懷舊粥麵

May 17, 2016, Tuesday

今日麻煩鬼同慢魔麼都唔得閒, 我自己一個人食午飯.  第一時間, 就諗起新大光燈嘅懷舊粥面.

哈哈, 一個人都幾好架, 唔使等位, 入去即刻有位.  諗都無諗, 入去叫咗兩樣野.

炸兩, HK$25.   呢道嘅炸兩貴咗的, 因為义燒腸粉都只係HK$22

仲有呢碗及第粥, HK$32

的炸兩入面嘅油炸鬼, 仲有小小脆, 而家的酒樓及粥麵鋪, 好多都做唔到架啦.  加的甜醬麻醬辣醬, 好味呀

及第粥即係豬什粥, 入面有兩塊豬潤, 一塊豬肚, 一件粉腸, 一塊肉片.  的豬潤爽滑, 並他都好夠腍, 好味.

呢份午餐, 食完好足夠..

HK$57.

當我食緊時, 對面來了一位女士, 應該係熟客嚟, 佢坐落即叫, 豬什湯河+細芥蘭....呀, 原來可以咁叫咩...下次要試吓.

------------------------------------------------------------------------------------------------------------------------
兩天後.... 同慢魔魔麻煩鬼一齊再嚟

哈哈, 我諗都唔諗就叫咗豬什湯河 HK$32, 細芥蘭HK$10

慢魔魔要了皮蛋瘦肉粥HK$28 加炸兩HK$25

麻煩鬼要了及第粥HK$32+义燒腸粉HK$22

大家都食得好開心...呢間得閒又會再嚟, 啱我地呢的無飯癮嘅人.
----------------------------------------------------------------------------------------------------
 跟著May 25, 2016,

 又再去大光燈試一次

 今次慢魔魔要了豬手湯麵

 我要了艇仔粥

 叫了一碟炸兩share

 仲有一碟細芥蘭, 又係share

 每人都係四十幾文.

呢間而家做咗我地飯堂, 一星期都會嚟一兩次.   一來近, 二來的野都覺得啱食呀!

韓流村燒烤

May 16, 2016, Monday

今日Cindy唔舒服, 唔肯去睇醫生, 咁我地就比咗的成藥佢食, 叫佢咩都唔好做, 去瞓覺休息一天.
我地晚上出去食, 唔好煮啦.

型爸問我想食咩, 我話不如去食韓燒.  咁同埋二公子佢女朋友, 一行四人去食韓燒

就係呢間我地幫襯過午市套餐的韓流村.

原來晚上佢地幾好生意, 仲有好多外國游客幫襯.

睇咗餐牌, 要咗一客二人套餐, 一客醬油蟹, 再加一客牛肋排, 四個人一定夠食.

叫我餐就先上菜

呢道無六小碟, 係三小碟, 可以任添任食, 雖然係咁, 我地都只係添咗一次

每人一碟調味醬

型爸要了一枝韓國米酒, 韓國賣十幾文一枝, 坐飛機嚟到香港就要百幾文一枝.  不過型爸唔like呀, 佢話唔好味.

我地要了醬油蟹, HK$298一客, 只有兩隻小蟹, 配紫菜飯團.   哈哈, 好似仲貴過食大閘蟹.  不過味道好好呀, 好味過我地响韓國食.  在韓國食醬油蟹, 的汁好鹹.  呢道的汁調的甜的, 適合香港人口味.  的飯團搓得太實, 凍了覺得有點硬

的蟹雖然細隻, 但有好多膏, 都幾好味.   如果怕食生野就唔好叫呀!

二人套餐, 有一碗拌麵

每人都分到有一小碗, 但覺得的麵太腍, 下次要試吓水冷麵

二人套餐有豬肩胛, 黑毛豬扒

雞肉

嘩, 我食咗隻辣椒好辣呀!

燒完呢round就叫佢換燒盤

換好先再燒牛肉.

我地見到佢地的牛肉, 只有一件牛助排....吓, 一份牛肋排唔係只得一件麻... 再問清楚, 原來我地叫嘅牛助排無落單, 呢件係餐入面包嘅.

好囉好囉, 咁唔使落單, 因為我地個個都好飽啦.

埋單HK$1,349, 如果加埋牛助排就要千七文左右啦.

好彩我地叫二人套餐再加點, 如果叫四人套餐可能就食唔哂啦.

及時走地雞

May 15, 2016, Sunday

今日行完山好似有的攰, 晚餐唔想諗, 咁就同Cindy講雪櫃有河粉, 唔好放咁耐, 用雞絲洋蔥炒咗佢, 整多碟菜, 其他餸兩樣餸就自己諗啦.  

哈哈, 溝通有問題, 佢好似淨係聽到煮兩樣野.....

雞絲洋蔥炒河

焯韮菜花

跟著就係清補涼煲魚湯.

咁特別, 其他無煮啦, 我地係大餸王, 好清淡無選擇喎!

呢個世界, 真係有好多野好及時的.  林老闆打比型爸, 啱啱响國內返到嚟, 買咗隻浸熟咗嘅走地雞 (上次我地响潮汕食嗰間, 佢話見到佢地即劏即整, 新鮮又有雞味, 買咗幾隻返嚟派街坊).  好及時呀...

蒸都唔使蒸, 即時斬就食得....好正, 的雞用依韌有雞味, 好!


唔止呀, 仲攞咗兩條金古仔, 話朋友釣嘅, 正, 即刻蒸埋佢.

本來單調嘅一餐, 即時變符豐富....

多謝林老闆, 及時走地雞, 得閒就買多幾次呀!  hehehehe.....

大埔滘林徑 + 粉嶺新明苑飲茶

May 15, 2016, Sunday

好耐都無行過大埔滘林徑.  之前行得太多行到有的悶, 咁又轉咗去行鹿頸南涌.  天氣開始熱, 組長驚我地的女士怕曬, 佢話今日行林徑啦.   我地無異議.

好彩咋, 如果今日行鹿頸南涌嗰邊就有的問題, 睇新聞, 因為政府收地問題, 谷埔村村民封村, 去到唔比行就無癮啦.

我地都係同往常一樣, 紅加藍, 行大約七公里

唔知係天氣濕定係我地唔係狀態, 行紅路去到大休息亭, 竟然要1小時15分鐘...行得慢咗呀!

咁回程我地就行番快的.  呢排多雨水, 見到好多菇生出來, 仲好大隻添.... 千祈唔好摘嚟食, 我驚有毒呀!

最後行完, 都係比平時慢15分鐘啫.   

行完, 組長提議去飲茶, 佢話新明苑搬咗, 的野食好咗好多.   咁我地又去試吓.  以前舊嗰間的點心好粗糙, 真係麻麻地.

呢間新明苑搬咗去粉嶺馬適路逸峰廣場

地方新的又靚的, 但超多人.....唔使怕,  組長有的面子, 好快有位.

估唔到樣樣點心都幾好味喎.

 

 由其是呢碟加辣嘅豉油皇炒麵, 好味呀!

最後仲加多碟馬拉糕同流沙奶皇包....

大食, 每位要HK$150,  的野好食, 大家都唔介意比多少少.