July 29, 2018, Sunday
嗰日睇免費報紙介紹大圍周邊美食, 有兩間型爸有興趣, 第一間係食漢堡包及薯條, 但呢間鋪附近無停車場, 只有後面街有幾個咪錶位, 常常泊滿無位. 如果違例泊車, 好多時即抄牌, 咁就無謂啦.
另一間就係肉餅哥, 型爸對呢間就最有興趣....因為係龍蝦肉餅呀!
呢間肉餅哥响大圍熟食亭, 即美林村對出, 車可以泊美林村停車場. 泊咗停車場, 食都安心的呀!
午餐都好經濟, 只係HK$40...不過就無肉餅飯.
入到去唔係太多人, 即刻有位. 個鋪都算大, 餐檯都有的距離, 唔係好迫.
睇吓個menu, 就係呢個龍蝦肉餅飯
鎮店精選全部都係肉餅肉餅肉餅飯, 只係有不同的口味, 可以蒸, 可以煎.
型爸話一定要叫龍蝦肉餅, 咁我梗係唔叫同一樣啦...我要了金沙蛋黃煎肉餅
本來想叫個榴槤炸彈做小食, 但問清楚呢個榴槤炸彈只係入貨返嚟, 唔係新鮮榴槤, 咁唔要啦.
午餐的例湯, 飲到有冬瓜味, 但入面再有咩就唔知啦, 只係清湯無料....淡淡地, 飲完有租味, 條脷嚡嚡地...師傅到!
我要的金沙蛋黃肉餅套餐, 包一杯熱飲, HK$62
個 金沙蛋黃肉餅睇落都唔錯, 食落的肉餅都幾好. 只不過鹹蛋黃始終偏鹹, 有的越食越鹹的感覺.
型爸的原隻龍蝦肉餅到啦.....睇落都ok喎
掀起塊肉餅就係咁....中間無肉架, 因為的龍蝦肉加咗落的肉餅裡面
塊肉餅都算大
我即刻夾一嚿試吓, 肉餅入面白色的就係龍蝦肉, 仲有的黃色咗膏. 不過食落的肉餅又唔覺好特別. 咁當然係的肉蓋過龍蝦味. 但overall, 的肉餅都唔差.
最敗筆就係呢個加了HK$2 嘅菜飯. 就咁睇就知的菜唔係同的飯一齊煲啦. 只將的炒好的碎菜加落的白飯撈均, 呢樣都無所謂, 但點解的飯同菜都係凍嘅(非常微溫)? 中國人唔鍾意食凍飯, 我碗白飯起碼都熱的.
差不多食完型爸再開埋兩個龍蝦蚶, 不過的肉係無味的.
價錢我地覺得唔貴, 的肉餅係ok的. 不過加咗龍蝦又唔覺好好食. 個金沙蛋黃肉餅反而更惹味(但食吓食吓就好鹹)
試吓就ok, 下次唔會專登開車過嚟食囉.
