2019年10月25日 星期五

行山食海鮮

Oct 13, 2019, Sunday

因為去加拿大的關係, 返到香港幾個星期的天氣都唔好, 香港又攪到咁, 真係無心情, 差不多有兩個月無去行山.  兩個星期前先開始行番.   但組長又出差了, 咁我地四五個人第一次去了行蕉徑古廟, 上星期就行鹿頸尤德亭.

今個星期組長回來,  加埋有七個人, 咁我地就行南涌鹿頸....

哈哈, 大家咁高興, 行到    梗係幫襯吓松記食海鮮....係呀, 早上十一點幾就食海鮮餐.

先嚟兩籮蒸蜆.....唉著食, 唔記得影相....組長仲好笑, 佢顧著唔知同楊老闆講咩, 轉頭就比我地食哂.

楊老闆話只有一斤蝦, 就比我地食哂

要了半隻呢道特制炆鴨, 好味

白焯鮮魷...正

炒苦爪...炒得非常好, 好味


大大條白鱲

豉油皇炒麵

蒸蟹.....樣樣都好食...就係的川蟹無咩肉.

有其他行山友經過, 佢地就問我地....嘩, 咁早食海鮮.....哈哈, 我地食過N 次啦....

食到飽飽, 飯氣攻心...但仲要行多45分鐘先可出到去.....

行到回程中段宋伯士多,  哈叔請食甜品, 無糯米茲, 佢地要了南瓜軟餅, 我要了個茶棵...食完倘胃真係撐著.....

你班友仔咁食法, 行兩個幾鐘都消耗唔到呀!

2019年10月23日 星期三

孫家廚房

Sep 28, 2019,  Saturday

其實好唔想出去食晚, 但Cindy放假, 我連煮野食嘅心情都無, 咁就同型爸兩支公出去食啦.

凡地呢的小市民唔想出去的危險地方, 都仲係覺得錦田相對地安全小小, 咁同型爸去魚家廚房.

上次鄰屋帶我地嚟食過, 由我家開車嚟呢道, 唔塞車, 唔使20分鐘就到.

型爸要了黑啤, 我就要了青檸梳打特飲.

兩個人叫唔到幾多野食, 只係要了羊肉水餃, 羊肉串燒, 牛肉鵝腸

羊肉水餃先到, 一二三每人三隻KO咗

呢碟就係羊肉串燒+新彊大餅....串燒無問題, 但係塊新彊大餅就真係唔啱口味.   餅上面有芝麻, 辣椒粉同孜然粉, 但咬落去好硬又無咩味.   我同型爸兩個人加埋都只係食了四份一.    店家話呢的大餅由家鄉寄落嚟, 我地真係唔好意思留低唔食.   唯有用膠袋拎走.

呢碗就係牛肉鵝腸, 但唔係真的鵝腸, 係粉嚟架

只係的粉肉鵝腸啫.   呢碗粉就幾好食.

呢餐食咗HK$237

2019年10月21日 星期一

The Green - Icon Hotel

Sep 23, 2019, Monday

酒店新sales哥哥約咗我地幾次, 秘書小姐話唔好意思推, 咁就一齊去食啦.

問我地食咩, 簡簡單就可以, 就地下餐廳The Green啦

 呢道的house bread都好味喎

 我同秒書小姐要了蝦沙律, sales哥哥要了岐敳撤沙律

 主菜秘書小姐要了魚, 我同sales哥哥要了西冷牛....五成熟, 做得幾好.

 sales 哥哥熱烈介紹甜品

 我要了榴槤蛋糕, 秘書小姐要了藍莓芝士蛋糕

個榴槤蛋糕好香都幾好味, sales 哥哥話呢個蛋糕熱賣, 好多榴槤lover捧場客.

2019年10月19日 星期六

避塞

Sep 21, 2019, Saturday

二公子下星期一生日, 趁佢今日放假, 我地提早同佢出去食飯慶祝.

諗著去錦田食應該ok啦, 近日去咗咁多次都尚係淨土, 咁訂咗Boss Kitchen, 接電話嗰個話今晚無地鐵, 你地嚟唔嚟到? 我地話開車應該無問題.

點知本來12-15分鐘車程, 由我地開車塞到去一個回旋處口, 已經要一小時.  共實我地大約仲有幾分鐘就可以到, 但係前面係塞到唔郁得, 我地可以行到回旋處係因為好多架車都响呢道走.

真係估唔到, 地鐵停開, 的車由元朗塞到去荃錦.  商量過都係唔等啦, 因為過咗呢個回旋處就想走都無路走.  避一避塞, 調頭出去粉嶺食啦.

咁就去咗粉嶺Cook House.

 唔知攪咩, 佢地今日極奇好生意, 咩都話賣哂....

咁同佢地咁熟, 佢地有咩就食咩啦.

頭盤先要咗Nacho, 沙律同湯

主菜呢;

 燒春雞, 入面釀咗飯的.

 燒西冷凍

 煙肉黑松露飯.

二公子好似有的唔開心, 佢話今日好似有的唔順利, 不過我話從好處想, 我地避塞嚟到呢道仲有野食, 可能好多人仲塞緊車呀!

餐廳老闆好識做, 即刻送咗份黑朱古力雪糕比我地做甜品.   仲整埋Happy Birthday個牌添.

其實我都買咗個生日蛋糕, 第二天在家先再切蛋糕, 咁Cindy兩隻寶貝都有份食少少呀!



2019年10月17日 星期四

町町屋 居酒屋

September 14, 2019, Saturday

屈咗兩個星期連星期六日都無出外食飯,  其中一位鄰居話晚上唔出去, 不如去食Lunch 啦, 佢朋友開間居酒屋的串燒好正架,  去去去去去....

由我地屋苑去大坑雖然遠架, 但經兩條隧道, 唔使一小時就到.

呢間叫町町屋呀!   鋪仔細細, 相信只可以容納二三十人.


鄰居介紹叫一杯黑白溝啤酒, 即係半杯普通啤酒溝半杯黑啤 (Asahi Premium)


顧著傾謁食咗好多款, 但好多都無影... 申燒腩肉, 和牛, 羊肉, 牛舌, 雞翼, 雞軟骨, 栗米, 青椒...跟著仲有隻西班牙紅蝦 (仲提供埋兩塊小多士用嚟醮蝦羔食), 最後再試了燒飯團.  

呢道的野好得呀!  真係無介紹錯.

呢張係貼响門口嘅海報....西班牙紅蝦呀!

呢餐食咗幾錢, 唔知呀 (我諗都唔平啦, 淨係隻蝦都要兩百幾), 鄰居話佢請.   吓開埋車接送我地仲請我地食, 呢的鄰居去邊道搵呀!    真係唔好意思,  有來有往, 下次食飯等我地嚟!

開心的一個下午.

2019年10月15日 星期二

富臨慶中秋

September 11, 2019, Wednesday

同家人提早食飯慶中秋所節, 但外面傳富臨會執笠, 我地訂了兩圍之後, 怕佢執笠都無去落訂.  但當天照常營業, 慶幸只係謠傳.   當晚生意仲好好添.


呢個餐好抵食, 真係要出嚟支持吓.


的餸大大碟, 都唔錯

單尾仲有野米炒飯, 甜品, 兩大瓶百香果汁....免加一, 真係好抵食.

希望呢的酒家捱得著啦.

食完大家匆匆離開, 因為姪孫一家住東涌, 預報商場有公眾活動, 佢地帶著小朋友, 都係盡快回家好的.

2019年10月13日 星期日

上海老棧

August 24, 2019, Saturday

香港攪成咁, 唔開心不特止, 仲要盡量唔出街, 真係屈著好辛苦.

型爸話不如去深圳按摩食午飯, 晚上早的返香港.

過關後坐地鐵去國貿站, 金光華入面, 搵到呢間上海老棧


的野食都ok 呀!   個生煎包外脆內軟, 入面仲好Juice.

四個人食咗200人仔.   跟著去就近一間按摩店.

真係好難唔講呢個問題, 連按摩師都係講, 佢仲話我知响重慶有三間屋(雖然佢地的屋唔係咁貴), 父母住緊嘅都係別墅, 唔係以前的爛, 生活改善了很多.   

講咗幾句都唔想再講, 好想休息吓.