White Bread & Honey Oats Bread

Aug 31, 2010 8:18 PMPublicPageviews 112 1                    

Mina唔鐘意食麵包, 佢鍾意食飯多的, 所以我從來無教佢整麵包.  Ruby嚟到, 問佢早餐食開咩野, 佢話麥皮同麵包, 咦! 啱我地practice 喎!

我一攞個麵包機出嚟, 佢就話要學.  但我呢幾日個頭實實地, 唔想嘥時間整港式包, 一於教佢麵包機嘅recipe, 咁第日整白麵包或麥包就唔使我出手啦.

揀咗兩個recipe都係用Basic cycle, 一個係白麵包, 另一個係蜜糖麥皮包.  但最終都決定加埋個殺手間, 就係每邊都加嚿老麵, 希望兩款麵包都可以鬆軟的.

 再show埋呢個working cycle 比佢睇

落咗粉之後, 發覺兩邊都好似唔夠水, 成唔倒個soft ball.  慢慢逐少加水, 直至個soft ball變圓變靚, 跟著响knead 2個cycle, 加埋嚿老麵, 咁就攪掂, 唔使再理佢.

果然無令我失望, 個麵包發酵得幾好, 唔知係咪個蜜糖麥皮包, 密度比較重, 無白麵包發酵得咁高.  呢個係front view.

 top view

 side view

 待涼後先切開白麵包, 手感幾好, 睇落都好鬆軟

跟著切埋個蜜糖麥皮麵包, 手感覺得比較重身, 亦都覺得好鬆軟.

星期日早上就食咗呢個蜜糖麥皮麵包做我早餐.  咬落去, 口感有的"笠笠地"感覺, 應該係加咗蜜糖嘅關係, 幾好味, 唔錯唔錯.

台灣出品 - 冬瓜茶

2010年8月31日下午1:15公開累積瀏覽 287 0

啱啱响台灣帶番嚟嘅冬瓜茶, 唔...我諗應該叫冬瓜糖, 因為係要煲, 煲好咗之後先叫冬瓜茶.

趁著BBQ, 煲咗可以大家一齊飲.

嚿冬瓜糖用膠袋裝著, 外面再用報紙包著.  落機攞到番屋企, 我將的報紙掉哂, 淨係用膠袋裝著, 一嚿嚿放入冰箱.

拆開嚟就係咁嘞! 幾大嚿架, size 有4-5" 長, 3-4"闊, 大約2" 高...

我大約用咗4 liter 水, 大火煲滾轉小火煲20分鐘.  煲緊嗰時, 真係好香, 香到型爸問我煮緊咩.

嚿冬瓜糖溶哂之後, 見到有好多片片的冬瓜片.

其實飲落去, 真係唔覺得係冬瓜味, 覺得係麥香... 飲起略甜, 因台灣朋友叫我煲濃的, 雪凍, 加冰飲, 消暑解渴.

我跟著上網search 吓, 原來台灣嘅冬瓜糖, 係用冬瓜&紅糖熬煮而成, 以下係維基百科寫有關冬瓜茶:

維基百科，自由的百科全書

 

冬瓜茶是以冬瓜和糖為

原始材料，長時間熬煮成湯汁的飲料。
冬瓜茶在台灣已有百年飲用歷史（與甘蔗汁、青草茶，堪稱台灣三大古早冰飲），原料取用容易且價格平實；其中遵循手工古法釀造的傳統商店，對於冬瓜茶的原料和製作過程非常考究。

材料與製作

• 冬瓜經選瓜、削皮、去仔、切條塊，與糖熬煮攪動；配合冬瓜、砂糖、水、焦糖的比例，熬煮數個鍾頭以上。最後以紗布或濾網過濾渣籽，其湯汁即為濃縮冬瓜露，再經過冷卻、裝罐、冷藏，置放冰箱稀釋後飲用或冷凍販賣。
• 熬煮至水份蒸發凝塊，切成方塊則為一般市售之「冬瓜糖塊」，包裝後在各地市集雜貨鋪裡販賣。冬瓜糖塊自行烹煮融化成茶湯，即可飲料食用。
• 部分製法中將冬瓜塊浸石灰，浸泡石灰的過程是讓冬瓜硬化，以保存原味。
• 整顆大冬瓜不加糖長時間熬煮，即為天然無糖冬瓜茶，糖尿病和腎臟病患者可飲。
• 因綜合式茶飲的興起，冬瓜茶業者加入粉圓、椰果、湯圓或是加上檸檬、烏龍茶等配料，冷熱飲皆有。

冬瓜茶煮法

請先至販賣冬瓜糖的店家購買冬瓜糖磚

• 方法1: 將600g冬瓜糖直接加入4500~5000c.c(可依此比例調整)之冷水熬煮(水滾，糖溶化，用小火熬20~30分鍾)待涼裝瓶請保存冰度3~5度冷藏請於三天內飲用完，如太甜可自行加入冰水冰塊
• 方法2: 將600g的冬瓜糖用800c.c的水熬煮成糖蜜(水滾，糖溶化，用小火熬20~30分鍾)待涼裝瓶瓶子請確保乾淨乾燥約可冷藏7～10天冷凍則可保存約1個月飲用時冬瓜糖蜜與水以1:5比例沖泡即成冬瓜茶(甜度可自行調配)

新工人姐姐到咗啦!

2010年8月30日下午2:23公開累積瀏覽 49 3

旅行回來之後, 本來心情靚靚, 點知發生菲律賓挾持人質事件, 心情跌到落谷底.

 

第二件事就係煩惱請嘅新工人仲未有消.  追問個agent, 個新工人幾時到呀!  佢話幫我打咗去immigration Office 但仲未有消息.   叫我最好親自打電話去.   星期二打去, 當日未有回覆.  星期三, 個Immigration Officer 打電話回覆話隨時可以取visa...  下午agent打來話已經收到移民局的信.

 

Oh yeah!  當堂安樂哂! 時間啱啱好呀!   星期六接佢番嚟, 可以同Mina一齊, overlap 一星期,  等Mina教佢daily routine, 我可以唔使請假.  

 

新工人姐姐叫Ruby, 星期六早上十一點幾接咗佢番嚟, 比佢settle down 之後, 第一個job就係學煮二公子喜歡的火腿蘑菇湯長通粉, 有Mina教佢, 我輕鬆好多. 

 

平時我地番工, 好少食呢個湯通粉/長通粉, 既然二公子咁鍾意, 我同型爸都食埋長通粉做午餐.   唔! 真係好味喎.  型爸話, 的湯咁濃咁好味, 梗係鍾意啦! 

 

下午我整麵包, 佢話要學...好好好...

 

不過晚上就唔使煮, 因為我地會去六號屋BBQ.   等佢多的時間跟吓Mina, 瞭解吓我地的生活習慣...

 

一切順利, 希望係好的開始...

幸運之旅 - 墾丁台北五天之旅 - 第五天 台北回香港

2010年8月27日下午4:34公開累積瀏覽 296 1

今天早上, 五時多便起來, 咦! 點解型爸仲睇緊電視?   本來想瞓多一陣, 但醒咗瞓唔返, 唯有陪型爸睇電視.   睇到差唔多七點, 再瞓番, 九點幾啦, 要起身, 朋友會十二點嚟接我地出機場.

我地唔想响酒店食早餐,  出去睇吓有咩野好食.   沿路見到有一個搭棚, 以前睇電視好似介紹過, 唔知用嚟祭祀或有喜事, 好想去影相, 但型爸拉著唔比我去.   唯有繼續行, 再搵吓有咩野食.
 

見到附近有一間COFFEE+ 有早餐食. 埋去睇吓, 都ok喎.   決定响呢度食, 我地揀咗新上市嘅豬肉包, 型爸要巧巴達包(Ciabatta), 我就要軟法包.

飲品型爸叫咗手搖招牌咖啡, 我就叫咗紅豆烤奶茶.
叫完餐响櫃檯付錢, 再行入去坐低, 咦! 咁熱嘅, 又係環保餐廳, 的冷氣開極都係唔凍.  坐落仲流緊汗, 佢地即刻攞把風扇吹著我地.  好彩份早餐都ok, 食完就番酒店pack 行理.
Pack 好行理, 見仲有小小時間, 不如影吓間房, 可以send的相比travel agent, 等佢知道間房點樣都好.   但型爸叫我唔好影, 咁唔影就唔影啦!
十二點朋友準時來到接我地, 出發去機場lu.. 

路途中型爸問朋友昨晚有沒有地震, 朋友話零晨十二時許好似有微震.  型爸問三點幾有無, 朋友話應該無.   型爸這時先講, 昨晚瞓到三時許, 覺得張床不停搖, 醒咗, 覺得唔妥.  唯有開燈起身睇電視, 起身之後, 張床就無再搖.   唔怪得知我五點幾起身見佢坐响到睇電視.    型爸話, 街邊搭棚, 應該係祭祀鬼節, 所以唔比我去.   我一的都無醒起而家係七月節.
去到機場, 發覺原有班機取消, 國泰安排同一時間班機, 所以無問題.   呢班機客唔滿, 我同型爸分開坐兩邊asile都得.
班機準時到達香港, 行程完滿結束.... 一個開心愉快假期.

今次行程緊密, 本來想去烘焙用品店同本地超市都唔夠時間.  不過今次旅行仍有收穫, 真係要多謝好朋友幫我張羅, 唔係我嘅香帥強糕同胡椒包都買唔倒.

朋友送我在車城買的鹹蛋皮蛋.  新光三越買的醬油膏, 還有胡椒餅&蔥油餅.

當然仲有香帥嘅芋頭蛋糕&紅豆蛋糕.  呢個芋頭蛋糕, 真係好正, 的鄰居&同事都話好好味. 個紅豆蛋糕都好味, 可惜的紅豆蓉好散.  比較起上嚟, 芋頭蛋糕好味好多.  咁麻煩攞返嚟都係值得.  (响酒店要放雪櫃, 上飛機又要空姐幫忙放喺雪櫃)

差的唔記得咗呢包旗魚酥.  咦! 仲有冬瓜茶放咗响冰箱, 星期六可以煲嚟飲...

一個幸運, 輕鬆, 愉快的台灣之旅, 完滿結束.....

幸運之旅 - 墾丁台北五天遊 - 第四天 台北, 烏來, 新店

2010年8月27日下午2:57公開累積瀏覽 516 0

早上起來, 室溫都ok, 睇吓個冷氣溫度25c... 我諗呢間酒店, 應該提倡環保, set 定最低溫度25c.

落到樓下, 先去reception 投訴, 要求換房.  當值經理話會處理.   跟著去食早餐, 呢的商務旅館, 早餐好簡單, 只有麵包, 熟蛋, 腸仔, yougut, 咖啡.   不過早餐唔係要食的咩, 無所謂.   食咗少少, 朋友已經來到接我們.

朋友開車載我們到烏來, 去到巨龍山莊, 朋友話不如去泡湯(浸溫泉).  既然嚟到, 環境咁好, 一於去泡湯.  我們兩男兩女, 分別去泡湯, 相約大概一小時出來.
望著山景泡溫泉, 又有清風, 真係好舒服.  我地泡咗45分鐘就梳洗出去.  咦!男士仲未出嚟.  我地在外面坐吓飲杯茶, 真係好relax, 好舒服...  過了一陣, 的男士出嚟, 原來太relax响入面小睡一陣.
泡完湯, 再四處參觀.

跟著我地去到那魯灣溫泉渡假飯店食風味餐.

午餐有: 炒竹筍, 蔥爆山豬肉, 椒鹽豆腐, 胡椒雞湯, 白切土雞(好有雞味, 但唔記得影相), 仲有一味炒珠蔥, 非常好味, 但係又唔記得影相.   四個人, 又食到飽飽.....
跟著再開車四處遊覽, 去到一間cafe, 我地又入去high tea.
 

我地每人一份下午茶餐, 店中老闆娘介紹, 一款由Austria入口的咖啡, 味道好香好濃.  而我地配咗四款唔同食物一齊share, 有牛角包(唔記得影相), 厚吐司(花生醬&奶油酥), 桂圓提子合桃蛋糕, 生果盤.   又係好滿足的一份下午茶.
下午茶之後, 朋友帶我們到新店參觀他們的房子

潤泰華城, 地方好靚呀! 他們只偶然來渡假, 好浪費呀!  地方好, 環境好, 非常漂亮.

其實整個山頭, 都係豪宒, 有幾百楝... 美麗華城, 大中華華城, 潤泰華城...  有幸再參觀朋友的朋友的房子, 有六千多尺, 裝修非常出色, 令我地都想改建吓自己間屋.
眨吓眼又六點幾, 我地要先去香帥蛋糕店買蛋糕(佢地星期日休息), 然後去食晚飯.

最後我地去咗鼎旺食麻辣火鍋, 原來呢間鼎旺, 已經有20年歷史.

我地叫咗好多野呀! 多款唔同的菇, 油條, 生菜, 高麗菜.    香醋, 麻油, 蔥, 再加麻辣湯做醬汁來醮.

有牛肉, 花枝丸, 蝦丸, 呢兩樣都非常鮮味. 鍋裡還有冰豆腐, 鴨血, 牛腸, 牛肚, 大腸頭....  好朋友同我地都好耐無食過麻辣火鍋, 食得好開心.....又係好味好豐富的一餐...

餐後朋友送我們回酒店.  酒店己幫我們換好房, 房間比較大有兩張床, 已經開好冷氣等我地番去, 不過溫度都係set响25-26c之間, 但冷氣可能開咗好耐, 25c都唔覺得熱.  

我地見仲有小小時間, 放低的野, 行過新光三越百貨地下超市, 買咗幾支醬油膏,  呢的醬油膏, 係民宿老闆娘教我買, 佢話好好味.   我就買嚟試吓.

跟著番酒店沖涼睡覺.

又一輕鬆, 愉快, 充實的一天.....

幸運之旅 - 墾丁台北五天遊 - 第三天 - 墾丁回台北

2010年8月27日下午1:50公開累積瀏覽 589 0

一早起來, 見到外面下著雨, 不過都先換定泳衣, 睇吓食完早餐去泳池定沙灘行吓.  

嘩! 餐廳好大但好多人, 睇落人來人往, 好似好繁忙咁....   早餐食物供應都好豐富, 但一陣午餐要早的食, 所以同型爸隨便食少少就出去行吓.  哈哈! 天公真做美, 一吃完早餐, 雨停了又出太陽.   首先去咗影廊, 佢地有張coupon, 送照片匙扣一個. 我同型爸影咗張相, 要一個小時後先可取.   可惜最後走時, 唔記得去攞番....唉, 可惜, 可惜.

我和型爸經過游泳池, 食完早餐就唔想游水, 都係落沙灘行吓....  個沙灘好乾淨好靚仲好少人, 餐廳的人仲多過個海灘.  朋友話比我地知, 自從墾丁國家公園管理局收咗夏都隔離幅地, 呢個海灘已經好似變成夏都飯店的專用海灘... 我地行咗一陣, 搵咗張沙灘椅坐响度哂太陽.... 陽光與海灘, 真係好耐都無試過, 好舒服.

見到的工作人員教人玩風帆同獨木舟, 好有趣.  型爸的朋友不停在沙灘上用手挖沙, 初時都唔知佢做咩野, 原來响度捉蟹, 好叻, 仲捉到兩隻.  不過最後都放佢地回沙灘. 

真可惜, 落嚟食早餐無帶相機, 錯過咗好多珍貴鏡頭.

差唔多十點半, 我地要番房梳洗及執行理, 因為要食個早飯, 然後開車回台北.

十一點半, 我地先將行理放上車, 再去餐廳食午飯.  本來酒店住房, 包咗pool side BBQ晚餐, 但昨晚我們去了照利食海鮮, 就將個dinner 改咗午餐, 不過只可在中餐廳用餐.  我地有五個人, 結果佢地上咗個六人餐比我地食.

個餐有: 海角彩春盤, 椰仁草蝦球

酥炸花枝餅, 花菜乾山豬肉, 滿洲雨來菇, 脆炒半天花(好特別, 黃色的鳳眼果未食過)

恆春山藥燉水鴨, 蔥油在地魚, 甜品有仙草綠豆蒜(卒之食到綠豆蒜啦, 的仙草就好似涼粉), 仲有的西瓜非常之甜..... 好豐富的午餐....
跟著出去行咗幾分鐘, 然後上車.   我地有兩部車, 其中一部將會回台中台南, 而我們就直開到台北...開車時間大約中午12:35.
真係辛苦了我們的朋友, 原來由墾丁回台北, 開車差不多要六七個小時, 我們坐車都覺得有些腰酸背痛, 開車的還要更用神.  中途停了三個休息站, 還好我們途中有說有笑, 時間過得很快.

回到台北, 已經差不多晚上七時, 我們便直開到內湖, 已相約台北的朋友一起吃晚飯.  朋友已在鼓浪嶼訂了位.

 

內湖鼓浪嶼生猛海鮮聚餐廳 地址:台北市內湖區瑞光路5號  我們去到已經晚上, 仲有的雨, 無影相.  呢兩張照片係响網上介紹呢間餐廳extract 出嚟.

朋友點菜, 非常豐富, 有三杯土雞, 鹽焗處女蟹(重皮蟹), 清蒸魚, 焗龍蝦.

大蜆湯(台灣好似叫蛤蜊湯), 炒菜, 薑蔥蒸鮑魚, 炒拉麵...  六個人食, 好豐富好滿足呀! 

飯後朋友載我們到酒店check in...

我地訂個package, 包台北兩晚酒店, 我地揀咗福泰桔子商務旅館, 新開的林森店...

上到房間, 好焗好熱, 先開冷氣, 不過個冷氣好似大陸嗰的咁, 由30c慢慢調落去, 我地調到13c都無用, 唯有慢慢等.   再睇吓間房, 雖然比較細, 但裝修設計都唔錯.  可惜一張大床, 但張被好細, 一轉身咪是但一個無被冚. 

我就先去沖涼, 吓, 點解的熱水水壓咁慢嘅, 開極都唔熱, 只係微溫, 無辦法唯有照沖, 橫掂天氣咁熱.  型爸沖時一樣係溫水, 好彩天氣熱, 無問題.

沖完涼, 過咗成個鐘, 冷氣都係下調到27c, 救命, 好熱呀!  再等吓, 26c, 心靜自然涼, 沖哂涼又唔想轉房... 最後都瞓著咗... 不過唔使擔心爭被冚, 因為成晚都唔使冚被, 蓋著小小就得啦.

好攰, 但仍覺很愉快的一天.....

幸運之旅 - 墾丁台北五天遊 - 第二天 墾丁, 恒春

2010年8月27日下午12:57公開累積瀏覽 284 1

昨晚下了一場太雨, 但一早起來, 天氣已回復明朗...

我們經過墾丁大街去到一間叫峉里公主的餐廳食早餐....唔使煩惱叫咩, 因為只得一款早餐供應.   呢間餐廳裝修以泰式為主, 頗有情調, 响呢度食早餐感覺好舒服.    跟著朋友開著車載我們四處遊覽.
嚟到墾丁, 台灣朋友都問我們有沒有看過海角七號呢套電影, 但我和型爸都沒有看過.  朋友就帶我們去到拍攝海角七號的鵝鑾鼻公園, 睇鵝鑾鼻燈塔, 位於墾丁最南面嘅地方, 可算是天涯海角....

 睇吓我影張相, 係咪同張入埸卷張相好相似.

跟著我地就沿著呢個公園, 行了一圈....天氣頗熱, 但間中下毛毛雨, 風很大, 雖然流汗, 但並不覺得辛苦. 
又差唔多係時候回去, 因為民宿老闆已經在那邊訂了枱等我們回去吃午飯.

呢間Smokey Joes係食American & Mexican food, 我地九個人, 叫咗一個十人套餐(A), 好豐富呀!
睇真的個餐牌, 有十樣野, 其中五樣仲x2, 好夠食呀! 仲任飲冰紅茶同檸檬汁.

墨西哥粟米片沙律, 炒什菇, 炸魷魚鬚, 檸檬汁

焗海鮮飯, 芝士批, 大蜆意大利麵, 醬燒豬仔骨.   個大蜆意大利麵同醬燒豬仔骨都好味, 但焗海鮮及芝士批就好淡味.   同我地香港食嘅cheddar cheese 完全唔同味.  我比較喜歡吃濃味芝士, 覺得嗰的芝士麻麻地.

呢碟係散叫嘅墨西哥卷是那位香港designer叫的, 他吃素... 睇落都幾好, 味道如何就唔知.
食完午飯, 我地就回去民宿執行理, 再去夏都飯店check in

藍天白雲, 真係好靚

酒店大堂很寬敞, 酒店望出去, 已經係沙灘

房租頗貴, NT$12,xxx 一晚, 酒店好full, 多謝台灣朋友的朋友, 好難先訂到兩間房, 呢間係蜜月套房, 房間很大, 有個客廳, 出面一個大露台.   洗手間很大, 除淋浴間外, 還有一個大浴缸, 可以望到海景.

其中房間一個大賣點就係樓底好高, 窗簾對上, 還有10尺, 有一個大天窗. 整個房間, 空間感很大, 很舒適.   可惜我地又要出去觀光, 唔可以即時去沙灘或游泳池, 享受酒店嘅設施.

民宿的老闆好客氣, 帶我們去遊覽, 先到璧湖魚港, 介紹我地買旗魚酥, 真係唔好意思, 仲買咗一包送比我.    跟著再帶我們到恒春高山巖(關山)貓鼻頭公園觀光, 風景很美.  那邊有間廟叫福德宮.   由山上望出去有三支白色柱, 其實係風力發電機.  而海嘅另一面盡頭, 就是今天早上我們去的鵝鑾鼻燈塔, 墾丁之南, 天涯海角.
跟著就經步行道上山看日落.

雖然我用傻瓜機, 但都影到這麼美的日落相.  最可惜日之將下, 被雲海遮著.
我們要離開恒春回墾丁吃晚飯, 又預訂了另一間餐廳吃海鮮.

照利庭園餐廳, 屏東縣恆春鎮龍水里糠林南路6號.   呢間餐廳都幾出名, 入到去, 見到有幅大牆壁, 全貼上好多唔同客人的名片.

所點的菜有河豚皮(雞泡魚)&鯊魚肉刺身.  河豚肉煮米粉, 雨來菇, 鹽烤松板豬肉.  個河豚肉米粉好好味, 仲可以refill, 加的辣椒落去食, 好正呀!

炆魚肚(其實我覺得係公魚子), 脆皮蘆筍, 椒鹽豆腐, 烤比目魚..  樣樣對我嚟講都新鮮好味, 嗰的椒鹽豆腐, 入面好似玉子豆腐咁, 台灣人叫蛋豆腐.  嗰條烤比目魚(佢地都叫雪魚), 好滑好好味.

炒新鮮金針花(乾的金針菇就食過, 新鮮的, 都係第一次食), 蔥爆水母(佢地話係植物, 唔係一隻隻嗰的水母), 仲有勁好飲的新鮮西瓜汁....應該好似仲有幾味菜唔記得影, 最少那碟炒地瓜葉都唔記得影啦.

呢款又係民宿老闆娘介紹的紅莓汁, 好味..

真係好好味呀! 又食到捧著個肚.....  今日行程都幾緊密, 有的攰, 食完晚飯就返酒店休息.  房租咁貴, 梗係要早的番去享受吓的設施...

民宿老闆夫婦&香港設計師想參觀一吓酒店房間的設計, 一行八人一齊番酒店, 大家傾吓謁, 大約半小時他們離開, 我們亦回房休息.....

又係開心愉快的一天....