又嚟烚下烚下

October 4, 2014, Saturday

林老闆同型爸老友鬼鬼, 一早打比型爸話今晚一齊打邊爐, 哈哈, 不過要我屋企食.  型爸梗係一早應承, 佢最鐘意打邊爐.

但係林老闆好攪鬼呀, 佢話打邊爐前要烚的蜆比我地食, 好甜好好味架.

 
佢用椰青水加咗的香矛南薑香芹做湯底, 要嚟烚蜆.  的蜆一打開就撈起.


的湯真係又甜又好味....唔使一陣就全部食哂.

至於火鍋配料, 來來去去都係嗰的啦.

三百幾文斤嘅手切肥牛

 
花尾躉翅, 另外再買多一嚿肉, 二公子唔鐘意有骨呀!

全部都係手打嘅魚蛋, 牛筋丸, 肉丸

腐皮水魷加牛栢頁

 
雞什幾副

 
魚滑&墨魚滑

 
唔使錢但要花好多時間去洗嘅魚肝&魚腸

菜有芫茜

唐萵

 

秋葵

生菜

蒜頭辣椒

自從用咗大孖勁辣椒油次後, 我地都唔用麻辣湯底啦.  淨係醮嚟食已經好辣.

開開心心烚烚下, 好快又過咗一個晚上.

今天有預告呀...型爸話明天可能有大閘蟹到, 如果有好多隻, 又會叫的鄰居一齊嚟食呀!