寶麗餐廳 - 深圳沙井

April 20, 2018, Friday

今日又要上國內工作, 攪公司年慶.   今年真係遲咗的, 無辨法, 要相就老闆.

下午同事帶我去一間叫寶麗茶餐廳, 佢地話呢道的野食唔錯

我地要了一個三人套餐, CNY156, 估唔到有咁多野食.

义燒拼燒鴨

酸菜魚 (淨係呢碟送上檯已經覺得好抵食)

蟲草花蒸雞

炒芥蘭

仲有個枸杞豬什湯

實在太豐富.

當我地食到差不多, 老闆娘剛功返到嚟話請我地飲野, 我要了即磨咖啡, 唔錯喎, 同事要了奶茶, 都一樣ok, 我將杯咖啡飲了一半, 再將奶茶們一小半落的咖啡道....哈哈, 自製鴛鴦都唔錯呀!

其實呢的份量多一個人食都仲得呀!

漁匠料理

April 19, 2018, Thursday

今日同型爸又去試間新餐廳呀!

呢間漁匠料理响上水, 型爸話聽聞呢道的食評唔錯, 咁就要試試啦.

睇佢地鋪面細細, 原來入面都幾大, 我地等咗一陣就有位.

有個大餐牌棟咗門外....有幾款套餐

睇咗一輪, 都係要了個二人套餐 (哈哈, 唔使諗呀!)

魚生方面, 可以揀半條活魚, 或其他.  最後都係揀咗唔要活魚.  壽司就係佢地整咩就嚟咩啦.

柚子汁凍蕃茄

呢個麵豉海同平時嗰的有的不一樣, 用的是中式長椰菜, 入面加了蝦頭, 味道都ok.

我地要了牛肉鍋 , 烏冬已煮好放在碗上.

兩個人食一個烏冬好似唔係好夠喎.

原來仲有個鐵板豆腐

的野齊啦, 唔會食到係好飽, 但又唔會餓啦.

埋單有少少驚喜, 就係無加一, 哈哈, 即係慳咗HK$30.

的野食普普通通, 不過不失啦.

釀梅酒 - 2018

April 15, 2018, Sunday

自從2014浸咗大量梅酒之後, 跟著2015又浸咗好多瓶, 2016 同 2017都無再浸. 的鄰居朋友話, 的梅酒浸三年先係最好飲.   我2014年浸的, 佢地2017年話非常好飲,  為免飲吓飲吓無貨, 都係時候要浸番的.

之前浸開又已經飲咗好幾瓶,   之前飲哂的梅酒, 唔捨得掉的浸完酒的梅,  食又食唔到咁多, 整梅子冰又整唔到咁多.  現在要用的瓶, 都係要掉哂的梅.,   呢兩個都係5 liters 瓶呀!

洗淨, 放入焗爐100度焗20分鐘消毒

買時心中未有份量, 只係買咗四磅多青梅.  另外買咗一大瓶5.18 liters的九江雙蒸.   今年無買日本酒, 因為29.5%九江雙蒸, 好能夠激出的梅味, 浸起真係幾好飲

的青梅都好靚.   洗淨抺乾, 再放到肯定無水氣.  跟著去蒂刺孔

 
睇番之前嘅Blog, 浸梅酒的比例係1: 06:0.28,   咁之前浸得好飲, 咁就繼續用呢個比例.

買了一包黑糖, 只有300g

四磅多青梅差不多兩公斤(1,950 g), 先浸兩瓶, 要再買多兩磅梅先可以浸第三花瓶

今次的份量:
九江雙蒸   1.7 liters
青梅           975 g
黑糖           150 g
冰糖           350 g

如果用以上的份量, 咁第二年再浸就客易記.    6 磅青梅配一大瓶5.18 liters嘅九江雙蒸就啱啱好.

先放梅, 放黑糖再放冰糖, 加酒.

浸起得咁少, 覺得有的嘥位喎....仲有咁多空間, 可以加多的梅, 加多的酒, 再加的糖浸滿佢.  但我無梅啦...今日就咁先啦.

呢道仲有大約1,700 liters 酒...買多兩三磅青梅就得啦.

真係有的唔習慣, 今年浸得少咗的喎!

哈哈, 而家講咩都無用, 睇吓下星期有無時間買多的青梅啦.

再嚟爐端燒

April 14, 2018, Saturday

今日去買餸, 經過雞檔, 見到的新鮮雞內臟(雖然唔係好健康, 但唔係成日食唔怕啦), 覺得好啱串燒....咦! 不如今晚又嚟自家爐端燒啦.  不過買好哂的野都已經晚上六點, 只可以預少量食物.

整嗰時都無預叫邊個, 都係諗著叫一兩家鄰居, 最後叫了組長兩夫婦.   型爸打比林老闆, 點知佢病咗, 咁就唔好意思唔叫佢嚟啦.

呢的係串燒雞物, 有雞腸, 雞腎, 雞潤, 雞肉及雞皮

魚蛋, 多春魚, 司華力腸, 辣腸

蔬菜類有青椒, 辣尖椒, 雞髀菇, 銀杏, 秋葵

最正係呢幾個油甘魚鮫, 急凍的, 四個HK$93,  燒起非常好味

今日無整雞翼, 呢的chicken drum 係組長比我的, 即刻醃好整比佢食.

開先只用一排炭, 不過的火太細, 燒得比較慢.

跟著整兩排炭....咁就啱啱好啦....

今次好成功呀....全部食物都無燒燶呀!

食完仲有一大鍋腐竹雞蛋糖水.....哈哈, 組長鐘意食甜品, 整咗一大湯碗比組長及型爸...我同組長夫人要小碗好啦....

有咩開心得過三五知己一齊飲飲食食吖....

Open Oyster

April 12, 2018, Thursday

我地行山組攪咗一次唔係行山嘅活動....哈哈, 咩野活動吖, 又咪係飲飲食食.

呢個食生蠔活動係由型爸發起, 不過所有coordination都由我負責 (哈哈, 型爸通常都係出口, 跟著就使我去做啦....不過我好願意嘅).

打電話去訂位時, 訂八位室內, 侍應要求我要現金落訂, 每位一百.  幸好近公司, 放工去落訂都無問題.  不過心中其怪, 好少餐廳要咁樣落訂, 唔通好多人放飛機?

Open Oyster 七點先開, 我地就訂七點.   本來活動在星期四係相就組長夫人, 點知佢今日生病嚟唔到, 結果派女兒出來頂佢個位.   今次人數好,八位, 侍應安排了左邊鋪一個小房間, 啱啱八位, 我地嘈的都唔緊要.

我地今日會食生蠔, 如果想要的蠔抵食的, 佢地有個Wine Lover Discount, 的生蠔可以平十幾二十文一隻.  但每人需要飲兩杯酒.  一枝酒等於五杯, 我地八個人要十六杯, 即係要開三枝酒加一杯....呢個我地一的都唔擔心開唔夠酒呀!

一開始先唔叫生蠔著, 先叫的小食暖暖個胃先

有拼盤

雞軟骨

燒魷魚

第一枝酒, 我地點了一枝白葡萄酒 Chardonnay, 幾好飲唔錯

先點了兩款生蠔,由淡到濃, Arousa & Gillardeau, 呢兩款唔係好濃味, 但都唔錯.

八個人一枝酒好快就飲完, 跟著開第二枝, 呢枝係侍應介紹, 不過無第一枝咁好飲.

 

第二個round又係兩款, 每款八隻生蠔,  Ostra Regal & Majestic.    Ostra Regal 好味.

跟著又開第三枝酒, 呢枝都係侍應介紹, 不過都係第一枝Chardonnay 好飲的.

 

第三個round嘅蠔係 Gold Regal & Etoile.  Golden Regal 好味喎!

開第四枝酒, 我地都係要番枝Chardonnay

而第四個round都係叫兩款, 每款八隻生蠔, 不過唔使佢再介紹, 我地翻叫我地喜歡的Ostra Regal 同Golden Regal

 

食完每人八隻, 我地就好夠, 但組長話未夠, 咁再叫多四隻Golden Regal比佢地.   型爸話咁多金粉粘在殼上, 係咪人工飼養 

食夠蠔就開始叫主食...

 

 跟著開第五枝酒, 今次開紅酒....不過我就已經唔係幾頂得著...有的Wee Wang Wang

要了忌廉汁藍具, 好好味呀!

跟著要了一客麵包醮的汁嚟食, 一客麵包只得八塊, 每人一塊

要了八年羊架, 每人一件

跟著要了一客Risotto, 又係每人食一的.

之前食咗八隻生蠔, 其實都有的飽, 再加埋少少主食, 都真係好夠. 

未夠嘅我話唔緊要, 我地再去食甜品.

埋單HK$6,091, 每人HK$760...開咗五枝酒, 食咗68隻生蠔, 咁上下啦.   我地有Wine Lover Discount, 如果平均一隻慳HK$15, 68隻就已經HK$1,020.   咁開得門做生意, 生蠔賺少的, 响的酒都賺番都係應該.     總之大家食得開心就得啦.

最唔話得係副組長, 佢無join我地食晚飯, 但放工出嚟接我地(因為飲酒我地無開車), 咁就請佢去食甜品啦.

我介紹佢地去紅墈芝麻綠豆甜品店呀!

我好掛著呢道嘅芝麻蛋白燉鮮奶

我梗係即刻要一硯啦...先食蛋白, 再食芝麻糊, 跟著拌勻再食

其他的任佢地叫.

型爸要的杏仁蛋白湯圓...非常好味

跟著打包一碗杏仁蛋白湯圓比組長夫人, 一碗芝麻蛋白燉鮮奶比副組長夫人....哈哈, 都算係咁啦.

甜品由型爸做東....大家食得開心....一個非常開心的晚上.