大埔滘行山樂 + 小白鷺餐廳

Dec 13, 2015, Sunday

星期天, 又到行山的日子.  不過今日少咗幾位組員, 只有五人行呀!

大家無特別意見, 又去咗行大埔滘林徑.   今次都係行藍路加紅路, 兩個幾小時, 我地十一點幾就行完.    今日人少少, 我地去間就近的餐廳, 坐得舒服的, 組長刨馬經都清靜的.

我地開車由大埔公路過去都只係幾分鐘.   去到有架大巴士落緊客, 嘩, 幾十人去餐廳, 我地會唔會無位架.

不過我地都等佢地行哂先入去.

 哈哈, 好彩佢地唔係入廳, 佢地全部行上樓梯, 應該係其他function.

 

坐低就叫野食先, 今日心情好好呀!

呢道的麵包麻麻地, 但今日有焗熱就覺得好味的.

松露忌廉湯, 好味道

我同型爸要了美國穀飼牛仔扒, 好腍, 幾好味喎


仲有意大行飯, 味道都好好


組長及太太要了紐西蘭牛扒

& 軟殼蟹泰式沙律

副組長要了鱸魚菠菜麵

佢地話今日的食物坐部都好好味呀!

仲有杯咖啡都唔錯.

埋單HK$924, 平均HK$185 一個人.

今個午餐, 大家都好滿意呀!