多年好友, 帶埋女兒從加拿大回來兩星期. 相約幾個老友, 十個人共四個family, 一同到荃灣城市中心廣場II期富臨酒家晚飯... 相識多年, 雖然有段時間沒見面, 但大家一見面, 總有講不完, 說不盡的話題.
朋友帶來兩支紅酒, 一支冰酒, 人未齊先叫客滷水掌翼&椒鹽蒜香骨來送紅酒. 大家肚有點餓, 再叫兩客生煎包. 可惜這兩客生煎包兩個小時後我們已經吃飽後先送到.
今晚叫了很多餸, 除燒鵝及肥牛煲外, 其他都比較清淡.
胭脂蚌濃湯泡菜苗, ok, 味道很清
鮑汁野菌燒豆腐, 味濃, 的野菌略鹹, 但的豆腐幾好味.
濃湯魚腐泡勝瓜, ok, 好清淡
龍躉兩味之碧綠炒球, 個樣睇落幾靚, 但斑腩只得幾嚿我未有食過. 型爸就話麻麻. 而清蒸斑頭腩就食咗一件, 肉質比較淋, 普普通通.
沙嗲金菇肥牛煲, 有點肥膩, 味道一般
脆皮燒鵝, 味道ok, 但一D都唔脆皮, 的汁亦唔覺得熱, 唔知係咪斬起等咗好耐先攞出嚟. 燒鵝唔熱唔脆皮, 打哂折扣. 不過唔好要求咁高啦, 朋友有張燒鵝券, 呢碟係送架.
迷你冬瓜盅, 叫咗兩客, 都幾好味.
姍姍來遲的生煎包, 飯已食完, order已取消. 而我們已叫了白飯代替. 但兩個鐘頭後先送來, 還不理我們反對, 勉強放低, 我們都由他. 怎知過了十五分鐘後, 再來一碟, 還想再勉強放下. 直至我們強烈反對, 先很不情願地拿走. 看著她將這碟生煎包推銷給其他客人.
送西瓜一碟, 好味. 睇吓碟西瓜後面, 有兩個生煎包剩, 打包.
唔知係咪當晚有酒席, 人手唔夠, 的招呼非常差, 只有其中一位"支客"非常殷勤. 好彩我地只係普通晚飯, 無咩要求, 亦唔戒意. 價錢唔貴, 比咗一個地方我地傾咗幾個鐘. 值....
又一個愉快的晚上.
沒有留言:
張貼留言