遊輪假期 - Facility & Services

遊輪假期完結篇 (Spectrum Of the Sea 海洋光譜號)

今日寫完結篇就講吓遊輪上的玩樂設施及服務:

船上的玩樂設施, 主要設在十四及十五層

而呢道就係第十五層甲板, 有outdoor pool,


而室內泳池就行落一層

呢個北極星體驗就响甲板行上一層, 亦都係全船最高點

甲板船尾方向有攀可牆

仲有滑浪場

另外仲有吊單床, 懸浮體驗

呢個多功能運動場, 每天都有不同節目, 碰碰車也在這裡玩

會所裡可以做Spa

仲有Gym room.

想shopping 就要落去第四層

有幾家商店

有免稅店, 但買咗嘅免稅物品, 只可以在離船前一晚提取.   即係話買咗嘅免稅酒唔可以在船上飲用.

船上大部份員工都非常有禮貌, 只有個別四樓餐廳門口帶位/分發位置的態度不好(有一兩位係極差)

負責執房的員工也很好

第一天我的房間是一限大床, 兩邊下床位很窄, 有一面還被櫃頂著.  後來要求佢地將大床分開(大床由兩張單人床組成), 我們在中間上下床就比教方面.   哈哈, 呢個方法, 都係五哥教的.

隔一兩天就會用毛巾接隻動物放床上氹下你, 第一隻係小象

有一天是小狗, 跟著係小白兔.

 每一天房中都有news letter, 全是英文, 沒有中文版 (雖然全船大部份是香港人)

 聖誕節有一張印得好靚的Menu,

 平安夜在船上也可以唱聖詩, 聖誕歌詞都派到每一房間

 岸上觀光前的一天, 亦會派發通知, 及教導如何填表格.   亦都會响每場show完結時提點大家.

下船前一晚, 再派行李標籤.

講到服務就真係好好.  所以每天每人都要比US$14.5小費. 

臨回港前一天, 我地先去四層cashier counter埋單.   因為我地開咗好多枝紅酒, 所以埋單就比較貴.  船上所有消費都要加18%, 都真係幾貴呀!

好啦, 結尾啦, 究竟好唔好玩呢?    

嗱! 真係好見人見智啦, 好多人覺得好玩, 但我同型爸就覺得真係麻麻啦.   

頭一兩天有的新鮮感, 上岸去沖繩玩, 時間短, 到喉唔到肺.  跟著開始覺得困著响著船上面, 日日都係早午晚餐, 晚上睇show.   上岸去菲律賓, 又唔覺得好好玩.

咁我地又唔係覺得好差, 只係唔覺得好好玩, 亦唔會好想去第二次.   我唔敢講以後會唔會再上船, 但有排都唔會再去.

加上今次疫症, 困在船上真係好大鑊, 相信遊輪假期, 都要有一排先會復甦.

遊輪假期 - Meals & shows

這兩星期忙到, 忙到, 忙到...忙到....唔識講, 有得忙好過無得忙.   除了忙還要救亡.....

寫呢幾篇遊輪假期都係多災多難....好似的疫情一樣.

今次呢篇係講遊輪上的飲食及表演, 船上只有幾間餐廳, 要serve幾千人, 講真, 都算真係唔錯.

第一天上船就去了食自助餐, 但人太多, 不喜歡.   但食物普普通通, 不會太差

午餐通常去三樓主餐廳, 晚餐就每晚都訂了四樓.   午餐一般, 但晚餐我們都以西餐為主...的牛扒質量及烹調都好好.

基本上, 食得哂係可以繼續叫.

睇完show 肚餓又可以去食pizza

所有酒類飲品都要自費.   呢枝紅酒非常好飲, 這幾天共開了11枝

值得一提是Christmas Eve 那晚, 我和三家姊姨甥一家共八人, 自費訂了食鐵板燒, 每位USD60.

食物的質數全船都一樣, 海鮮是急凍, 唔會覺得十分好.   但菲藉廚師很會攪氣氛, 令到大家都好開心.

其中一餐中餐午, 真係麻麻

都係西餐正好多

呢款啤酒, 而家的人見到都怕

除酒要自費外, 其他可以食到你唔食.

見到啦....食到想唔增磅都幾難.

食完晚飯就去睇show, 基本上晚晚都有得睇

絲綢之路, 不同時段做了兩次

魔術表演

百老匯式的大型歌舞

群星演唱

令我最深刻係呢位菲律賓女歌手....佢一個唱哂全場, 非常好聽, 一的冷埸都無,  勁呀!

還有其他的表演

另外一個非常好的表演就是雙人體操....力的表現, 非常完美.   而每一個段落又配合沙畫表演, 又係無冷場.   非常精彩.

就係呢兩位, 我有幸可以同佢地合照.

最可惜係最後一個晚上, 因為風浪太大, 個show取消.  只係播放電影代替.

所以在船上, 每個晚上都有所目.

睇完show唔想瞓, 仲可以去食pizza, 或去賭場打個round.....哈哈, 不過我地無一個去賭錢.