五號屋的部落: 8月 2011

2011年8月30日星期二

湖南人家

2011年8月30日下午3:18公開累積瀏覽 43 0

August 20, 2011, Saturday

昨天旅行完返嚟, 仲有兩日休息先至返工, 真係開心. 型爸話呢幾日好攰, 不如去按摩啦...咁梗係好啦....個個都讚成.

晚上型爸話晚上都唔返屋企食啦(呢排Ruby好開心啦, 晚晚都唔使煮飯), 出去食啦. 型爸實在太錫大公子啦, 就嚟要離港返加拿大讀書. 帶佢去呢道食, 嗰道食, 想養肥的佢. 知佢返到去無啖好食. 但係我驚大公子未肥, 我地兩個已經肥到不得了...
結果我地去咗皇崗村水圍嗰間湖南人家食湖南菜

呢間其實我地嚟過好多次, 近嚟就比較少嚟, 因為嚟親都會叫的唔係好健康嘅餸....

干鍋大腸, 呢道整得好好味, 又有的辣, 當的大腸爆耐咗乾乾地無哂的油, 仲好味.

干鍋魚子, 呢碟又係好味, 不過好膩, 次次都食唔哂. 今次仲勁大鍋

蒜蓉粉絲蒸扇背, 呢碟就唔得啦. 的扇背細粒到不得了, 的肉仲蒸到乾哂

酸辣回頭魚, 幾好味, 不過都幾辣

金銀蛋莧菜, 普通

韮菜豆乾, 其實我地想叫家常豆腐, 但嗰位姐姐介紹, 試吓啦. 不過我地就唔係咁鍾意食啦.

半打炸饅頭, 好味

粗量梅菜包, 呢碟就麻麻啦.

我同二公子就叫7up, 型爸大公子就叫王老吉. 哈哈, 國內的係有中文字7喜, 香港嗰的無中文, 礶身印著7up.

食飽飽就返屋企啦.

2011年8月29日星期一

日本酒

2011年8月29日下午3:23公開累積瀏覽 340 2

August 19, 2011, Friday night, 第五天

今次去日本, 收鑊甚豐, 其中大部份响幾天遊記都影咗出嚟, 但呢幾支日本酒就係最後買嘅.

就係呢幾支啦... 逐一介紹吓先

呢支常盤Sake, 係泡盛出品, 我地响Ashibinna Shopping Mall入面一間酒鋪買架. 我地叫嗰位老闆介紹, 呢隻係嗰道排第一位. 另外佢仲介紹一隻排第二位. 兩隻酒都試過, 呢隻好飲的. 兩款酒價錢差唔多, 我地問佢兩款酒嘅分別, 佢話常盤係用泰國米釀嘅, 而另一款係日本米釀嘅. 我地聽到想買第二款, 點知大公子話有第一都唔買買第二? 佢咁講我地諗吓, 就買咗呢支常盤. 本來可以買多一支嘅, 但型爸想買Whisky多的.

第二支係竹鶴, 21年Pure Malt Whisky. 我地喺機場入閘之後嗰間shop買嘅. 寫blog之時, 呢支酒已經比型爸林老闆飲咗落肚, 我試咗少少, 的麥味好香喎

第三支係響17年嘅Hibiki Suntory Whisky, 覺得個樽好靚, 暫時都仲未飲, 不過我諗都唔放得响屋企好耐.

第三支係山崎The Yamzaki Single Malt Whisky, 呢支得12年, 想買年份長的都無, 老闆話無貨, 佢買唔到返嚟. 我寫blog時, 呢支酒又已經飲咗啦. 呢支酒入口好香, 但個香味唔能夠停留喺個口入面好耐, 一陣就無.

介紹完一支Sake, 三支Whisky....

就輪到呢兩支Choya梅酒

雖然香港都有得賣, 不過我都想買番嚟, 諗著同各部屋幾位女士一齊飲. 當時見唔到有其他梅酒, 咁呢兩支都好啦. 去生果樂園有的菠蘿酒, 但我一的都唔想買.

呀!....仲有一支要再提一吓, 就係我地响日本即買即飲嘅

呢支又係琉球泡盛出品, 殘波. 其實都幾好飲架. 當時酒鋪嗰位女士介紹, 亦比咗幾款唔同嘅酒我地試飲, 最終揀咗呢支. 呢支已經入哂我地個肚啦.

Okinawa 5 Days Trip - Day 5

2011年8月29日下午2:24公開累積瀏覽 419 0

August 19, 2011, Friday, 沖繩五天遊, 第五天

今日係個trip 嘅last day, 不過聽個導遊講, 都仲有好多行程喎....
早上都係07:30 morning call, 08:00 食早餐, 09:00 上車

早餐都係求其食的啦, 呢幾日都食咗好多呀!

臨走, 同呢間酒店影張相先.

咦! 又換咗旅遊車喎, 呢架係第一日嗰架車. 今次換咗三部車, 但三部車都好新淨舒服. 呢部車牌係333, 另一郭係888, 仲有一部係510.

我地呢站係去首里城呀! 呢張係派比我地嘅leaflet, 每行一處地方, 可蓋一個印, 係比的小朋友玩架. 但我都係大朋友嚟架麻, 一樣照蓋印, 留嚟紀念都好吖.

行到上去, 就係呢個守禮之邦嘅閘門

過咗呢個閘門, 已經可以蓋一個印

經過門已經有個石碑, 寫著世界遺產. 不過導遊叫我地先入去, 所以都無留心睇吓的字

跟著一路行上去, 咦! 點解有的似曾相識

睇真的, 呢道咪係嗰套"大奧" 嘅外景, 相信套戲應該應該實地拍攝

側面有個中山第一....影落去..吓!呢個係泉嚟架?

行到上個城門口, 已經身水身汗, 我一早已經攞哂的太陽三寶出嚟用

等導遊比的門票我地入去參觀

呢個係皇城嘅正面(即東面), 我地由西面入

呢面係南面

而呢面係北面

排列就係咁啦(以我站响西面嚟影)

全部人入內參觀都唔可以著鞋, 佢地會派膠袋比我地自己挽著. 一入到去, 見到地面有一塊玻璃, 可以望穿地下之泥地.

呢個係與大臣議事嘅地方

各層floor plan.

睇呢的牌扁, 就知道日本受中國文化影响. 好似話中國呢個牌扁, 係承認琉球係一個永遠屬地.

皇冠與玉璽

呢張木椅真攪鬼, 以前已經識用布作座位, 咁咪唔使咁硬囉.

睇完就出城啦

我地由另一邊比較少人行嘅地方出去. 呢個首里城嘅地理環境真係比較高, 由呢道影相, 真係高居臨下...

睇吓呢兩張相就知啦, 城外嘅平房, 盡在腳底

沿路出去, 看到好多曾經修復過的石牆

首理城嘅地圖

最後一個蓋印

再出去又係手信購物店

亦都陳列咗一的古物

仲有整個城嘅模型

呢兩張就好清楚啦.

最後仲有呢個Q&A嘅display, 解答的疑問

我地都蓋咗好多個印呀! 有的地方佢地維修, 我地無入去呀. 而且我地都唔係睇得好細緻.
行到好攰, 我地上車啦. 車程唔係好耐, 但下一站仲耍行的勁呀.

就係去沖繩奧特萊斯購物中心Ashibinna. 我地十一點幾去到, 下午三點先集合. 午餐我地要自己攪掂.

1F., 即係地下, 我地由十一點幾行到兩點, 但都未行哂, 因為我地某幾間shop逗留咗好耐

行到兩點我地就上2F食野.

今次收獲甚豐呀!

呢個就係Food Court 啦.

最終都係揀咗呢間日本食品, 黑潮海鮮

睇完餐牌, 估唔到我地個個都揀的好類似嘅食物

我嘅海蝦魚生飯

型爸嘅魚子飯加啤酒一杯

大公子叫嘅同我一樣

二公子叫嘅魚生飯. 各碗飯都幾好味喎

大公子另外叫嘅墨魚丸, 呢碟就麻麻啦

估唔到呢餐都要8,215yen, 即係hk$820, 都好貴. 遊客地方, 無法啦.

我地買咗好多野, 可以換呢的小禮品, 全部都係明信片. 哈哈, 呢的明信片嘅地方, 好多我地今次都去過.

食完野, 醫好個肚水又充番電, 仲大把收獲. 攞著幾大袋上車, 但係仲有最後一個行程, 係帶我地去坐單軌火車. 好彩我地只需要人行, 的所有手提行理, 全部放喺車上, 一陣司機叔叔會去下一個站接我地.

由赤嶺站出發

入閘啦, 我地用團體票, 無得攞番張票留念添

入到閘, 導遊叫我地响呢道影張相. 原來呢個係最南端車站

上下兩條線, 一條向首里方向, 一條向那霸空港

有個紙牌公仔, 好多小朋友响到影相, 有日期架.

上到車站, 我地要去那霸空港

來回線嘅行車時間

車嚟啦...

唔使一陣(大約五分鐘)就到咗那霸空港. 原來呢個係最西端嘅一個站, 唔怪得知安排我地坐啦. 用幾分鐘時間, 由最南面車站坐到最西面車站

我地落車後唔需要自己行過國際線, 旅遊巴司機叔叔過嚟接我地.
去到機場, 我地仲需要的時間執拾一吓, 買咗咁多野, 要將某的入喼. 本來我地無手提行理, 而家要每人一袋. 不過有三個俊男幫手, 梗係唔使自己拎啦....kakakaka
攪掂哂的行理立即寄咗先. 但仲未可以入閘. 呢道個機場好細, 又唔想行過內陸機場嗰邊, 就响呢邊唯一一間餐廳坐吓.

就係呢間啦, 我地一的都唔餓, 但係二公子仲好有"食力"啦, 佢又叫咗個豬扒飯, 不過估唔到咁平, 480 yen, 即hk$48. 仲平過啱啱响shopping centre 個food court.
一夠鐘我地就入閘啦, 想睇吓入面有無Duty Free 可以買酒呀!
五點幾上機, 大約19:30pm到香港, 不過我地响機場攪咗個幾鐘呀! 我地拎四個喼去, 有三個爛咗, 要去Aireline claim 呀!