2014年10月31日 星期五

緬傭姐姐第一煮

October 14, 2014, Tuesday

十月份係我地公司十分忙碌的季節, 好多客人到港, 咁啱又有兩三個project夾埋一齊, 五號屋忙到頭都出煙.    加班在所難免, 只係成日記掛著, 放工仲要返去煮煮煮.   今日晚上七點幾先放工, 返到屋企要八點幾, 返到去煮實在太晚, 我地唔習慣咁夜食飯.

今早出門口已有預感, 己吩咐好Cindy今晚會煮咩野餸.  每一樣佢都見我煮過.   放工開車前打電話返去, 全部要佢自己煮, 我返到去要有飯食...(哈哈, 好似好權威咁).

到我返到屋企, 佢仲煮緊, 但我唔睇唔理...最終都係有飯食嘅.

煎薯餅, ok啦.

蒜蓉炒白菜仔, 佢無預先將的白菜焯至七分熟, 所以炒到黃哂.

煎鹹香馬友, 只係將條魚醃咗再煎, 無難道啦.

呢款紅蘿蔔薯仔煲魚湯, 煲過好多次啦.

今餐我真係一的都無幫手, 雖然要等得耐的, 但都ok啦.

呢排工作忙到死, 放工仲要開成個鐘頭車, 返到屋企唔使我煮有飯食就最好啦.

Cindy第一煮, 收貨!


2014年10月30日 星期四

亞宝麻辣湯麵

October 14, 2014, Tuesday afternoon

上星期同慢麼麼同事去亞宝食午市套餐, 麻煩鬼同事未嚟過, 今日同佢嚟食麻辣湯麵. 

上次唔使點等位, 但今日好多人要等呀!

等位時先見到呢張易拉架, 原來阿寶係男士, 上次金剛同小儀PK賽介紹以過架.

咦!今日專誠嚟食麵, 睇吓個牌, 咦, 有的唔同咗,  的餸變成平均價, 每款HK$6, 有飲品送, 柚子青檸梳.


呢張係上次影嘅點麵單, 的餸分三個價錢, HK$5, 6, 7, 現在統一, 全部HK$6.

叫咗麵, 青檸梳打冰就好快到

但嗰碗麵等咗成三十分鐘先到.

嗰款八餸(無麵)真係搵笨, 的餸每樣得一件, 份量好少, 要 HK$42.  雖然呢碗係食食吓先影, 但送到嚟都係差唔多.   最差係點咗的餸唔齊, 要追先再補比我地.

我地另外再叫了一碗淨麵加底, 諗著一個叫麵, 一個叫餸, 同麻煩鬼share嚟食, 點知碗麵嘅份量好少, 比起三哥的米線, 一半都無, 真係唔知有無加底. 但呢樣連問都無得問, 真係唔知點樣界定有加底定無加底.

唔止我地點咗的配料無,  其他檯都有咁嘅情況, 都係要佢地補番, 真係混亂過混亂.

呢道的麻辣湯底ok, 但份量就好細, 如果同譚仔相比, 譚仔嗰碗男仔都食得飽, 但呢碗就一定唔得啦.

我仲聽到其他食客講, HK$6一款餸, 的餸咁少嘅?  睇嚟下次嚟都係食午市套飯好的.   要食麵麵, 去譚仔或譚仔三哥啦.

其真呢道的麻辣係得架.  遲咗幾日型爸嚟搵我食午飯, 我同佢再嚟.

要咗一款唔辣嘅排骨蒸豆卜

一客水煮魚客飯.  的魚係鲩魚片, 多骨咗的, 但的麻辣真係勁, 食到出汗呀!

有心情食辣野時會再嚟呀!


2014年10月29日 星期三

三色椒沙葛炒雞腸

October 13, 2014, Monday night

昨天去大埔墟街市買餸, 買咗三色椒同沙葛, 仲有雞腸(好多街市都無雞腸賣), 今日急不及待, 整咗個炒什錦. 

呢款餸無咩特別技巧, 只係將所有配料切到細細粒, 炒炒炒炒, 最後埋個玻璃茨.  我用咗三色椒, 沙葛, 菜圃, 仲有雞什.  如果有腰果或花生, 可以加的落去.   以前細個記得呢碟餸叫"炒厘粒", 咁的配料有的唔同, 但現在係改良版麻.

仲有一碗蟹肉, 快的炒蛋食埋佢

呢碟魚香茄子失咗的手, 又鹹又辣.  但Cindy就食得好開心.

今餐Cindy淨係幫手煲咗個南北杏木瓜雪耳雞腳湯, 其他都幫唔到手, 慢吞吞咁.

三餸一湯, 碟碟都大大碟食唔哂....哈哈, 最後都係由大食Cindy攪掂, 嗰碟魚香茄子, 又鹹又辣, 佢鍾意食到不得了.

2014年10月28日 星期二

万豚屋

October 13, 2014, Monday afternoon

今日一返到公司, 鬼仔就嚟搵我, 話要多謝我請我食飯.  哈哈, 連老闆都話應該, 咁我去食啦.

鬼仔提議嚟呢間万豚屋, 我未食過, 試吓啦.   況且,佢請, 去邊間食由佢決定啦.

我要了黑芝麻豬扒辣湯烏冬. 豬扒先上

碗烏冬嚟啦...超熱

呢張相睇得清楚的, 碗麵拎到出嚟仲滾緊架...嘩, 我覺得呢道的侍應有危險呀!   佢地要捧著的咁熱嘅麵行嚟行去, 的客人係咪都有的危險呢?

鬼仔要咗豚肉豬骨湯烏冬

呢道的都係熱辣辣, 但係味道都只是一般, 我個辣湯底好鹹.

兩碗麵都係HK$68, 加埋一, 埋單要HK$150.   多謝鬼仔啦!

2014年10月27日 星期一

蓮藕豬骨湯 +黑豚梅頭粒鴛鴦腸臘肉煲仔飯

October 12, 2014, Sunday Night

昨天同林老闆相約, 佢煲蓮藕湯, 我煲煲仔飯. 

 睇吓呢煲蓮藕豬骨湯, 林老闆話買湯骨都買咗百幾文


呢一煲只係部份, 佢話屋企仲有一大煲

 
我個黑豚梅頭粒鴛鴦腸臘肉飯都唔錯架, 的飯軟硬適中


的飯煮好, 的臘味臘腸就拎出嚟切好上碟

咁多用, 我整咗個海蜇+拍黃瓜

仲有菜心炒秋葵

呢餐我地兩對couple 食, 非常豐富啦.....   呢排二公子日日返十幾個鐘, 無得一齊食晚飯呀!

跟著林老闆叫咗三號屋過嚟飲湯, 八號屋部屋出外食完飯又過嚟傾謁...哈哈, 林老闆一大煲湯都飲到七七八八啦.

今日大家好識做, 九點幾十點便散場, 我明天要返工, 唔好似上星期食大閘蟹咁攪到午放先散band呀!

呢排公司好多野做, 一返公就神經緊張呀!


2014年10月26日 星期日

東記上海麵炸豬扒

October 12, 2014, Sunday

今晚約咗林老闆食煲仔飯, 佢話佢出榮華鴛鴦腸+臘肉, 咁我無可能淨係出米.  一於去大埔墟街市買黑豚梅頭粒用嚟整煲仔飯.

咁去開大埔墟街市, 梗係走去食東記豬扒麵, 真係好耐無食過啦.  食完再去睇吓梁九記有咩野好買.

 
呢間東記上海麵, 最出名就係食炸豬扒同雞翼.  但星期六日午市去親都係好多人(唔做晚市架)


通常東記都搵唔到位, 我地就去隔離個檔口, 以前食粥架, 而家改咗叫城仔記小廚

 
咁呢道坐低叫杯野飲, 就可以叫隔離豬扒麵

 
但係一叫野飲, 嗰位小姐就會話一杯飲品都十幾文, 不如叫個多士套餐, 都係貴幾文, 有件多士食.  咁呢個情況, 都係會叫多士套餐 HK$17, 因為嗰碗豬扒麵, 最少要等20-30分鐘.

哈哈, 點解每件多士都咬咗一啖, 咪係我同型爸都咬咗一啖, 先記起影張相囉.

 
睇吓我地幾夾咀型態?  呢件奶醬多幾好味架.

 
呢份就係奶油多

  
 型爸要嘅豬扒雪菜幼麵, 呢碗麵先上, 而炸豬扒就要再等

 
我要嘅炸雞翼雲吞粗麵都嚟啦.  不過又係呢碗先上, 炸雞翼繼續等

哈哈, 到我地食到一半時, 的炸豬扒雞翼卒之到啦.   食落又幾好味嘅

以前賣HK$18, 跟著加到HK$22...HK$24, HK$26...而家係HK$28, 都抵食嘅

咁加埋多士飲品套餐, 每位HK$45...咁又攪掂一餐.

食完就去買餸, 又要去梁九記放低的錢啦.


















2014年10月25日 星期六

舊墟茶居

October 11, 2014, Saturday

昨晚無出去食, 型爸話今晚出去食.  星期六就約埋林生林太, 我地兩個, 佢地兩個, 四個人, 比較好叫餸.

本來想去食泰國野, 但林老闆先到想去攞位去到, 要等七張檯, 咁梗係唔等啦. 見到呢間舊墟茶居, 有位喎, 佢即刻通知我地改地方.

唔使五分鐘, 我地就到.  呢間叫舊墟茶居, 但一的都唔夠, 用哂的新式裝修

睇真的原來係福苑集團, 林太話呢間响粉嶺都開咗好幾個月啦, 平時都幾好生意架.

要咗個特價例牌燒鵝, HK$58又幾抵.  不過送到嚟的皮唔脆呢!

呢道係食龍躉專門店, 咁叫咗個天麻龍躉頭骨湯, 點知送嚟嗰時先話無, 送咗個姬松茸龍躉頸骨湯, 算啦, 都係是但叫.

但係的湯味道有的怪, 大甜, 都唔知落咗的咩, 一的魚頭味都無, 唔好飲.

另外我地要叫了個羊腩煲(跟生菜),  但的羊腩煲嘅汁又係好甜, 的羊肉又嚡, 真係麻麻地.  顧著講呢樣甜嗰樣甜, 就唔記得影相啦.

但芥蘭炒臘味就炒得好好.

呢餐埋單HK$598.

呢道的食物普普通通啦, 都會再嚟嘅, 試吓第二的菜式啦.

當我地食羊腩煲時講起煲仔飯, 林老闆提議明天我煮煲仔飯, 佢煲湯, 咁明晚大家又一齊食啦.

煲仔飯, easy啦, 我成日都煲, 絕對無問題.