鴕鳥肉炒韓國粉絲

September 12, 2015, Saturday
 

姪女送咗兩包韓國粉絲比我, 成日都唔記得煮嚟食, 今日打開廚櫃望到, 即刻拎落嚟煮咗佢.  韓國粉絲, 係用紅薯粉製成.

    

煮法好簡單, 只需要煮5-6分鐘, 跟著過冷河就得

買咗一嚿鴕鳥扒,都唔知點食好, 今日就用嚟炒韓式粉絲啦.

解凍切片調味.   哈哈,  睇落好肉牛肉, 見到都覺得的肉比較嚡

再加韮菜花,洋蔥紅蘿蔔做配料

炒韓式粉絲, 無呢韓國三寶點得呢!

韓式粉絲煮軟, 過冷過三次, 瀝乾水份

先調好個汁, 我加了韓式辣醬/麵豉醬(2:1), 豉油, 水, 麻油.

先炒熟鴕鳥肉盛起備用

再炒韮菜花, 洋蔥紅蘿蔔, 盛起備用

跟著炒粉絲, 加入調味汁, 用筷子女將炒絲同醬汁撈勻

加入蔬菜炒勻

加入鴕鳥肉

最後加入泡菜

灑的芝麻再兜炒

上碟後再灑上芝麻.  一包韓國粉絲, 炒起勁大碟.

今日飲品, 燕麥鈣思寶

的粉絲炒起辣辣地, 幾好味架.

落咗的汁落去炒, 但比的粉絲索哂入味, 炒得都幾乾身架.  一包粉絲咁大碟, 下次有聚會, 多的人食都夠呀!