大埔滘林徑 - 挑戰黃路

Dec 20, 2015, Sunday

今日好興奮呀!  行咗咁多次大埔滘林徑, 今次決定行最長程嘅黃路呀!

起點寫著要行3.5小時, 但其實由大埔公路行到起點, 已經需要20分鐘, 再加黃路需要行3.5小時, 今日全程需要行四個多小時呀!

向黃路出發!  但行黃路,先要行啡路呀!  因為頭段,  啡路黃路, 路線連在一起.

最難行係初段的大斜路, 崎嶇不平

仲有石級呀!   好索氣呀!

跟著路牌, 一條路行

行林徑比較悶, 望來望去都係機林, 偶一見到特別嘅植物, 都忍唔著影張相.

 

睇吓地圖, 我地行過啡路初段, 跟著就兜大外圍行黃路

行過啡, 到Yellow Walk 啦.

估唔到黃路有好大片竹林, 呢道的竹好幼, 紅藍啡路都無見過.

行到呢道, 只不過係大約三份一路程

由呢道去大埔公路, 要2 小時呀!  咁即係我地已經行咗兩小時啦.

行到呢道差唔多一半路程啦.

 

呢個位置有一個流動洗手間, 不過我地出咗好多汗, 無需要去啦.  一見到黃啡路呢個牌, 即係淨黃色線行哂, 跟著係行啡黃連在一起的路線.

到每一個地標之處, 我們都會留意行咗幾多路, 今日點都要行哂整條黃路

好開心見到呢個牌, 即係啡路都已經行完, 進入藍路了.

哈哈, 仲有一小段就行完啦.

不過呢個時候就開始落雨, 天文台真係準呀!

我地剛行到大休息處, 可以避吓雨

但整個大休息亨都係行山客.  等咗幾分鐘, 組長話的雨都唔似會停, 不如繼續行.  我無問題, 因為帶備了雨傘.  他們都穿了防水風衣, 無雨傘也可行.

今天有幾隊小朋友來參觀, 帶他們來的老師們要用長長的膠布幫他們擋雨.

當其時行到好攰, 我地都要急急上車啦.

行咗四個幾小時, 都差不多兩點啦.   我地開車去粉嶺食午飯.

哈哈, 已經係下午茶時間, 下午茶餐, 更優惠.

 
型爸要食飯, 要咗梅子排骨飯

 
副組長太太要了切雞飯

 

我地其他人就叫粉麵得啦.

下午茶餐仲可以配炸魚皮及油菜, 抵食呀!

食完野唔係即刻返屋企, 要去買餸呀!  組長家工人姐姐放一個月假, 我邀請佢地來我家食晚飯呀!  組長好客氣, 佢煲個靚湯過嚟呀!

哈哈, 今日由早上出發, 到下午三點幾, 已經行咗兩萬幾步啦.   

其實今日都好攰, 無咩煮意, 買嘅餸都以蒸或白焯為主.

買了一隻新鮮雞, 用紅棗杞子木耳來蒸

白焯蝦

白焯東風螺

雞什炒荷蘭豆

組長整的梅菜蒸鯇魚

組長煲咗個西洋菜山斑魚豬展湯, 加咗的鮮淮山落去, 好美味呀!

今日過了好充實的一天!

富臨奶奶生日宴

Dec 18, 2015, Friday

年尾時間, 又係食唔停.  今日係奶奶生日(佢計舊曆), 大家一齊出去食晚飯.

就近奶奶, 响美孚富臨食晚飯.  訂咗兩圍全包宴.  呢的價錢真係好抵食.  星期一至四 HK$1,488, 星期五HK$1,688, 星期六日就HK$1,888.   講真有時自己去買餸都唔止呢的錢, 而家十二個人食, 仲係全包宴, 超抵.   咁當然, 唔會有貴價嘅翅食啦.

今晚菜單

 
五福大拼盤

白焯海蝦


金磚百花球, 即係炸鮮奶及蝦球

翡翠炒斑球

 
蒸斑頭腩, 玉環瑤柱甫

竹笙海皇燕窩羹, 因為分上就唔記得影啦.

蔥花走地雞

 
生炒糯米飯

杞子桂花糕

另外每檯加咗十二個大壽包.

的餸碟頭頗大, 我地十人一檯, 食唔哂呀!  又包的返去比Cindy食啦.