Robatayaki 爐端燒

September 23, 2015, Wednesday night

今日二公子生日, 為咗同佢慶祝, 我地食咗個late dinner.   二公子最近晚上繼續進修, 我真係好開心.  佢要九點先放學, 我地去接佢, 晚上九點半, 訂咗位响紅墈海日酒店Robatayaki食爐端燒.

 

九點幾, 只剩下十個八個客人 

 
 
咩野係爐端燒, 咪即係燒烤(諗諗吓同居酒屋的燒烤有咩分別呢?).  只不過係我地落單, 那位廚師幫我地燒.  

想食咩就叫咩, 師傅即燒


要了雞泡魚乾

燒牛舌

燒秋葵

燒雞軟骨 (只得幾粒, 有的離譜)

燒兩隻大蝦, 每隻有成十寸長

燒蒜頭

要了兩客魚生, 三文魚及油甘魚.  想要海膽又話無

要了澳洲和牛, 呢塊要HK$880, 已經係最平.  如果要美國安格斯要一千二百幾.  我地比二公子揀, 佢話唔使食咁貴.   塊扒我都覺得貴, 不過燒得好好, 五成熟.

另外要了一條黑腊, 燒得幾好, 條魚仲好滑

要了一隻燒苦瓜, HK$110.

送咗雪糕比我地做甜品.  食呢個雪糕唔夠喉, 我地諗著一間仲要去食.  附近有間甜品店, 有一款甜品, 有的排著.   嚟開呢頭, 一定要去幫襯.


埋單HK$3,095, 我同型爸講有的貴, 但型爸的一貫作風, 出嚟食野唔好咁計, 食得開心就得啦.

再戰梧桐寨

September 20, 2015, Sunday

上次行梧桐寨已經係兩個月前嘅事,  上次行哂四個瀑布, 再由大帽山行番落嚟, 行咗差唔多四個小時, 大家都覺得呢條路線都幾難行有挑戰性., 尤其是上第四個瀑布嗰段山泥傾瀉過嘅石路. 

今日我地再行, 但只會去到第三個瀑布, 主瀑, 咁我地就會回程, 唔行第四個散髮瀑啦.  再者由大帽山落山嗰段路都唔易行.  我同型爸去大阪行咗兩日好甘, 都未完全恢復的體力呀!

由林錦公路泊車嘅地方行到瀑布起點, 都真係差唔多要半個小時呀!

今次會行到主瀑就會原路返

到我地行到井底瀑, 都差不多一小時.   其實呢段路都算難行.  我地近來行大埔林徑行得多, 太容易無難道, 但梧桐寨的路崎嶇好多.   今日天氣好熱, 焗到一的風都無.

由井底瀑去到中瀑, 大約只需十五分鐘, 但路更崎嶇, 真係有的辛苦.

我地覺得呢個瀑布係買個瀑布中最靚

但今次好唔開心, 見到呢道多咗的垃圾.  咁靚嘅環境, 的人竟然唔將自己嘅垃圾帶走, 隨處掉棄.

今次有哂準備, 我地帶備潛水鞋, 可以落去玩水.   我地嚟到時可能時間尚早, 一個人都無.  組長仲帶埋溫度計嚟, 瀑布水溫20度, 啱啱行落去嗰吓覺得好凍, 企耐的習慣咗的溫度又覺得唔凍啦.

玩咗一陣影吓相, 我地又繼續行啦.


跟著行到主瀑.   今日覺得主瀑嘅水量少咗好多. 呢段路一樣難行, 組長韶我地制到四百多米高.  我地又落水玩咗一陣, 跟著就回程啦.

回程行到中瀑, 嘩, 做咩咁多人嘅

仲有人著哂泳衣游泳添呀!

回程落山, 點都快過上山, 起碼唔使喘氣.   見到呢的牌, 行多大約二十分鐘, 就到我地泊車之處.

去到起點嘅小瀑溪澗, 我地洗吓的毛巾涼快一下.

今日行完, 我地又一齊去食的午飯.

上次去樂斯餐廳, 覺得的野都ok, 今個星期再幫襯.   七個人, 又要分兩檯坐.

今日我要了午餐嘅义燒豉油皇炒麵, 都ok喎.

陶媽要了牛什牛丸河, 都ok

腐乳通菜都ok

但呢碟豬手就唔得啦.  上次又腍又好味, 今次都未炆腍就拎比的客食, 失敗.

型爸要了豉汁排骨飯, 等到天荒地老.  型爸話佢要多汁, 唔係多油, 好膩呀!

下次又要諗諗再嚟唔嚟呢道食呢.

至於梧桐寨, 冬天之前再行一次, 冬天就唔行呢道, 好凍唔落得水呀!

大阪隨意行 - Day 4

September 18, 2015, Friday

眨吓眼就要第四天, 今日下午兩點飛機回香港, 十二點就要到機場, 要好好利用早上呢幾個小時.

哈哈, 呢間酒店, 早餐日日都係嗰的, 無所謂啦, 免費早餐係咁架啦.

食完早餐, 八點半我地就check out, 推著的行理, 先去機場巴士站附近, 將的行理鎖好, 咁我地就可以輕鬆做要做嘅事.  昨天已經睇清楚環境, 好多大locker 可以用.

呢道嘅locker貴少少, 要JPY700一個.  不過好方便, 可以用bar code scan 開櫃, 方便的.  我地影張收氣, 真係唔好彩唔見咗, 都仲有個號碼可以用.

 
放好的行理先去買票.  JPY1,550 一位.  今日買的票, 全日可以用.  如果唔好彩趕唔切呢班, 可以坐下一班. 

跟著我地又去做傻事, 排隊抽籌.  可過今日無咁好彩, 攞唔到20號前的籌, 我地唔買啦.  因要想搭10:40分車, 唔夠時間.   將張32號籌比咗一位女士, 等佢買啦.

 
 唔買袋就試吓幫杉山小姐搵吓佢想要的日式Cookie.   其實昨更路經好多地方都有幫佢搵過, 但搵唔到.   只希FamilyMart 有類似但好細塊.  杉山小姐話味道唔一樣, 咁唔買啦.

 

買唔到Cookie, 不過就買咗個芝士撻, 諗著拎上飛機, 叫空中小姐幫忙雪咗佢, 咁就可以保質.

 

呢個Pablo芝士撻都幾出前名, 一個6"撻賣JPY850, 都唔貴吖.

行吓行吓都攪到有的趕, 雖然坐11:00嘅車都唔會遲, 但去機場, 可以早的就早的啦.

我去排隊上車, 型爸去locker攞行理....嘻嘻, 啱啱好趕到. 呢三位站務員幫我地將的行理放入巴士行理箱.

加埋手提行理, 今次只得三件.

藍天白雲, 嚟時心情開朗, 走時一樣開心.

好彩坐早一班車咋, 大阪市內有的塞車, 去到機場.   AI check in counter 又大排長龍.  型爸等等吓又去Starbucks買杯野飲, 佢話呢杯綠茶沙冰好好飲喎.  不過今次無再寫佢個名啦.

入到閘, 仲有野買, 見到呢個Cheese Cake攞獎, 又買一個試吓.

呢個Cheese Cake只有4", 要JPY1,350, 有的貴呀!

我地仲有的時間去食碗拉麵.  食完見到的日本人叫拉麵, 仲會加多個飯團.   佢地的套餐通常都係又飯又麵.  好想試吓添.  不過已經食完.

哈哈, 結果見到Family Mart 有飯團賣, 買咗四個, 拎番香港試啦.  連埋的蛋糕, 叫空中小姐放入雪櫃咪得囉....希望空中小姐唔好拒絕唔幫我放入雪櫃呀!

哈哈, 飛機準時起機, 空中小姐起飛後都有幫忙雪著的蛋糕, 真係唔該哂.

嚟時無食飛機餐, 但今日有的餓就食啦.   不過主菜日式魚都係非常麻麻

後而呢個什菜沙律好味的.

呢個甜品都好味.

三個幾小時嘅航程都好快過, 睇咗兩套戲就到啦.

今年去了三次日本, 最少行理返嚟係今次.   兩個人兩喼去三喼返.  以前去旅行買鞋, 次次都要掉哂的鞋盒, 如果唔係塞唔落個喼, 今次買咗三對鞋, 三對都可以連盒放哂入喼.  買咗兩個Baobao又輕又易收藏.   其實三個喼都唔滿, 哈哈, 都係第一次.   今次好理智呀!

攞咗行理好心急返屋企, 掛著Loki 同Whisky仔呀!   返到去佢地係飛撲過嚟, 失哂控呀!

去咗幾日之麻, 好似好耐無食過屋企嘅幾餸一湯


Cindy今日整咗緬甸式嘅涼拌蕃茄, 又幾好味喎.

 
仲有咖哩雞

 
蒜蓉蒸茄子

雪耳木瓜雞腳湯

呢幾餸一湯, 梗係好食過的飛機餐啦.

Friday night, 明天後天唔使返工, 繼續放假, 正呀!