豬腩片包飯

June 4, 2020, Thursday

呢幾個月Cindy放假之, 我都無出去食, 全部都係自己煮.

但今日要返工, 放工回家就真係有的趕, 所以就要諗吓單一又要好味的.

我地一家人最喜歡包著的野食, 今是呢個豬腩片包飯, 响疫症期間都整過好幾次啦.  只不過每次的醃料都有的不同, 上次用韓式辣醬,

今次嘅豬腩片同咗幾款香料來醃, 包括茴香粉, 孜然粉, 五香粉, 香茜粉, 蒜粉, 辣椒粉.  亦加了半個洋蔥落去炒. 

飯就簡單, 昨天叫Cindy煮多的米, 今天翻熱就得.  白米係二公子同型爸吃的.

我怕血醣高, 食五色糙米.   平時一杯米分四餐食. 

型爸喜歡魚子, 比較濃味, , 可隨佢喜歡加落去

型爸喜用生菜包飯, 佢加了魚子

二公子喜歡紫菜

再加的料落白飯,, 哈哈, 唔用紫菜包都咁好味.

我就喜歡加泡菜.

同十款豬腩片, 我們包出幾個味道來...食得飽飽

仲可以預備飯盒, 回到公司都一樣可以包嚟食.

久違了的 ICafe

June 4, 2020, Thursday

自從疫症開始, 每天都為自己預備午餐飯盒.  今天是四個多來, 第一次約了朋友在外吃午飯.

本來大家想去半島中心德興酒家飲茶.   點知我提早去到, 原來酒家停業了一段日子, 不過門上貼上六月十日從新開業....  還好不是結業, 希望可以捱過這寒冬.

突然間唔知去邊道食, 見到樓下Icafe 仲有位, 馬上坐入去, 即刻通知朋友改地方.

好彩我早的到咋, 如果等到我朋友嚟到就已經無哂位啦.

朋友本來要什麼意大利包餐, 點知沽清, 佢改了海南雞飯

大家都要什菜湯

而我要了黃袍原條鰻魚...又ok 喎.

我們都要了今天特飲紅棗蜜

可以約朋友出來食飯, 好開心呀, 不過每碗飯飯量多了,  食唔哂...我跟朋友都浪費了小半碗飯.

冬蔭牛牛

May 31, 2020, Sunday

離開大棠郊野公園, 大家都有點攰.   組長想去大榮華飲茶, 我地無所謂.   點知去到大榮華, 幾十人在等位....唔好攪, 即走.

我地商議後, 不如去錦田, 但上星期去了紅磚屋, 咁型爸話不如去Sky City, 嗰道選擇多的.

嘩, 去到超多人, 泊位塞哂車, 咁見到有位負責安排泊位的大姐, 問邊道有位泊.   那位大姐問我地食邊一間, 我地話無所謂, 有位就得.

佢話冬蔭牛牛, 仲有一個專屬位...哈哈, 總之唔使等又有得泊位, 食咩都無所謂.   咁又真係有位泊呀!

入到去冬蔭牛牛, 的午餐好經濟呀!

幾位男士一入嚟就要啤酒解渴, 呢個啤酒杯就特別的.

我們五位分吃要了午市套餐

海南雞飯

印尼蝦醬炒飯

豬扒炒麵


星洲炒米....吓, 呢碟係星洲炒米

我要的什錦湯河... 大部份的餸都ok, 但的豬扒...真係嚡到好難食.    而食豬扒炒麵的哈哥, 話只此一次, 下次不來.   求其一餐, 算啦!

其實呢間晚市之前都有嚟過, 的質量真係覺得非常一般.

大棠 - 千島湖

May 31, 2020, Sunday

自從限聚令放寬至八, 星期日天氣可以的話, 都會去行山.

一行五人去行大棠千島湖呀!

比起上次嚟睇紅葉, 今次少咗好多, 好幸運地竟然搵到一個位泊.

開始行入郊野公累啦, 路口下了鐵閘, 但閘車不閘人. 

時間尚早, 人不多

呢道係漁農自然護理署, 大棠苗圃

呢道有幾條路可行, 左手面可上大棠先然教育徑,  而我地繼續直行向大灠涌水塘方向

上次嚟, 兩邊都是紅葉

其實都不需要睇路標, 因為都只係沿品行, 看嘔標可以知方向.

行了大半個小時, 就開始上斜上石級

一轉落去就被呢隻馬吸引著

呢道有間開關帝廟呀!

裝咗香就繼續行

停不了的石級

真係要多謝漁農自然護理署, 石級邊用木頂著, 阿山泥瀉下

不斷的上呀上呀, 都唔知行咗幾多石級....卒之見到呢個牌....yeah...上面就係.

而牌的加手邊有另外一個指示牌, 可以行去黃泥燉水塘, 只需半小時

行上去都仲有好多級樓梯

到了, 到了, 看到這個境色, 值得嗎?   值得的.  就是千島湖景呀!

不過看見天上有大片黑雲, 回程要1.5小時, 我們停留一陣, 拍了些照片, 就原路離開, 不行水塘了.

有的體力透支的感覺, 快去吃午飯.