今日好高興, 約咗一班鄰居提早團年. 因為下星期開始有鄰居要出埠過年, 早的食, 可以多的人參與. 結果有十八人出席呀!
有兩個餐牌給我們預訂, 我們選了每位HK$330那一個
呢間同愛煮响上水新成路, 廣成冰室樓上. 唐樓三樓, 無電梯, 如果有老人家就麻煩的.
入到去地方尚算ok, 放兩圍都唔迫呀! (地方大過紅廚) . 牆上貼了很多相片.
後來那姐姐翻熱了一壺, 但天氣冷, 一陣又凍哂.
第一道菜花雕醉雞卷, 用話梅涼瓜嚟拌碟. 的涼瓜好食過的雞. 的雞去骨, 浸得唔夠味, 大大夠肉, 食兩件已經頂唔著. 
呢碟紅燒炆釀柚皮, 我好大其望. 呢的真係手工菜, 但好失望, 整個菜淡而無味, 嘥了的工夫. 柚皮本身無味, 唔整濃味根本唔好食, 的蝦子又唔夠香. 入面釀咗又係淡而無味. 大家都夾了一嚿都無再添食.
有個上湯浸時菜, 我都無咩心機影. 用咗竹笙什菌煮肇菜, 又係無咩味.
反而單尾嘅臘味糯米飯同紅豆沙湯丸仲ok 的.
HK$330以私房菜嚟講係算平, 但講明係食私房菜, 梗係希望有的驚喜, 但呢道一樣都無囉. 全晚嘅餸全部偏淡呀!
反而上次去紅廚, 雖然係HK$450一位, 但起碼有幾款餸有的特別, 淨係頭盤涼拌花膠, 松露醬蟶子沙律都好過前菜嚟個嚿嚿雞肉卷.
又係嗰句, 唔試過又點知啱唔啱食呢!
