearest個blog, 好詳細咁, 睇完又睇, 應該識路啩... 屋企有火龍果同龍眼, 就用呢的生果嚟試浸吓啦.


除生果外, 冰糖同檸檬係其中最主要的東西
 

包冰糖咁醜樣係因為太大嚿, 我要用布包著搥碎佢, 結果攪到個膠袋咁樣囉.
 

我慳的時間, 洗完個檸檬唔等佢風乾, 批咗的皮, 我驚有水份會發霉呀! 下次應該會連皮一齊浸.  龍眼去殼, 火意龍果去皮切件
 

跟著次序...龍眼, 火龍果, 檸檬, 冰糖一層層加上去, 整咗兩層就一樽啦.  檸檬要在生果之上, 冰糖一定要鋪在面層
 

跟著就整薑啦.  去皮切片, 的薑有的老, 我諗唔怕啩

 

又係跟著次序, 薑, 檸檬, 冰糖一層層加上去, 今次有三層, 糖又係要在最面層

 

一天後, 的糖開始溶.  兩天後, 龍眼火龍果開始有泡, 出咗好多juice, 但薑酵素的糖溶咗, 但未有咩泡

四天後, 到龍眼火龍果少咗的泡, 但薑就開始多泡

六天後, 同第四天時差唔多

跟著都唔使影啦, 因為兩款酵素都係咁上下. 


 卒之等到今日, 兩個星期啦, 個雙龍酵素可以收成啦. 睇Mommy Dearest 個blog, 只要無黑色霉菌就即係ok.

 

而薑酵素就要等多兩個星期, 打開搖吓佢, 又多的泡
 

將的雙龍酵過濾到一個乾淨嘅樽, 然後放入雪櫃.

至於的渣, 攞一粒龍眼肉食吓先....唔....唔係好難食, 有少許酒味, 不過好甜呀! 再食一嚿火龍果, 都係好甜有的酒味.

本來想將的龍眼肉同火龍果肉用blender 打成蓉, 加埋落的酵素一齊飲, 但咁甜都係要諗吓先. 

啱啱的酵素收成, 我就開始有的咳, 唔想飲凍飲, 都係雪著先, 遲的先飲.

我諗如果我日日飲3湯匙, 好快就會飲哂, 到時應該輪到的薑酵可以收成啦. 

咦! 可以再買其他生果浸另一款酵素喎.