福田口岸清真館

Dec 12, 2015, Saturday

星期六, 二公子去街唔返屋企食飯, 咁我同型爸按完摩, 都無需急趕返香港.  一於食埋先返香港.

關口附迎, 開咗一間清真館.   店口好細, 如果唔留意, 都唔覺呢間麵店. 

今天下午同型爸食得豐富, 今晚就清淡的諗著食碗麵


我地要了羊肉湯麵, 幾好味喎.


仲有羊肉水餃, 一碗25隻, 味道都唔錯.

本來想要多一碟手抓羊肉, 但諗吓, 樣樣都係羊, 不如叫碟牛啦.

咁就叫咗呢碟椒麻牛肉.  原來係冷盤嚟架.  味道好濃, 我覺得鹹咗的.

每人要了一礶王老吉, 呢排食得火鍋多, 瞓得唔好, 熱氣呀!

呢間清真館, 好像是新疆人開, 年輕人一家人自家做, 找錯了錢馬上追上來還給我們.   雖只是十元八塊, 但值得稱讚!

下次再來幫襯.