北海道爐端燒

January 26, 2018, Friday

今天是型爸生日, 我地同佢去食日本野慶祝呀!

呢間北海道爐端燒係秘書小姐幫忙搵的, 佢話openrice 都有幾多好評.  哈哈, 咁負評都有, 話的侍應黑口黑面.

呢間餐廳响亞士里道27號 3樓.

訂了七點, 我地早了十五分鐘到.   的坐位都好迫, 但好快就坐滿.

型爸來到, 對佢心目中的爐端燒有的落差, 佢以前同我地去海逸酒店食爐端燒, 風格完全不同.  呢間餐廳個名叫爐端燒, 其實叫居酒屋就啱的.

呢道款色都好多, 生食, 燒物, 多種選擇

我們先點了介味爪魚

醋漬鯖魚, 呢個味道幾清新, 我幾like呀!

叫個三文魚子飯 HK$128, 笨咗, 其實我地淨係想食三文魚子, 唔係想食飯, 三文魚子只係HK$88. 比多HK$40 食的飯.

呢個鹽燒白子就唔得啦, 超鹹呀!

明太子蛋卷 HK$68, 呢款做得唔錯, 的蛋入面仲有嫩滑有蛋香, 加埋的明太子, 唔錯呀!

稻草燒安格斯牛扒, HK$168 好味

燒牛舌, HK$58, 都ok呀!

炸墨魚 (家係魷魚呢?)

呢個炸年糕超好味, 外脆內軟

白酒蒸蜆及BB帶子

跟著鐘聲响起, 佢地用個大芝士嚟煮芝士意大利麵.   個大芝士本來滿滿的, 但煮耐咗就窩咗落去.   唔好以為所有的芝士係由個大芝士溶出嚟, 睇真的係佢地落咗的碎芝士响中間.

跟著將的煮好嘅意粉, 再加埋的烚熟了的冰鮮海鮮落去撈幾撈, 的碎芝士好快就溶

全程都只係兩三分鐘時間, 可以話係卓頭多的啦.

我們要了二人份三個人食, 每人一小碗啦.   對於我地喜歡食芝士嘅就ok啦, 的麵就真係腍咗的啦.

再加了炸生蠔

稻草燒鰹魚

三個人食咗咁多款都好夠啦.

埋單HK$1170.40...都算經濟....咁居酒屋係咁上下啦.

返到屋企先同型爸食蛋糕.   哈哈, 呢個蛋糕係我特製的.   型爸喜歡食拿破崙蛋糕, 唔係芒果拿破崙.   去到東海堂, 訂蛋糕要兩日, 我見到佢地有榛子拿破崙, 睇落係型爸喜芝的.

買咗四件, 用本身蛋糕那圍邊的膠紙, 將佢圍成一個方型小蛋糕.   哈哈, 係自己個honey先夠膽咁做咋.

哈哈, 點知型爸唔嫌棄仲讚very good, 佢唔想我呢時間整, 蛋糕又四個人食 (我, 型爸, 二公子仲有Cindy),  吹完蠟燭唔使切蛋糕, 攞走圍蛋糕的膠紙, 用鉗拿起, 每人一件.

型爸話好味就得啦.   有時間先自家整個拿破崙蛋糕比佢啦.