今日都唔需要太早起身, 07:30am morning call, 08:00am食早餐, 09:00am 上車...今晚又會入住另一間酒店
呢張係我地嘅早餐券, 有三間餐廳可以揀. 我地怕Banquet Hall嗰邊太多人, 都係決定去七福食和式早餐
間餐廳都唔細, 但入到去已經好多人
呢個係飲品corner
有款玄米黑酢, 整杯試吓先
我攞嘅和式早餐
呢個紫蕃薯粥, 好清淡, 啱我食
半生熟雞蛋
呢的紫菜用嚟送粥
一杯奶一杯玄米黑酢, 但型爸話唔好兩樣一齊飲, 但我飲完奶, 都飲咗少少黑醋.
型爸大公子二公子完全唔鍾意食呢的和式早餐, 不過唔緊要啦, 食少少咪算囉.
食完早餐, 我地就去海洋博物水族館
水族館入口
有幅地圖顯示各館所在地
去到入口, 導遊去買票, 我地就周圍睇吓
咦! 牆上掛著好多獎牌
原來係的唔同新品種
共有17款咁多
有入場券啦
入到去見到好多小朋友圍著, 原本係有好多海星
原來呢的海星係可以觸摸, 只不過唔可以將海星攞出水面.
呢, 呢幅圖講到好明白
跟著我地入去啦
影咗好多相, 但不能全部post出嚟
呢條比較特別嘅鯨鯊
仲有見到潛水員拖著好大條魔鬼魚一齊游泳, 另外兩條好似排隊咁, 好得意
仲有呢隻好長觸鬚嘅墨魚
跟著去到博物館, 呢個大鯊魚口加埋個小朋友, 真係相影成趣
呢條鯊魚模型, 將鯊魚每一個部位顯示出嚟
參觀完, 我地就趕好海豚館睇海豚表演
每次睇海豚表演, 都覺得好開心, 好精彩
睇完表演, 又渴又攰, 大公子二公子又食雪糕, 我同型爸就飲雪糕梳打
跟著再去海龜館
再去海牛館
睇完哂都仲有時間, 但天氣實在太囇太熱, 我地去有冷氣嘅休息室坐咗一陣, 夠鐘先去集合.
等車時見到個vending machine, 見到有沖繩限定Coca Cola, 想買, 最後都無買.
跟著我地去水果樂園
先上二樓餐廳食午飯,
今日食陶板燒, 陶板石油氣爐上面鋪上錫紙
再喺上面放的油, 將的菜同肉類炒熟.
每個人都有條紙圍裙, 防被油彈
呢, 就係咁啦
唔夠肉亦都可以再加
另外仲有一鍋麵豉湯
再可以出去攞呢的炆豬手, 排骨. 豬手好味, 排骨就麻麻啦
另外仲有咖哩飯
仲有好多咖哩汁呀
豬手食哂, 的排骨仲有少少
仲有大量嘅肉同菜
食完我地就去行水果樂園, 蝴蝶溫室, 雀鳥天堂
呢個係入口
香蕉樹, 同我地香港見嗰的唔一樣
見到有隻大蜘蛛, 影番張close up
火龍果就食得多, 但火龍果樹就真係未見過. 的葉好似仙人掌類植物
原來菠蘿樹係咁嘅
跟著就去蝴蝶溫室, 經過閘門, 有好多蝴蝶標本.
蝴蝶就見唔到, 但見到呢的蛹
後來仲見到呢的金色嘅
的金蛹好得意. 我諗而家應該唔係蝴蝶繁殖嘅季節.
跟著再去雀鳥館, 有的鸚鵡呀, 都無咩特別, 無影相.
行完出嚟就係呢間生果店
咁就坐低食的野嘆吓冷氣
我地叫咗一碗超大芒果蘆薈冰, 好味好正呀! 1000 yen, 即hk$100一碗.
離開水果樂園, 跟著就載咗我地去Main Place shopping, 同大公子二公子買咗的衫, 我又買咗套睡衣同Shiseido Anessa 防囇.
再喺supermarket買咗幾款唔同嘅麵
見到的日本芒果啦, 咁貴, 點買得落手呀! 成港幣hk$600一盒, hk$300一個呀! 留番返香港先食啦.
晚上我地食琉球海鮮火鍋餐呀!
都無留意係邊間餐廳, 入到去已經set 好哂檯, 呢份係四人份
就係呢鍋啦
烏冬得好少咋, 佢地唔肯再加. 知先我地頭先去supermarket買的嚟食啦, 落個鍋一齊食, 真係幾好味
呢的前菜同白飯就無咩興趣啦
仲有個麵豉湯
的鮑魚嚟啦....
我地訂嗰的鮑魚嚟咗啦, 導遊叫我地去影相, 睇佢地灑的鹽, 的鮑魚係咁郁, 跟著人佢地攞入去煮啦.
龍蝦鮑魚刺身船都嚟埋啦
先兩日買嗰支sake仲有半支, 今日攞埋嚟飲埋佢, 要嚟配魚生, 鮑魚, 好正呀!
自己出去攞冰用嚟飲sake
其實出面都有的食物可以攞嚟食, 不過都係麻麻地
的鮑魚煮好送過嚟啦
打開, 的鮑魚切到好薄片, 不過食落都無咩味
我地差唔多食完要走嘅時候, 竟然有個特別節目. 另一間公司嘅旅行團, 安排咗個劏金鎗魚show, 我地的團友, 個個都唔蝕底啦, 留低睇埋先啦
不過最後無睇哂我地就走啦, 我地個導遊响車上面等緊我地呀! 哈哈, 唔通等食埋人地條魚先走咩.
上到車上, 我地嘅導遊話呢係比較細條嘅黃鰭吞拿, 比較細條. 但因為我地睇金鎗魚show cancel 咗, 而家有得睇, 劏黃鰭定藍鰭都無所謂啦.
跟著我地就返酒店啦
呢間叫Miyako嘅酒店
大堂都幾大
不過房間就好細啦
用嘅係Pola沐浴產品
Face/Hand Soap都係.
我地上房後, 再落去酒店嘅shop行吓, 不過酒店樓下都無咩野好買, 但呢間酒店附近並無超市, 無得行啦. 今晚都食得好飽, 大公子二公子話唔使買杯麵做宵夜啦.
明天係last day, 我地今晚要執好哂的行理啦.
沒有留言:
張貼留言